Pathau mik va song tong abih gauk!  Ia hacih saat hu makna bika prong, dong paglong chất lượng rai duik di bhap bini, abih di nyu nan lac di bhum palei pala dok rilo kan kandah yau dalam glai tràm U Minh hạ. Meng nan, dom thun tapa, gah chức năng Cà Mau oh padeih bruk sangka, buh jien tabiak ngak dom danak dak ba ia hacih pabak ka bruk pandar ia di bhap bini daok dalam glai. Di dom labik oh ka hu jien ngak, dom mban, ngành, dom kapul nyaom di labik ni hu ieu pataom xã hội hóa, piah dong ka mik va hu ia hacih saat piah pandar. Trần Hiếu, Urang vak di rayo sap ndom VN dok di bhum taneran krong CL hu kadha vak brei thau ka bruk ni.

Xã Khánh Lâm rilo thun tapa, lac sa dalam dom labik di  huyện U Minh dok dang anak bruk kurang ia hacih. Makna lac kayua labik ni oh kuac raok hu bingun ia, meyah raok hu ye ia njaom likhun, njom mbak oh pandar hu. Kayua yau nan ye,  tuk bilan thu tal, bhap bini di labik ni biak havil akaok ka bruk ia pandar. Bahrau ni, xã ni hu gah  chức năng Cà Mau sangka padang ngak danak dak ba ia hacih song yaom jien abih tih labaih 25 tỷ đồng. Meng tuk ngak salah bloh song ba tame pandar mbiah tal harei ni hu labaih  2.000 boh sang pala glai di  xã Khánh Lâm song yaok rituh boh sang urang nong karei karei di xã Khánh Hòa (huyện U Minh)  hu pandar ia saat meng danak dak ni. Amuk Danh Thị Nên, sa dalam dom boh sang khik pala glai di xã Khánh Lâm bui sambai brei tha: ni lac bruk bui sambai di yaok ribau boh sang, hu mbang tui meng danak dak ia saat. 

        (Meng dahlau mai pandar ia mbia, oh hu ia taba labik ni nyu kan kandah lo, Nao non, bloh blei ia mai pandar,rambah lo. Urak ni hu ia hacih pandar jeng bingi sahang lô.

Tuyến dân cư kênh 25 di palei  19, xã Khánh Thuận (huyện U Minh) jeng lac sa dalam dom tuyến dân cư dok gaok kan kandah ka ia pandar dalam rilo thun ni mai. Tuk bilan thu tal, hu yaok pluh boh sang laik tame bruk kan kandah kayua kurang ia. Piah hu ia pandar yaok harei, bhap bini abih rilo tuk vak, pren yava song jien ndua nao mek ia di dom palei dok jiak tapen mai pandar. Bruk gleih glar di dom boh sang ni hu huyện U Minh lang talaih meng danak dak buh jien ngak bilai pabak ia hacih song yaom jien abih labaih 500 triệu đồng. Ong Trần Hoàng Tú, lambaok ka labaih 150 boh sang mbang tui meng bilai pabak ia hacih di palei  19 bui sambai lac:

    ‘ Ia di labik ni lac ia mbak, ia lakhun mesam. Yau nan ye, tuk hu dong ngak bilai ia,  bhap bini hu sahanang jang. Dahlau deih nao blei, nao pajeng ni deih, abih jien tra. Urak ni , lagaih ye, bhap bini hu tuk vak ngak bruk karei.

     Langiu di bruk pabak siam brukngak mbang, ngak huak di bhap bini,dom danak dak ia hacih dok pabak ka bruk pandar di dom jabat, sang bac, bilai  y tế, dom danak dak công cộng karei dalam tỉnh. Dok di dom bhum kan kandah  oh ka ngak hu danak dak ia hacih, gah chức năng tỉnh Cà Mau song  huyện U Minh jeng hu patom dom pren khang piah dong ka urang kuac raok yaok rituh bingun ia piah hu ia hacih saat piah pandar.

Amuk Lý Hồng Nhung, Phó chủ tịch Hội chữ thập đỏ huyện U Minh brei thau, dalam dom thun tapa, hu jak ba kuac raok yaok pluh bingun ia. Dalam thun ni, Hội pachreih ba dom urang ngak pahla, dom mạnh thường quân padang ngak ka dom boh sang kan dalam glai tràm U Minh raok 20 bingun ia, yaom labaih 80 triệu đồng piah klak rabha kan kandah song mik va.

“ Dalam dom thun dahlau hu labaih 60 -70 bingun ia. Tuk bo hu pandar ia bingun hacih ye mik va biak bui sambai, pasiam rai duik yau: mbang menyum hacih saat, papah khan aow oh gam likun tra, yau nan ye mik va biak sambai. Drei hu nao rivang, tui iek ye mboh lac rai duik hu sanang sane, hu ia jnuk  nyu hacih saat jang.  .”

Meng dom kham merat di gah chức năng  tỉnh  rilo thun tapa, yaok pluh ribau boh sang dalam glai tràm U Minh hạ hu ia hacih saat pandar. Tui pathau khan di  Jabat ngak nong song patagok palei pala  huyện U Minh, tal tuk vak ni  boh sang pandar ia hacih saat  hu labaih 94%. Bruk ni oh lac dong patagok  chất lượng rai duik di mik va bo dok palagaih ka bhap bini patagok  kinh tế boh sang. Abih di nyu nan lac , dok rik dong biak rilo tame bruk  padang tiêu chí môi trường dalam bruk padang ngak palei pala bahrau di tỉnh./.