Thu tuong Phạm Minh Chính birau payua harak iew dom mentri, dom gah, bhum palei peih ngak sumu gauk dom jalan,  khik Bhap bini uan raok Tet nethak Athaik Waw 2026 bui sambai, salamat, patak pataom. Dalam nan, Mentri Kong thuong tui iek yaom kaom darak pasar, tacei pato dom bhum palei, don vi  sap pagap ginup kaya ndap nda, oh caik rah tabiak bruk kurang, klaik klaoh ngak tagok yaom oh lagaih; peih ngak catang dom danak dak khik tani tanat darak pasar, pambuak bruk blei saong pablei, ba kaya Viet mai palei, khu kong nghiep saong bhum atah bayah. Brei daong kaya kan njauk urang meng gilang negar, khik brei tani tanat raidiuk, abih di nyu nan lac dom labik rah tabiak ribuk ia sua…oh caik ka bhap bini kurang mbang dalam tuk Tet thun birau saong tukvak jaik yuak kuak.

Page ini, UBND TPHCM gam haong Kong ty co phan buh jien tame padang ngak Trung Nam ba tame ngak bruk brong ia Bến Nghé saong Danak dak “ Langyah bruk ia dauk kayua ia ndik  di Ban raya HCM hu kuhria tal bruk langik salih karei - vaktu ka 1”. Bruk nan brei mboh Ban raya  padang ngak veik danak dak pacang ia ndik yaom 10.000 ti dong hadei tukvak padeih suai lavik. Danak dak labaih 94% bruk ba tabiak, dom danak dak pataom tame ngak ka salah, pasang iek, ramik pasiam, pambuak bruk, peih ngak iek saong ngak salah taong abih harak gal pasang iek veik.

Page ini di Ban Can Tho, Gah The Rice Trader lac don vi peih Nyaom biai pakat glong ka padai brah dunya saong Yai barah bingi abih di dunya hu jao brei cup “ Brah bingi abih di dunya” thun 2025 ka  brah Ong Cua ST25. Ini lac mbang ka klau  barah ST 25 di Viet Nam mek hu yai brah bingi abih di dunya. Tui Ky su, AHLĐ Hồ Quang Cua lac urang ngak tabiak brah ST25, yai brah bingi ini hu pambak praong meng bruk brei mek jien tame ka urang ngak hamu tal padang angan je brah siam bingi di Viet Nam saong peih pabah mang darak pasar yau: Mỹ, Nhật, chau Au saong Úc...

Kapol Chu thap do tinh Lam Dong pambuak haong jabat karei peih “ Nyaom darak zero dong Bilan Xuan Athaik Waw 2026” ka urang kathaot di phuong Phú Thủy. “Nyaom darak zero dong” hu 400 paok pandap dalam nan hu kaya mbang yaok harei ka bhap bini palih ruah kuhria tui jien labaih 600 trieu dong. Tapa nan lac bruk pachreih urang biak ralo piah yam tapa thun birau bhap bini kham merat veik dalam bruk ngak mbang, pala drak, daong gauk padang raidiuk trei sir, haniem phol.

Piah pabak hu ginup saong khik brei hacih sa-at kaya Tet nguyen dan, gah chuc nang ban Can Tho brei pakang bruk pasang iek, bruk thik ngak rilo, pablei salih rilo athur pak ini. Dalam nan brei caik hatai tal dom labik thik ngak rilo manuk ada; labik ngak kaya mbang, pablei salih kaya hu ngak meng rilo athur saong dom radaih pajeng ba. Tui nan, kakei urang blei palih ruah rilo hu inem pasang iek tuk thik ngak rilo, tem brei thau hu meng halei mai saong blei di dom labik pablei salih hu angan je.

Kỳ Xuân lac tabung glong nao mai dalam tuk Tet Nguyen dan thun 2026 di Trung Quoc meng harei ini saong tamat di harei 13/3, dui atah 40 harei. Tui di bhap bini Trung Quoc nao mai dalam Bilan Xuan thun ini hu 9,5 ti mbang urang. Gah jalan mbak  pajeng ba  kuhria ginup prein pajeng ba saong pakhang bruk peih ngak di dom jalan saong labik hu rilo urang tuai damuai.

UB Palih ruah Thái Lan taong yaom brei buh phieu aval dahlau di labaih 1.000 labik buh phieu di dunya rah tabiak mbuan lagaih, hu mbaok di rilo cu tri. UB Palih ruah Thái Lan hu kakei lac, iew dom cu tri, ung vien saong dang chinh tri ngak tui hukum palih ruah saong oh ngak bruk pablei phieu palih ruah, bruk nan  hu taong phat hinh su. Adit ini lac adit jaik ba tame palih ruah  puac abih dahlau tuk Thai Lan yam tame bruk palih ruah di harei 8 bilan 2 thun 2026.

Akok Hạ viện Mỹ Mike Johnson khan lac, cang dom tal dom harei anak tal tuk kadung jien rajaei meda ba tabiak buh phieu, ngak pakhang bruk rajaei lien bang kareik pabah mbang  meneing dalam adit. Bruk nan ngak gar tavak dom bruk kan kandah di đảng Bhap bini saong đảng Cong hoa mbuak tal dom bruk ngak tui hukum di karja Tong thong Donald Trump./.