Urang dang akok nyaom biai Rajaei online dom tinh, ban bilan 1 thun 2026, Thu tuong Phạm Minh Chính caong khin tukvak anak tal dom mentri, dom gah di palei kham merat ralo, ngak bruk piah patagok dua taka so. Thu tuong jeng caong khin brei caik hatai patagok  ilamo, xa hoi, khik tani tanat raidiuk xa hoi, paglong raidiuk Bhap bini, brei ginup jien bilan, jien Tet ka urang ngak. Ngak pakajap, pakhang bruk khik quoc phong, an ninh: khik tani tanat raidiuk xa hoi; patagok, paglong bruk dakwah, pathau khan, rik tame ngak brei njauk hatai manuac sia.

Kapol urang jakar di Hoi dong Bangsa Quoc hoi gam haong Mentri Bangsa saong Agama mai rivang, ayuh Tet  saong alin brei 200 paok pandap ka dom baoh sang raidiuk kan kandah di xa bhum taphia negar Ia Rvê, tỉnh Đắk Lắk. Kapol urang ngak bruk brei mboh hatai jia di mikva Bhap bini xã Ia Rvê patui bruk patagok jum pataom, kham merat ngak mbang pala drak, patagok kinh te, paglong  raidiuk, jalan sahaneng, khik ramik saong pagong ilamo siam gheih di dom bangsa. Bingun ini, Kapol urang jakar hu mai rivang, ayuh Tet  urang jakar, urang lin Balai Bien phong Yok M’Bre di Bollin Biên phòng tỉnh Đắk Lắk.

Tui Mentri Noi vu, tui kuhria meng labaih 50 ribau doanh nghiep hu ba tabiak bruk alin Tet Binh Ngọ thun 2026 ka  labaih 4,2 trieu urang ngak, jien alin Tet  Nguyen dan Athaik Waw thun ini hu 8,69 trieu dong sa urang, tagok 13% dut saong Tet Nguyen dan nethak Ulanaih Bak. Dalam nan, khoi doanh nghiep Karja alin labaih 9,44 trieu dong sa urang, doanh nghiep gah langiu alin 7,37 trieu dong, tagok hasit dut saong thun dahlau.  

Kuhria tal harei 1/2, UB Palih ruah TPHCM taduan hu 2.822 harak ho so hu palih ruah eng drei tame Quoc hoi mbang XVI saong urang di HĐND Ban raya dom pakat, vaktu 2026 -2031. Dalam nan hu 60 harak ho so palih rah tame Quoc hoi saong 222 ho so urang ka HDND TP. Kong an TPHCM pabak du lieu ka bhap bini yaok don vi hanh chinh pakat xa di ban raya piah duh kabruk palih ruah. Min tapa nan, tacei pato dom bhum palei ba tame ngak bruk, pandar Cơ sở dữ liệu pakat negar ka bhap bini saong ung dung định danh negar tame ngak bruk bruk palih ruak dalam tuk tavak angan cu tri, mbat in the cu tri.

Kong an tinh Dong Nai daok chap khik 11 urang piah duah thau, ngak brei cambaic bruk “ Brei mesre jien laba trak dalam meyao meyit bhap bini”. Dom urang nan ngak padang rilo Fanpage, yaih khan angaok Facebook saong  Zalo ngan haong angan “ kadung jien buih tame ngak mbang, tacei pato jien padai” piah hu taom gaok bhap bini. Kol nan mong tapak tal dom urang, doanh nghiep atau baoh sang urang pablei salih di Dong Nai, TPHCM saong dom tinh gah Meraong  negar daok khin hu phun jien ngak mbang. Tui caong khin di yaok urang, dom urang brei mesre jien praong meng 500 trieu dong tal 2 ti dong dalam drah samar meng 5 tal 14 harei. Yau nan min, jien laba biak glong, meng 80% tal 1.095% sa thun, daong ka dom urang mek jien tame ngak laba ta-eng drei.

Tui harak Forbes, urang kaya meda angan Elon Musk hu jeng urang akaok meti dalam sajarah dakrai hu drap ar praong labaih 800 ti USD hadei kapol gah kapal ahaok vu tru saong ngak tabiak Ve tinh SpaceX di ong bei veik xAI nan lac kong ty tri tue nhan tao AI saong truyen thong xa hoi jeng di ong. Bruk ong blei veik lac urang kaya meda di dunya, pagam hasa dom kong nghe dalam nan hu ten lua jhul, he thong Internet ve tinh, chatbot Grok di xAI saong nen tang xa hoi X.

Bruk  mesruh metak di palei Woro, bang Kwara, bhum gah Pei negar Nigeria di melam 3/2 ba tal takik abih 162 urang metai. Dahlau di nan, gah bol lin daong duah hu 35, 40 rup atau urang metai. Canh sat bhum palei saong karja bang Kwara brei thau bruk mesruh, min oh ka brei thau manuac metai. Piah caga bruk sraw kadau, bol lin Nigeria pakhang bruk taong pacang kol khung bo saong kapol nyaom hu phao karong.

Gah Y te Dunya(WHO) ba khaw tin, bruk cakak phun jien daong meng dom urang bih jien tame ngak hu 618 labik y te di Somali brei kareik pabah mbang dalam thun ini. Urak ini, hu 95% kadung jien y te di Somali daok pambak tame phun jien negar langiu. Bruk kurang phun jien ba tala 51 sang iek ruak pakat huyen, 413 pasak y te saong 154 don vi y te padeih ngak bruk. WHO kakei meyah dom urang buh jien tame ngak mbang, taneh ia ini mbuan patagok bruk tamuh jit ruak pambaak praong./.