Uy mban Mat tran Negar Viet Nam pambuak haong dom tinh bhum Kreh negar saong Carlsberg Việt Nam peih Danak dak bhian yaok thun “Tet ginup, Tet anit ranam”. Dalam nan alin brei labaih 7.500 banah kaya Tet, dalam nan hu dom kaya njauk hu, alin tal rahra di 7 tinh: Thanh Hoa, Nghe An, Ha Tinh, Quang Tri, Hue Da Nang saong Quang Ngai, daong pabak veik bruk la-I la-an hatai, daong prein piah ka rilo baoh sang raok sa bilan Tet bui sambai saong ginup bak jang. Yaok banah daong pambak praong arthak Tet saong patui veik pabak hatai je piah ka dom baoh sang kajap karo yam tame thun bahrau.

UBND tinh Lam Dong ba tabiak Jalan brei takik urang jakar thun 2026. Tui nan dalam thun ini, tinh Lam Dong kuhria hu 605 urang jakar, kong chuc, vien chuc di 104 jabat, don vi. Dalam nan, 468 mbang urang hu mbang tui sarak padeih huu dahlau umo saong 137 mbang urang hu mbang tui sarak padeih bruk di karja. Tinh Lam Dong brei thau cambaic oh brei takik veik urang ngak, bo daok ramik veik, paglong ilamo ngak bruk, pabak tui bruk ngak birau.

Hadei bruk ndom meyai ka kaya mbang oh khik kajap salamat, rilo sang bac di Ban raya Ho Chi Minh hu brei padeih peih ngak var huak meteh harei piah pasang duah, cang bruk kuhria hu di jabat chuc nang, khik kajap prein yava di anek saih. Dahlau nan, So Pato Megru Ban raya Ho Chi Minh hu brei panuac pandar paglaong pasang iek var huak meteh harei saong pahacih sa-at dalam sang bac. Dalam nan pndar dom sang bac brei khik kajap ginup kein lagaih salamat kaya mbang di ging tahanek mbang, cantin, sang mbang huak; tok mbaoh tangin saong padang bruk pabak kaya mbang ngan haong labik hu ginup kein lagaih salamat kaya mbang; pasang iek asar siam var huak, khik kajap asar siam.

Gah peih bruk Ky luc Viet Nam birau peih ngak ahar Pia praong abih Viet Nam saong mbaik lap xuong atah abih Viet Nam kayua Kong ty TNHH Che bien Thuc pham ahar Pía - Lạp Xưởng Tân Huê Viên peih ngak. Baoh ahar Pía trak 368 kg saong mbaik lap xuong atah 26m, trak jaik 63 kilo. Bruk ini caik veik dalam hatai urang brei mboh luac 40 thun dak padang saong patagok di Tân Huê Viên nan lac angan Ahar Pia siam gheih di Viet Nam. Ini lac piah pambak praong ilamo kaya mbang Viet Nam tal bhap bini dalam saong langiu negar.

Mbang Pasang iek Lamnge Bến Đầm (kaoh pulao Côn Đảo, Ban raya Ho Chi Minh) brei patui veik ngak danak dak oh mek jien jitvu tuai damuai pandar lamnge, sang ga lamnge tasik ngan haong rahra saong dom kapul ngak bruk dalam bhum. Meyah tuai damuai hu blei harak ve online atau tapa dai ly brei hu bayar gilac jien ndo dalam mon 48 tuk hadei mbang peih nduac gilai. Sarak ini piah patakik jien nao mai, brei kein lagaih ka rahra diuk rai, ngak bruk di kaoh pulao Côn Đảo.

Roh duah birau ini di dom urang ilamo Trung Quoc duah mboh sa janih jru menyum hu mbaoh harak taong ruak COVID-19 pacang hu virus Nipah, caong khin bruk roh duah birau ini pacang jeng yau jru hu ruak mbuan ba tal metai ralo. Kuhria meng tuk camereip tamuh tabiak akaok meti di Malaysia di thun 1998, virus Nipah tamuh tabiak yau bruk praong  ka prein yawa di bhap bini ngan haong metai meng 40% - 70%.

Chile meng kal mai hu thau tal lac sa dalam dom negar danei angan haong alak vang. Di ini, dom labang tram alak di ala tasik daok danei tagok yau sa bruk hadah krah karei, labik hatai chreih takre nyuk dalam tasik hu pambuak haong seni tram alak vang. Meng bruk ba dom kalaok vang trun ala tasik, dom sang ngak alak vang pandar nhiet do lagaih, ap suat ia saong tanrak hadah gap mbiah piah ngak jeng labik karei, peih tabiak jalan nao bahrau biak hadah krah ka gah alak vang bhap bini.

Rajaei Tây Ban Nha ba tabiak jalan ngak biak praong oh ka bhian mboh piah ba tame tui hukum ka labaih 500 ribau urang oh hu harak gal dalam 3 thun anak tal. Bruk nan peih ngak dalam tuk  Lien minh chau Au daok ngak catang dom bruk di tapen negar saong tị nạn. Kreh negar daok having akaok huac bruk “sraw kadau an ninh” meng urang negar karei tame, Tay Ban Nha maong yau bruk lagaih ka gah kinh te daok kurang urang ngak bruk./.