Harei ini, Quoc hoi tame adit ngak bruk puac abih. Dalam biar harei ini, dom urang Quoc hoi ginum biai ka danak dak Hukum pasiam veik, pabak dom asar kadha di Hukum Yaih khan piah ngak salah dom asar kadha ba tabiak saong thaok binguk yaih khan. Hukum dự thảo hu ndem tal asar kadha brei ngak njauk, cambaic laic, oh ngak urang sahaneng meluh karei ka jalan pandar, asar siam lagaih di pandap panda, jitvu. Dự thảo Hukum brei mboh cambaic laic bruk ngak di urang ba pandar tagok yaih khan lac urang thau ka hukum khik hu kein laba urang blei pandar. Gam ramik pasiam, pabak asar kadha ka bruk yaih khan di harak mbao in, rayo papar sap, papar binguk.

Di tỉnh Bình Thuận, akhar Cam hu peih pato di dom sang bac pho thong dalam tỉnh. Urak ini, akhar Cam  hu peih pato sa adit hu 2 tiet, pabak bruk caong khin di urang bangsa Cam dalam tỉnh. Yaom lac, daok rilo kan kandah yau ye gru pato akhar Cam oh hu pasram bac bruk pato pakai, pandap pandar, tapuk siphau  daok kurang…min dom sang bac dalam tỉnh oh padeih paglong bruk pato akhar Cam. Tapa nan rik daong khik ramik saong patagok sap ndem panuac puac, akhar vak di bangsa Cam.

Tỉnh Dak Lak hu 49 bangsa adei sa-ai. Tapa 3 thun peih ngak Danak dak pakat negar patagok kinh te - xa hoi bhum urang bangsa takik saong bhum ceik, vaktu 2021-2030, Karja pakat negar hu buh jien brei ka tỉnh Dak Lak labaih 2.600 tỷ đồng, hu jiak 60% kuhria abih tih phun jien parabha brei. Ong Lê Ngọc Vinh, Pho Akok Mban bangsa tỉnh Đắk Lắk brei thau, dalam tuk peih ngak dom Danak dak pakat negar patagok kinh te - xa hoi bhum urang bangsa takik saong bhum ceik, tỉnh gaok oh lac takik kan kandah. Caong khin Trung uong njauk brei daong sang daok, taneh ngak sang, taneh pala drak raong glang…ka urang bangsa takik.

Harei ini, tỉnh Hậu Giang peih bruk ba Sang mac chieu xạ kaya nong hu prein khang 1.000 tấn kaya nong sa harei melam, pasang chieu xa drah taong abih dom pandap yau baoh kayau that, pandap ngak meng baoh kayua, kaya ikan dalam ia…Mac oh pandar phóng xạ yau nan ye oh kandaong veik jru phóng xạ di pandap, oh ngak salih thaik thaok, gam khik hu yamen bingi di kaya nong, pandap mbang ngak hacih baoh kayau samar drah tagok klau mbang dut saong kong nghe klak.  He thong ba pandap tui mbang tai tu ndong, pabak sumu taong abih thung pandap praong atau sit bo oh ngak jhak tal gah langiu thung pandap.

Palei menyim siuk me-om di xã Long Khánh A, huyện Hồng Ngự, tỉnh Đồng Tháp hu labaih 100 thun, lac labik pachreih hu tuai damuai dalam saong langiu negar mai rivang. Palei menyim oh duah hu bruk ngak bo daok khik ramik, patagok piah ba palei ngak hu jeng labik bhian randap  di tuai damuai tuk mai jirah rivang Đồng Tháp. Thun dahlau, Mentri Ilamo, The thao saong Yulit  brei ba bruk menyim siuk me-om meng kan di xã Long Khánh A tame Angan Drap ar ilamo phi vat the pakat negar.

        Ong Donald Trump tuk hu palih ngak veik Tổng thống Mỹ brei ka muk Linda McMahon ngak Akok Mentri Pato Megru. Ong Trump brei thau, lac Akok Hoi dong quan tri di Vien Sarak taneh ia Mỹ, muk Linda njauk hatai tui Adat hukum amaik ame, kham merat piah Bruk ngak amaik ame brei palih  ruak sang bac pho thong hu peih ngak di 12 tieu bang, daong uranaih  hu kein lagaih dalam brukbac da-a. Dahlau di nan, ong  Trump hu  palih ruah urang pan kaok nyaom jao brei piah daong pasang iek urang ngak bruk saong cih tavak sarak dahlau bruk palih ruah meng blaoh.

Thái Lan caong khin hu jeng pasak pabak pandap ka dunya thun 2026, jien mek tame meng bruk pablei salih pandap kong nghiep yam tapa 700 tỷ baht sumu 20,3 tỷ USD dalam thun 2025. Darak pandap mbang di Thái Lan kuhria meda tagok yaok thun meng 5% tal 10% dalam 5 thun anak tal, ngan haong jien mek tame labaih 71 tỷ USD dalam thun ini. Thái Lan lagaih ralo dalam bruk ngak tabiak saong ngak jeng pandap mbang karei veik, gam haong dom pandap anak tal, daong gah pandap di bhum  taneh Baha Ameh tagok  khang kajap.

Cục Yaok kuhria Hàn Quốc birau khan brei thau bruk roh duah, tui nan hu jaik 50%  urang njauk hatai tui jalan sahaneng hu anek min oh lakhah, bruk nan brei mboh bruk sahaneng karei  di manuac sia saong bruk ndik tapui anek di taneh ia ini. Dalam thun 2023, Hàn Quốc hu labaih 10.000 uranaih  hu ndih tapui meng dom urang meyut meyau oh lakhah. Tui dom urang ilamo, bruk hu veik ralo bruk daong ndih tapui anek saong iek glang uranaih, oh lac bruk lakhah paga yau halei, meda lac jalan langyah bruk takik ndik tapui anek di Hàn Quốc./.