# Kayua Habar bilan la-ar mbuan njauk ruak viêm thanh quản cấp?

Thanh quản  lac labik tabiak sap saong suak yawa,  nyu daok anak thanh hầu,  anak tuk talang takoi, pambuak hầu saong khí quản. Tuk langik salih bilan, abih di nyu nan lac dom mbang la-ar  biak la-ar, lingik daok pandiak blaoh salih tapa la-ar chip, rup pabhap oh ka sumu randap yau nan ye mbuan ba tal ruak viêm thanh quản cấp, abih di nyu lac uranaih saong urang taha kayua takik prein pacang caga ruak.

#Dom kadha brei thau lac ruak: Tuk Camereip, urang ruak mboh pandik akok, glaih glar, pandik idung, tarakon, mboh yau pandiak, thu tarakong, patuk, katan, harao.Meng  Patuk thu nyu tapa patuk hu labar, rup pabhap glah glar. Urang ruak juai eng drei nao blei jru mai menyum, ngak yau nan, ruak oh dhit bo meda ngak brei trak jang.

# Jalan iek ruak yau halei?

Tuk ruak barah thanh quản cấp, piah ruak samar abih, dahlau di abih brei takik ndem meyai saong brei nao iek ruak chip piah klak ruak trak jang. Meda ghang tarakong meng menyek ngin, menyek cao sao vàng…saong pandar jru njok idung (otrivin, naphazolin…), hadei di nan njauk nao iek ruak.

Caga ruak, oh luai caik brei njauk ruak viêm thanh quản cấp, bilan la-ar brei khik ấm rup, takoi. Yaok harei brei menei ia pandao saong menei dalam bilik sir juai brei hangin tame, abih di nyu nan lac uranaih saong urang taha. Lung tarakong, pabah, taong tagei hacih tuk mbang blaoh, dahlau di tuk nao ndih saong hadei di tuk ndih tagok, siam di abih brei lung tarakong meng ia sara dahlau tuk taong tagei. Juai njuk pakao./.