Yă Cao Thị Hoà An đei pôk hơtŏk pơm Kơdră chĕp pơgơ̆r Jơnŭm vei lăng kon pơlei dêh char Dak Lăk
Thứ năm, 10:57, 03/07/2025 VOV Tây Nguyên/Amazưt tơblơ̆ VOV Tây Nguyên/Amazưt tơblơ̆
VOV4.Bahnar - Tơ̆ hop akŏm, Jơnŭm vei lăng kon pơlei dêh char Dak Lăk hlôi tơbăt hơdăh Tơdrong tơchơ̆t đơ̆ng Hơnih bơ̆ jang Khul kơdră chĕp pơgơ̆r Kuô̆k hô̆i găh tơdrong pôk hơtŏk kơdră chĕp pơgơ̆r rim kơchư̆k chĕp pơgơ̆r tơm dơnơm.

 

Kơsơ̆ brei (2/7), Jơnŭm vei lăng kon pơlei dêh char Dak Lăk hlôi pơgơ̆r ‘măng hop akŏm mă blŭng Jơnŭm vei lăng kon pơlei dêh char jăl X, jăl jang 2021-2026, lăp đơ̆ng rŏng jang kiơ̆ hơgrop tơring.  Tơ̆ hop akŏm, Jơnŭm vei lăng kon pơlei dêh char Dak Lăk hlôi tơbăt hơdăh Tơdrong tơchơ̆t đơ̆ng Hơnih bơ̆ jang Khul kơdră chĕp pơgơ̆r Kuô̆k hô̆i găh tơdrong pôk hơtŏk kơdră chĕp pơgơ̆r rim kơchư̆k chĕp pơgơ̆r tơm dơnơm. Yă Cao Thị Hoà An, Kơ iĕng Kơdră chĕp pơgơ̆r Đảng dêh char, đei pôk hơtŏk pơm Kơdră chĕp pơgơ̆r Jơnŭm vei lăng kon pơlei dêh char Dak Lăk jăl jang 2021-2026; ƀok Trần Phú Hùng, Kơdră jang lơ̆m Khul Kơdră chĕp pơgơ̆r Đảng dêh char hăm ƀok Đỗ Thái Phong, Tỉnh ủy viên, đei pôk hơtŏk pơm Kơ iĕng Kơdră chĕp pơgơ̆r Jơnŭm vei lăng kon pơlei dêh char; yă Phạm Thị Phương Hoa iŏk jang Kơchư̆k Kơdră chĕp pơgơ̆r Hơnih bơ̆ jang Pháp chế; yă Phan Thị Hà Phước pơm Kơdră chĕp pơgơ̆r Hơnih jang vei lăng Mŭk drăm păng Jên hu bơ̆ jang dêh char; ƀok Lê Văn Cường iŏk jang dơ̆ng kơchư̆k Kơdră chĕp pơgơ̆r Hơnih bơ̆ jang vei lăng Oei sa Joh ayŏ-Tơpôl; Yă Đỗ Thị Như Tình pơm Kơdră chĕp pơgơ̆r Hơnih vei lăng kon kông. Iung pơma tơ̆ hop akom, yă Cao Thị Hoà An, Kơdră chĕp pơgơ̆r Jơnŭm vei lăng kon pơlei dêh char Dak Lăk pơma hơdăh, hăm hơgăt teh să hloh 18.000 km², măt bơngai kon pơlei đei hloh 3 triu 340.000 ‘nu bơngai, Dak Lăk hlôi jing mĭnh lơ̆m pêng dêh char tih să hloh lơ̆m teh đak găh groi teh, mĭnh tơring đei tôm tong rơvơn vă atŏk tơ iung tôm tong rim tơdrong jang jĭ rơvơn vă pơjing đei jơhngơ̆m pran ‘nao, cham char atŏk tơ iung ‘nao ăn dêh char Dak Lăk lơ̆m jăl jang atŏk tơ iung tơ̆ hơnăp ou kơnh.

VOV Tây Nguyên/Amazưt tơblơ̆

Viết bình luận

TIN CÙNG CHUYÊN MỤC

Video

Gơyut ayong mơng hlâo
Mồ côi
02/07/2025
Tanh bĕ ayong dăm jŭ
20/06/2025
Đón khách
18/06/2025