Pathau mik va song tong abih gauk! Lahong lac janih boh kayau hu rilo chất xơ song hu rilo ia dong ka rup pabhap tathuak klaak chất thải song ngak hacih saat pruac taha, ngak siam klik. Vitamin C, E song betacarotene hu dalam lahong daong ka rup pabhap klah njauk viêm nhiễm piah hu pren yava khang kadang jang.Kadha: “ Urang iek ruak” adit ni, khol hulin hu kadha vak angaok harak báo ilamu song rai duik , brei thau ka kein laba di boh lahong ngan song pren yava.

Hu rilo men tiêu hóa

Lahong hu enzym tiêu hóa tự nhiên papain. Enzym ni dong ka bruk  tiêu hóa pandap mbang song dong ka bruk tathuak chất cặn bã tabiak truh rup pabhap. Hu thau, chiết xuất papain meng lahong hu pandar piah ngak tabiak dom janih daong pasiam ruak  táo bón song dom rối loạn tung pruac.

Rilo chất xơ

Lahong jeng lac baoh hu rilo chất xơ siam. Dom pandap mbang hu rilo chất xơ hu daong pacang táo bón song pacang caga ruak  ung thư  prauc taha. Hu sa roh duah hu peih ngak di dom menuac  urang njauk  khó tiêu dui atah  song nhiễm trùng dạ dày tung pruac song dom ruak yau táo bón, Sadah ngin brei mboh  chiết xuất lahong ngak patrun bruk ni dalam 2 harei pandar. Kayua yau nan ye, mbang rilo lahong lac jalan ngak dong ka drei khik caga jalan tung pruac  di drei .

 Taphia di nan, lahong dok hu biak rilo vitamin A, C, E song beta carotene, dong pacang caga viêm nhiễm di tanut glong di abih, saong daok dong hệ miễn dịch ngak bruk siam lagaih jang.  Meng nan, nyu dong ka khol drei tagok pren pacang caga dom janih ruak bhian gaok yau cảm cúm, viêm tarakaong…  

 Takik njauk ruak viêm khớp dạng thấp: Vitamin C hu dalam pandap mbang, abih di nyu nan lac dalam lahong nyu daong khik caga rup pabhap plaih njauk ruak polyarthiritis, sa janih ruak  viêm khớp dạng thấp.

Siam  ka meta: Lahong la sa dalam dom janih boh kayau hu rilo  vitamin A. Tapa nan, nyu dong ka khol drei hu meta hadah, siam .

Langiu di bruk mbang lahong, khol drei meda ngak dom janih njam meng lahong gam song lisun, pin paok song dom  thảo dược karei. Ngak liba lahong song dom janih njam patam karei, ngak sinh tố lahong./.