Phun Nha đam atau dok ieu lac Lô hội lac sa janih  phun pala angaok thu , lagaih song rilo janih taneh karei karei. Di negar drei, phun  Nha đam meda pala hu di rilo labik, min nyu tamuh song patagok siam di dom labik hu harei pandiak dalam thun glong. Phun Nha đam meda iek hu rilo janih ruak yau: pandiak, Khớp tim, trĩ, viêm khớp, viêm gan, rối loạn tuyến tụy,..  Hala Nha đam hu iek siam dom janih palung. Ia eik meng hala  Nha đam meda iek hu ruak ung thư klik. Urak ni, phun Nha đam dok hu pandar piah ngak dom janih  mỹ phẩm khik pacang pandiak song pasiam klik, jang yau pandar piah ngak ia giải khát.

Ninh Thuận lac sa dalam dom tỉnh hu taneh phun  Nha đam rilo di abih. Phun  dược liệu ni rilo meng hu pala di dom bhum taneh cuah song meluh cuah tasik, pala dom janih phun karei takik kein lagaih. Tuk pala phun Nha đam, urang nong tuk camereip oh buh phun jien rilo, ilamu iek glang biak mbuan song pala sa mbang meda paik mek suai lavik, ba mai kein liba biak glong. 

Nha đam lac phun pala hu di bhum taneh thu lagu, min jhui dauk ia, yau nan ye brei palih bhum taneh glong, lanieng pasoh, siam di abih lac taneh lai cuah mbuan tathuak ia. Taneh pala hu kuac raok siam, hu ngak sit taneh song pasamu taneh pala. Hadei di nan, tagok luống, kuac taneh pala. Bhian di nyu, luống hu kuac glong labaih 20cm piah mbuan tathuak ia. Kuac rãnh pala tui mật độ phun ni atah phun deih 40 cm.

          Pandar khak limo hoai piah buh lót. Yaok phun buh lót labaih 500 - 700 g, khak limo, labaih 2,5 tấn khak limo / sa ha.

          Urak ni, hu labaih 300 janih Nha đam karei di gauk, min Nha đam ALOE VERAL hala xanh thẫm, bẹ hala prong lac janih mbuan pala song brei năng suất glong. Nha đam hu tagok pajaih meng jalan  vô tính. Khol drei pandar hala Nha đam piah tagok pajaih. Piah tagok bruk tabiak pajaih, mik va meda cakak klak dak phun amaik. Sa thun hadei taom dar phun amaik meda tamuh yaok pluh phun anek. Tuk phun anek prong meng 10 cm, khol drei ba nao pala.

          Phun Nha đam hu pala yaok thun, min siam di abih lac pala dalam bilan xuân song bilan thu, kayua ni lac tuk vak phun Nha đam anek hu pasiam veik song tagok samar di abih. Tuk pala drei caik hatai sangka: Piah mầm phun anek blo tagok haluk ( meyah lac mik va pacang haluk abih tagok dhar phun ba tal bruk phun anek, tuk pruh ia) khik ka phun tapak, dang song gha pacang sre jeng lam kajap taneh, meyah lac taneh oh ginup pasah piah khik gha, brei pruh ia. Hadei di nan, yaom lac langik thu, bhian randap pruh ia khik pasah mbiah ginup, yaom lac langik hajan gam gam brei sangka tathuak ia, kayua Nha đam anek biak mbuan si metai tuk dauk ia  

Dalam bilan thu mik va pruh ia gam khik pasah ka taneh. Siam di abih dalam bilan thu , meng 3-5 harei mik va pruh ia sa mbang, dong ka phun tagok siam,  hu chất lượng sản lượng glong jang.  Meyah langik hajan atah harei mik va brei tathuak jalan atah lubang pala, palagaih piah ia tathuak siam.

Langiu di bruk buh lót meng khak limo ( labaih ,5tấn/ha),  mik va bhian  buh thúc ka phun Nha đam meng khak NPK. Tuk vak buh thúc siam di abih lac sa bilan sa mbang, song liều lượng labaih100 Kg/ha. Tuk buh khak mik va klah nyaih ngak jak hala, bhian buh dahlau di tuk langik hu hajan, atau brei pruh ia hadei di tuk buh khak. Dom mbang buh khak hu pambuak bruk kuac raok taneh piah Nha đam mbuan hấp thụ jang.

Hadei di tuk pala labaih 6 bilan, phun Nha đam hu paik mek mbang camereip, song yaok bilan paik mek sa mbang. Hadei di sa thun, taom dar phun amaik hu tamuh rilo phun anek, mik va palih ruah dom phun anek prong kajap salih ka phun amaik, yau nan ye meda paik mek suai lavik  bo oh pala veik meng tuk camereip./.