UBMTTQ Viet Nam TPHCM njauk hatai  taong abih gauk ka sarak angan palih ruah urang ka Quoc hoi mbang XVI hu 60 urang; Sarak angan urang palih ruah lambaok vakil  HĐ bhap bini  TPHCM vaktu 2026 -2031 hu 221 urang. Muk Trương Thị Bích Hạnh, Pho akaok Thuong truc UBMTTQ Viet Nam TPHCM caong khin peih tal pasram tacei pato  duah thau hatai sahaneng saong palih ruah di cu tri labik daok ngan haong urang hu ba tame jeng yau urang ba tame ta-eng; peih bruk duah thau hatai sahaneng di cu tri labik daok saong labik ngak bruk ngan haong urang ba drei tame ta-eng.

Kong an tinh Dong Nai peih ngak danak dak “ Bilan pataih urang ngak kong” ngan haong kadha “ Tet  an ninh – Xuan anit ranam” piah sangka kuhria raidiuk, jalan sahaneng ka urang ngak kong, urang ngak bruk. Njauk ndem tal di Sang Ilamo bangsa Chơro, phường Bình Lộc ( tỉnh Bình Phước klak), Tinh doan Đồng Nai saong Kapol Dam dara Việt Nam tỉnh peih bruk iek ruak, tacei pato khik prein yawa, brei jru oh mek jien ka abih 200 bhap bini; alin brei 100 paok pandap ka bhap bini Chơro; alin paok jien bac ka uranaih sang kathaot. Mbang ini, Kong doan  dom pakat di danak dak “Tet jum pataom” di dom khu kong nghiep, alin kaya Tet, daong harak radaih ka urang nao palei mbang tet.

Kapol Urang kumei phuong Tịnh Bien, tỉnh An Giang pambuak bruk peih ngak “ “Darak kaya zero dong” di labik 5, puk Phú Hiệp. Rilo janih pandar yaok harei yau khan ao, njam patam, baoh kayau hu alin oh mek jien, rik tame patrun kan kathaot, tani tanat raidiuk ka bhap bini. Gam hu jao alin baoh sang anit ranam ka dom po sang raidiuk kan kandah saong alin rilo kaya, pachreih ba dom baoh sang kham merat yam tagok ngak kaya meda, tani tanat raidiuk.

Kapol urang Daong uranaih jaoh jo Viet Nam pambuak haong Kapol Daong urang ruak sang kathaot di TPHCM, Kapol urang njom jru mek kalik kruac/ dioxin Ban Can Tho peih ngak danak dak “ Tet anit ranam”,  alin kaya Tet ka dom baoh sang kathaot. Yaom lac oh hu ralo, min yaok paok pandap ndung bak hatai ranam, bruk daong ba di bhap bini tal dom urang ruak jru mek kalik kruac/ dioxin, urang bang sup meta, uranaih jaoh jo, urang taha  metui medhar, dom baoh sang kathaot, jaik kathaot, raidiuk kan kandah.

Angaok kraong Tiền gah ala, ia mbak meda daok tagok saong ia ndik tagok glong pakat 3. Ia mbak 1,4 gam sa lit mboh di pabah kraong Vàm Giồng, tỉnh Đồng Tháp, atah pabah kraong jaik 40km, meda njom tame dalam veik di dom harei anak tal. Piah khik ka bruk ngak mbang pala drak saong kaya drap ar di bhap bini, jabat chuc nang tinh Dong Thap caong khin UBND dom phuong, xa: Mỹ Tho, Mỹ Phong, Đạo Thạnh, Trung An, Kim Sơn, Vĩnh Kim, Ngũ Hiệp, Long Tiên khan brei thau ka ia ndik  tal bhap bini piah hu thau, kuhria bruk ngak mbang, diuk rai; tui nan hu jalan  ngak brei kajap ar pacang bein phun, sang danaok takik khat lahik kayua ia dauk.

Bhap bini Bac Kinh, Trung Quoc daok tuh tame dom labik pablei ameh  tuk yaom ameh tagok glong, tagok glong abih dalam harei kuhria meng bilan 11 thun 2008. Langiu sa labik pablei ameh di pasak Bac Kinh  di harei 3/2, hu biak rilo urang mai blei saong pablei biak chreih chrai. Tuai pan di tangin hala ameh, jien xu paih pahadar, caong tangin saong talei cuh takoi pablei piah duah jien laba. Yaom pariak jeng tagok, urang huac jien lahik yaom saong jien padai di dunya oh dang sa labik urang khin blei ameh piah.

Tay Ban Nha pakauk uranaih umo ala 16 thun tame MXH, gam iew dom nen tang brei duah thau njauk umo thun. Thu tuong Tay Ban Nha kakei lac, uranaih urak ini daok tame labik biak rilo bala angaok internet, labik hu biak rilo bruk taong paoh, rambeih rambai saong palua pagat uranaih. Rajaei Tay Ban Nha khan lac oh palao ka bruk ini.

Duc padang ngak sa he thong ve tinh bollin ma hoa hu labaih 100 ve tinh, iew lac Slaser vaktu ka 4, dalam dom thun anak tal. Bruk nan hu padang ngak veik  kayua Jabat Ngak tabiak Khong gian Mỹ, sa don vi di Lầu Năm Góc gah ngak dom ve tinh Baoh taneh biar piah pambuak saong tui iek ten lua. Bruk Đức buh jien tame ngak labik bol lin brei mboh  alam moi truong labik meriak gauk catang kuhria meng tuk mesruh metak Nga – Ukraine meng thun 2022./.