Pilih ruah urang ka QH mbang XV saong HĐ bhap bini dom pakat vaktu 2021-2026 jak jeng dalam tuk jit praong Covid 19

K1. Nyaom roya pakat negar mbang ka XIII di Đảng jak jeng biak siam mekre. Nyaom roya ba tabiak 6 bruk ngak praong saong 3 salih bahrau khang jalan ngak; ba tabiak jalan ngak, bruk ngak di CM taneh ia drei dalam 5 thun tal.

K2. Pilih ruah urang ka QH mbang XV saong HĐ bhap bini dom pakat vaktu 2021-2026 jak jeng dalam tuk jit praong Covid 19 tamuh khang veik.

K3. Mbang jit Covid-19 ka 4  tamuh khang saong njaom mbak biak samar ba tal bruk biak trak damak, dalam nan hu bruk metai lahik di bhap bini saong kan kandah KTXH ka dom tỉnh, ban dalam taneh ia. Bruk pacang caga jit hu dom jalan ngak salih karei biak samar drah, njauk tukvak.

K4. GDP di taneh ia drei thun 2021 tagok (tăng trưởng dương); jien mek tame kadung jien Karja thun 2021 njauk tui kuhria mboh dahlau saong tagok duk haong vaktu ini thun 2020, yaom jien pablei pandap tabiak negar langiu saong blei pandap meng taneh ia langiu tame hu glaong di abih, lac labaih 600 tỷ USD. Thun 2021 jeng brei mboh bruk patagok biak khang di pablei salih điện tử haong kinh tế số.

K5. Dom bruk đối ngoại rilo gah saong dua gah di Việt Nam jeng hu peih ngak gam gam; Việt Nam eng drei dang tabiak ngak saong abih drei hu mbaok tame bruk haong gauk di dom kapul nyaom praong di dunya, paglaong labik dang di taneh ia.

K6. Nyaom biai ilamu pakat negar 2021 lac jalan peih tabiak sa vaktu cakrok bahrau; meng nan ba tabiak dom jalan ngak piah cakrok ilamu Việt Nam glaong di abih, ndung bak ilamu bangsa dalam tuk dak padang saong patagok taneh ia.

K7. Bruk dak padang, ramik pasiam Đảng daok hu jhul khang, hu cakrok bahrau. Bruk mesruh pacang, caga tham nhũng, tiêu cực daok hu ba tabiak, tacei pato saong peih ngak biak khang.

K8. Pasang iek, ba tabiak langyah, kaoh tui hukum rilo vụ án praong, biak jhak, biak kan kandah.

K9. Jalan pasei đô thị Cát Linh - Hà Đông – danak dak jalan pasei đô thị ngak iek camereip abih di Hà Nội saong di taneh ia – hu ba tame pandar hadei di rilo mbang suan sanya.

K10. Mbang akaok meti dalam sajarah, kapul dit blong, caoh mbanh Việt Nam tame tal vòng loại puac abih di World Cup 2022  bhum châu Á./.

 Urang lang: M. Phương – 01/01