Kapul Dalakasi 30 urang hu angan di vakil lambaok ka labaih 955 urang hu angan dalam bangsa tukik tinh Gia Lai barau nao rivang Mintri Polih mai. Ini ieu lac dom urang hu angan ba rup kham marat, urang yau asal pasak dalam bruk ngak ranam bangsa nagar; dalam bruk abih bhap bini khik caga bangsa nagar masa meng blaoh… Di war taom mbaok, Thieu tuong Hầu Văn Lý, Phaok akaok Kuk An ninh dalam taneh ia pok sap ayuh salam mayaom bruk ngak siam gheih di urang hu angan je, dah krah di tỉnh Gia Lai mek hu ngak hu di masa meng blaoh jeng ye caong khin mikva urang hu mbaok gilac mai palei khan brei mikva drei dom baoh kadha mata mboh tangi mahit jeng ye pachreih gauk dalam bruk pambuak talei rohim Ndang haong bhapbini, daong adei saai kapul polih ngak siam bruk hit di drei.

Danak dak kadai ndap nda pablei 0 dong – Brei ka kumei urang bangsa takik hu Kapul Pahasa Kumei tinh Tay Ninh pambuak haong Kapul panakaok Bol lin Caga jalan talei tapen nagar barau peih ngak di xa Hoà Hiệp, huyen Tân Biên. Danak dak hu jao hadiah lin 200 paok kaya mbang huak harei harei brei ka urang kumei urang bangsa takik di dalam bhum palei. Dom thun blaoh, ngak danak dak “Sajalan haong urang kumei di tapen nagar”, Kapul Pahasa Kumei tinh pambuak haong Kapul urang pan akaok Bon lin Caga jalan tapen nagar peih ralo “Kadai ndap nda pablei mek 0 dong” daong nai kumei, urang bhap bini di dom xã biên giới, bhum bangsa tukik. Tukwak masa meng anak, Kapul Pahasa Kumei tinh Tay Ninh mada daok peih “Kadai ndap nda pablei mek 0 dong” ka kumei urang bangsa tukik.

Meng kabroi, xa tapen nagar di Phú Lợi, huyen Giang Thành, tinh Kiên Giang, Kapul Dam dara Polih tinh Kiên Giang pambuak bruk haong Mban kapul Ban Cần Thơ peih ngak harei yam takai danak dak Xuan Tinh nguyen Barup ka thun barau thun 2025, gam haong dakvah, pato padar hukum nagar, lin hadiah ndap nda ka anek saih haong bhap bini. Kapul Delakasi lin 200 paok hadiah ndap nda ka anek saih haong hadiah 100 paok ndap nda ka bhap bini urang kan kandah. Danak dak Raya tet – Bon lin haong rahra bhap bini /“Tet - Bol lin haong Rahra” hu jao brei 2 baoh sang ka urang bangsa Khmer daok kan ka sang daok. Taong abih jien brei ka danak dak labaih 150 trieu dong.

Masa tukvak bahrau blaoh, sang ieik ruak Nhi đồng Ban Can Tho daong capat ralo uranaih kayua ula kaik, ralo di nyu ula hula ban iku marah kayua masa ini tame tukvak bilan hajan, ia ndik ia dauk ralo labik di gah pai mraong nagar Tay Nam Bo. Meng akaok thun mai, labaih 70 mbang urang ula kaik njauk ba tame ndih dalam sang ieik ruak, mboh ralo abih di bilan 7, 8, 9, 10. Njauk caik hatai mboh hu ralo anek naih ula kaik oh ba tame ieik ruak di sang ieik ruak dil capat jeng ye ieik ruak taeng tui hatai dalam bhap bini oh njauk. Ralo urang tame sang ieik ruak dalam tuk darah dalam rup si dang, ruak trak, jeng hu urang nduac darah dalam hatian tung, nduac darah ralo blaoh matai.

Di harei nyaom gah harak khaotin brei ka kinh te - xa hoi di ban raya TPHCM, bruk anek naih pandar telephone dalam tuk bac hu bau tal. Urang vakil gah So Pato megru Ban raya HCM brei thau sarak Thong tu 32/2020 di Mintri Pato padar Mentri Pato megru hu caik: Anek saih hu pandar telephon bien halei hu gru pato brei adat; pandar brei ka bruk bac magru gam haong gru dang ieik pasang di sang bac jeng ye sang danaok di nyu. Anek saih mai sang jeng pandar telephone hu piah pambuak haong amaik ame brei lagaih sanang tuk raok nao mai ka karo.

        Australia daok kuria si tame masa blei salih praong dalam thun, harei Black Friday meng di harei 29/11 jaik mai tal. Tapi min masa pablei salih ndap nda ini daok hu urang bleih pachot mek jien yau nan ye Australia brei caga tal bhap bini dalau di mayit nao mai njauk caik hatai tal khao tin di urang. Tui pasang ieik roh duah di Roy Morgan, di dalam masa blei salih ini, bhap bini Australia mada bayar jien 6,7 ty AUD, tagok 5,5% dut tui thun dalau. Jeng yau ye dom thun, kon bleik bhian caik hatai piah bleik mek jieng di bhap bini rah ra.

Cina barau di ini brei thau lac duah mboh ralo jalan krak ameh praong labaih 1 ribau tan, hu yaom jaik 83 ty do la ở tinh Hồ Nam, bhum kreh taneh ia ini. Ong Lưu Ủng Quân, Phaok akaok Jabat Dia chat Hồ Nam, brei thau brei thau bruk pasang  duah dalam saong tapen akaok meh Vạn Cổ dalam bruk praong pasang ieik duah hu cakrok patagok ka nagar. Dom công nghệ pasang duah quặng bahrau yau jalan ngak dia chat 3D, pasang duah điện từ yava sap halau hu pasang iek… hu angui di ini piah ngak pablaoh bruk cao tame labaih 150.000m saong ngak hu ralo baoh siam mbluak jang. Cina ieu lac sa baoh nagar blei meh ralo abih di dunya.

Hadei di dom mbang pui khuah pui mbang glai gam gam di ban ine Quito, rajaei Ecuador hu padang bruk pala phun saong khik ramik labik hijao. Ban Quito daok dang anak bruk cuang kandah di alam langik tasik tuk rah tabiak sa dalam dom mbang pandiak bhang praong abih dalam 60 thun tapa. Pandiak bhang ngak mbuan tagok bruk apui khuah glai, abih di nyu nan lac dalam tukvak meng bilan 6 tal bilan 9. Tui karja ban Qui-tô, dalam thun ini, dom mbang apui khuah apui mbang ngak khat khut lahik labaih 2.000 ha.