Pandap mbang dalam harei tết 

K 1. Pasram thể dục dahlau di tuk nao mbang tiệc: tapa nan nyu daong ka bruk ba pandap mbang tame rup hu siam lagaih jang.

K2. Taom gaok, ndom biai nao mai dahlau di tuk tame tiệc: jhui caik hatai rilo tal bruk mbang menyum, bo njauk sangka tal bruk menyai gauk, tapa nan drei mbang takik jang, pandap mbang tame rup jeng takik jang. 

K3. Menyum rtilo ia: Bhian di nyu pandap mbang urang payak biak bingi saong kan klaak tapa hu. Min meyah drei menyum rilo ia nyu ngak ka drei samar trei tian, takik mbang pandap.

K4. Jhui menyum alak: Alak nyu hu cồn, jhuii menyum meyah oh khin ngak brei calo tagok rilo. Lingiu di nan, soda jeng oh biak siam ka bruk mbang menyum. Ia taba lac siam di abih.

K5. Dahjalu di tuk nao mbang tiệc jhui eik ka tian lapa: Jhui caik tian saoh nao mbang tiệc, njauk mbang hasit dahlau di tuk nao, piah trun takik bruk mbang pandap mbang tame rup. Meyah tian lapa, mboh pandap m,bang bingi di anak meta ye kan si klaak tapa hu.

K6. Mbang suai, meneh lavik: Mbang suai daong ka drei oh huac tagok kilo. Meyah tian lapa jeng oh njauk mbang samar. Mbang suai, meneh lavik ngak ka drei mboh trei tian samar jang yaom lac drei mbang takik. Lingiu di nan, bruk bhian randap ini jeng biak siam ka  hệ tiêu hóa.

K7. Jhui mbang ralow saoh: Mek sa jam ralow saoh nyu ngak ka drei tagok kilo samar hadei di dom mbang nao mbang tiệc puac thun, Oh khin tagok kilo, njauk mbang dom janih pandap mbang bổ dưỡng karei.

K8. Mbang rilo njam patam baoh kraoh haong baoh kayau: Mboh lac tiệc halei jeng hu rilo njam patam saong baoh kayau . Mbang rilo njam patam baoh kraoh dalam tuk mbang tiệc lac biak siam piah oh tagok kilo hadei di mbang Tết.

K9. Ba tui pandap drei takre: Bruk ini biak bahrau ngan saong menuac sia min meng bruk ba tui pandap mbang drei takre, nyu daong ka drei takik mbang dom pandap karei meda ngak ka drei tagok kilo

K10. Oh mek 2 mbang pandap drei takre mbang: Tuk nao mbang, dom pandap njauk cambuai bhian hu mbang rilo jang, tui nan nyu ngak ka drei tagok calo.

Yaom lac daok dalam tuk mbang kiêng, drei jeng meda nao mbang tiệc, mbang huak ginup min njauk ngak tui dom panuac tacei pato yau nan piah plaih tagok kilo. Khik bhian randap yau nan dalam bruk mbang huak, nyu daong ka drei tuk halei jeng hu prein yava khang kadang, hu thaik thaot siam mekre jang./.

Urang lang: Mousaphuong -19/1