1. Việt Nam dang tabiak peih ngak hu siam mekre Thun APEC 2017

Thun APEC 2017 hu angan ieu lac “Ngak jeng pren khang bahrau, ba gauk pabak siam ka harei hadei” ngan saong 243 kadha hu peih ngak di 10 tỉnh, ban dalam taneh ia, tabung glaong lac Adit pakat glaong hu rah tabiak di ban sit Đà Nẵng.Dalam Adit pakat glaong APEC hu rah tabiak dom bruk ginum biai, taom gaok di urang dang akaok Đảng, Karja drei haong dom taneh ia, dom nền kinh tế.

          2. Nyaom biai Trung ương ka V song VI hu ngak brei cambaih laih dom bruk ngak prong bo Sarak Nyaom  roya 12  di  Đảng ba tabiak

Dom sarak nyaom biai Trung ương V song Trung ương VI hu ndom tal rilo kadha prong di taneh ia, gam ngak chip, gam suai lavik. Nan lac pasiam bruk kinh tế darak pasa tui jalan xã hội chủ nghĩa; rami ramik, dak padang bộ máy di hệ thống chính trị, kein lagaih; paglaong saong iel glang pren yava bhap bini ; bruk menuac sia dalam tuk vak bahrau song rilo bruk praong karei karei.

      3. Đảng, Karja brei mboh hatai khang dalam bruk mesruh pacang tham nhũng, tiêu cực

 Bruk khang hatai cambaih laih di Đảng, Karja, dang akaok lac ong Tổng Bí thư Nguyễn Phú Trọng hu taong abih urang Đảng, taong abih bhap bini, taong abih bol lin pachreih tui. Rilo  vụ án kinh tế praong, cuang kandah hu ba tabiak langyah, pagap yau  vụ án di Gilang pariak Đại dương (OceanBank)  palai pajoa abih 2000 tỉ đồng saong dom menuac hu ieu mai  tố tụng biak rilo, labaih 700 urang.

          4. Việt Nam ngak hu tapa tanut ba tabiak tong abih  13 bruk Quốc hội jao brei, GDP hu  6,7%

Thun 2017, patagok kinh tế di taneh ia hu ssiam veik, patrun patakik bruk pagam pambak tame pablei tabiak negar langiu dom janih khoáng sản. Teang thun 2017, bruk pablei tabiak negar langiu hu tagok di taong abih 3 gah nan lac: ngak nong, dịch vụ song công nghiệp chế biến, chế tạo. Hu yau nan meng hu bruk tacei pato khang, hadah krah di rajaei, Thủ tướng rajaei, dom mintri, dom gah , dom tỉnh ban saong song abih xã hội.

 5. Bruk padang ngak jalan cao tốc Bắc - Nam hu Quốc hội brei tapa

Dự án padang ngak dom canah jalan cao tốc angaok jalan Bắc - Nam gah timur tukvak 2017 - 2020 hu yaom jien ngak labaih 118.000 tỷ đồng, nao tapa 13 tỉnh, ban. Cao tốc Bắc - Nam ngak jeng pren khang bahrau jhul kinh tế patagok, paglaong pren meriak gauk. Sa dự án jalan mbak praong bahrau hu Quốc hội brei tapa saong yaom jien ngak tagok tal 23.000 tỷ đồng, piah samar padang ngak mblang kapal haoh dunya Long Thành.

6. Peih ngak hu siam mekre dom harei lễ prong di taneh ia

Thun 2017, dalam negar rah tabiak rilo bruk ngak praong hu makna pahadar 70 thun harei Thương binh - Liệt sĩ (27/7/1947 - 27/7/2017);  pahadar 100 thun Cách mạng bilan 10 Nga (7/11/1917 - 7/11/2017); Pahadar  45 thun jayak “Hà Nội - Điện Biên Phủ trên không” (12/1972 - 12/2017); 50 thun bruk  Tổng tiến công song brok tagok Tết Mậu Thân (1968 - 2018); Thun jum pataom Việt Nam - Lào; Thun pambuak talei rohim Việt Nam - Campuchia.

7. Bài Chòi, Daoh Xoan hu UNESCO pok angan lac Inem krung ilamu phi vật thể lambaok di menuac sia dunya

Bruk hu gac dom inem krung ilamu di Việt Nam hu UNESCO pok angan hu makna biak praong, rik daong yaih khan saong brei thau ilamu Việt Nam ngan haong ayut sahabar dunya, brei mboh veik dom sanya di Việt Nam ka bruk khik ramik, patagok dom yaom glaong ilamu  Việt Nam saong menuac sia dunya.

8. Bruk thể thao dalam negar, khu vực song dunya mek hu rilo jak jeng glong

Kapul Thể thao Việt Nam  mek hu  169 medai (59 medai meh), dang ka 3 di SEA Games 29, hu peih ngak di  Malaysia. Yaom lac VĐV song kadha pakacah dok takik, min kapul Thể thao VN jeng ngak hu  siam bruk ba tabiak di dom janih thể thao dalam danak dak pakacah di  Olympic song  Asian Games.

9. Ia sua, ribuk praong oh ka bhian mboh ngak khat lihik trak meng gah barak tal gah meraong negar

 Dom mbang ribuk patui gauk rah tabiak saong hajan praong gam gam meng akaok 8 tal bilan 11 ba tal rilo mbang ia sua, jaleih haluk, jaleih ceik khang di dom bhum palei Tây Bắc saong gah kreh negar. Tui kuhria mboh, dalam thun 2017, bala meng lingik tasik, ribuk, ia sua ngak ka labaih 380 urang metai, rilo taneh pala drak saong raong pala kaya ikan, athur raongf, menuk ada lihik abih, dom công trình hạ tầng saong sang danaok di bhap bini glut jaleih, khut tayah, khat lihik tagok tal yaok pluh ribau tỷ đồng.

10. Mblo tabiak dom kurang labaih, oh ka lagaih dalam bruk padang ngak khik ramik, peih ngak BOT jalan mbak; bala angaok jalan mbak oh trun.

Dom kurang labaih tuk peih ngak BOT jalan mbak di BOT Cai Lậy; Tiền Giang; Jalan roya 5, labik nao tapa Hưng Yên; gah merong tatua Bến Thủy (jiak Nghệ An, Hà Tĩnh)…njauk rilo  urang peih radeih phản đối, bayar meng jien rai, jien yaom sit ngak gar radeih song srau kadau xã hội. Thun ni, urang metai kayua radeih paoh gauk jeng dok yam tapa 15.000 urang./.

                                                                      Hanipha/VOV-TPHCM