Kiơ̆ lơ̆m roi tơbăt đơ̆ng Anih dăr hơlen kơ Khŭl kơdră teh đak păng nơ̆r tơgop pơma đơ̆ng dôm bơngai tang măt vang truh akŏm, pơma pơtôch, Tổng Bí thư Tô Lâm chih iŏk dôm tơdrong hơdrin đơ̆ng anih dăr hơlen kơ Khŭl kơdră teh đak păng đĭ đăng anih jang dăr hơlen lơ̆m tơdrong bơ̆jang kiơ̆ tơdrong jang sơng kon pơlei, hơmet pơ ‘lơ̆ng hla ar kơ thơ tơkêng lơ̆m khei ‘năr âu ki.

Ƀôh hơdăh ‘noh đơ̆ng blŭng jăl jang truh dang ei anih jang dăr hơlen hlôi hơmet pơ ‘lơ̆ng lơ hlôi sơng vă jê̆  9.000 ‘nu bơngai hăm hloh 8.000 tơdrong păng vă jê̆ 1.000 khŭl lơ bơngai; sơng iŏk, hơmet pơ ‘lơ̆ng vă jê̆  48.000 hla ar kơthơ đơ̆ng kon pơlei, dăr lăng, jang hơdai hơmet pơ ‘lơ̆ng hloh 1.000 tơdrong tơkêng, tơhlâu lơ bơngai oei đei, mơmat pơdui đunh; kiơ̆ đơ̆ng noh, hơnơ̆ng vei sơđơ̆ng tơdrong đei yua ăn lơ bơngai, khŭl jang đei ƀơm truh. Pơma hơdăh, tơ̆ hơnăp kơnh Đảng, Teh đak gô tơlĕch jang hrơ̆ch lơ trong jang, tơdrong tơgŭm tih, tơdrong jang ‘lơ̆ng, pơm tơdrong hơiă kơjăp vă teh đak hơtŏk tơiung, mă loi ‘noh jĭ athei hơmet ăn mă ‘lơ̆ng Hop akŏm Đảng rim tơring, yak truh Hop akŏm Đảng lơ̆m teh đak ‘măng mă 14; yua thoi noh, tơdrong jang hơmet pơ ‘lơ̆ng tơkêng, tơklâu athei đei bơngơ̆t truh hloh dơ̆ng.