Tơ̆ jơ sơng, Tổng Bí thư Tô Lâm tơƀôh jơhngơ̆m đon lăp găh tơdrong pơvei Việt Nam - Hàn Quốc tŏk bŏk hơtŏk tơiung tôch kơ ‘lơ̆ng hơiă lơ̆m đĭ đăng dôm tơdrong jang; pơma hơdăh Hàn Quốc ling lang găh grŭp dôm teh đak dơ̆ng hơdrol găh tơmơ̆t jên jang, tĕch mơdro tơ̆ Việt Nam, kiơ̆ đơ̆ng noh 2 teh đak tŏk bŏk yak truh tơdrong hơgăt jên tĕch mơdro iŏk đei 150 ti USD lơ̆m sơnăm 2030; lăng ‘lơ̆ng dôm tơdrong tơgop đơ̆ng dôm anih mơdro sa Hàn Quốc tơmơ̆t jên jang tĕch mơdro tơ̆ Việt Nam, lơ̆m noh đei Grŭp jang SK, kiơ̆ đơ̆ng noh tơgop gĭt kăl lơ̆m tơdrong hơtŏk tơiung mŭk drăm - tơpôl Việt Nam.

Tổng Bí thư Tô Lâm athei Grŭp jang SK jang hơdai kơjăp hăm dôm anih jang ƀơm truh păng tơring Việt Nam jăh tơlĕch jang dôm tơdrong jang 1 trong hrĕnh hloh, ‘lơ̆ng păng đei yua. Grŭp jang SK ‘meh vă jang hơdai hăm păih Việt Nam tơlĕch jang dôm trong jang ŭnh hơyuh hơdai hơtŏk tơiung dôm anih jang kơmăy kơmŏk tơm nhen tơmơ̆t jên jang găh ŭnh hơyuh LNG tơ̆ Việt Nam hơdai hăm hơtŏk tơiung dôm tơdrong jang hơdai ‘lơ̆ng ƀơm truh Hơnih chih răk AI, ŭnh hơyuh Hydro păng hơnih tơjră hạt nhân Mô-đun iĕ, choh jang sa kơmăy kơmŏk ‘nao păng logistics.