Meyah drei bhian pandik akaok, njauk duah thau dom makna ala ini piah hu jalan pacang, pasiam.

Stress

Stress lac makna ka 1 ngak ka drei pandik akaok. Tuk căng thẳng, hormone hu giải phóng ba tame rup, kak catang dom cơ meng nan ngak brei pandik akaok. Piah abih pandik saong khik caga pren yava, drei njauk duah thau jalan pacang stress.

Hormones

Ngan saong urang kumei, bruk salih lượng progesterone saong estrogen yaok bilan nyu ảnh hưởng tal rup pabhap. Ini jeng lac sa dalam dom makna bhian ngak brei pandik akaok.

Tagok darah

Hu oh takik menuac tatuak drei tuk thau lac bruk pandik akaok yaok harei di drei mai meng darah tagok. Kayua darah tagok nyu ngak brei catang akaok ba tal pandik akaok. Patuah lac, drei meda ngak pasiam hu bruk ini meng jru tagok darah.

Bruk tagei, cambuai

Halak tagei atau dom bruk gah tagei, cambuai meda ngak brei pandik akaok. Bruk ini urang halei jeng mbuangaok. Siam di abih njauk nao khám tagei meyah mboh pandik akaok dui atah.

Kurang ndih

Kurang ndih bhian ngak brei patrun pren yava di drei. Nyu ngak ka drei mahu mbang, tagok kilô, mbuan var, glaih glar saong pandik akaok. 

Caffeine

Hasit caffeine daong ka drei tỉnh táo min rilo caffeine nyu ngak ka drei pandik akaok. Dom chuyên gia kakei lac, meyah bhian pandik akaok, njauk padeih menyum caffeine.

Alak

Oh lac ngak brei mebuk, bo alak lap jien jeng ngak ka drei pandik akaok. Dom chuyên gia kakei lac, meyah khin menyum lak, njauk menyum alak siam, hu chất lượng.

Pandap mbang

Ngan saong dom urang, pandap mbang meda ba tal pandik akaok. Bhian ngak bre pandik akaok nan lac dom pandap mbang ngak bloh saong phô mai.

Dị ứng

Dom menuac oh takre pandiak, ia harei, hương vị mbuan pandik akaok. Njauk thau cambaih makna tapa dom mbang pandik akaok.

Rối loạn tự miễn dịch

Hu urang pandik akaok mai meng rối loạn tự miễn dịch yau chứng đa xơ cứng, lupus, viêm khớp saong pandik rak thần kinh. Meyah mboh yau drei njauk ruak, brei samar nao tal bác sĩ.

Bruk ngak

Dom mbang pandik akaok pambuak tal bruk ngak bhian rah tabiak. Oh lac pambuak tal stress, bruk ngak di drei meda ba tal pandik akaok meyah daok sa tư thế biak livik. Panuac kakei lac njauk dang tagok saong nao mai.

Điện thoại

Maong trun điện thoại biak livik ba tal pandik akaok kayua trak takuai saong lakhah mata.