Ikan pajaih bahrau palao bloh nyu metai kayua rilo makna karei di gauk. Piah palao ikan diuk hu rilo, njauk ngak yau ini:

Caga danao palao: Ngan song danao bahrau palao mbang camereip, njauk salih ia dom mbang brei abih ia mesam, buh sa tal gluh kapan 10 – 15cm. Proi 10 – 15kg cur tapung ka 100m2 danao,  kuac srau samu song  gluh cambu thu tal ra-ai pacah, hadei di nan brei ia dauh, camereip meng 0,8 – 1,0m, hadei di labaih 1 bilan brei ia dauh meng  1,2 – 1,5m. Buh halok khak ngak jeng sambo ka ia, khak buh ka 100m2 mbaok ia palih sa dalam 2 janih khak hadei ni: 

Khak var ro hoaị mục 30 – 40kg atau khak hajao 15 – 20kg.
Hadei di tuk buh khak  hu 15 – 20 harei song khak var ro meng  30 – 40 harei atau khak hajao mboh ia dalam danao hu Sambo hajao  ratak naih atau sambao mari loãng, sambao  caduk patei lac tuk dom janih vi sinh vật ngak pandap mbang ka ikan daok hu siam, palao ikan anek tame hu .

Brei tram kadung caik ikan pajaih tame danao labaih 20 minite dahlau di tuk palao.

 Ngan song danao klak, tathuak abih ia, chap abih ikan klauk, pasiam veik takai ar, jalan tathuak ia. Pacang sre dom lubang meyah hu, srong klak meneing gluh baok, tok caik tal gluh ala mbat kapan labaih  20cm. Buh halok khak song cur tapung ka danao yau angaok nan .

Khử trùng pacang ruak ka ikan pajaih:  Piah pacang ruak ka ikan dahlau di tuk palao meng sa dalam dom jalan ngak yau ni: pamenei ka ikan dalam ia sara mbang  nồng độ 2- 3% dalam tuk vak  5 – 10 minite atau pandar thuốc tím nồng độ 0,001- 0,002% (1gam thuốc tím lai dalam  50- 100 lít ia saat) pamenei dalam  10 -20 minite  atau  dung dịch CuSO4 nồng độ 0,5 – 0,7 gam/m3 ia, dalam  20 -30 minte.

Bruk palao ikan: Meyah  palao biak rilo ngak ka ia kurang oxy ikan oh prong hu. Tui bruk rong, palao ikan dalam danao ia kandang (palao sa janih atau  pagam rilo janih) 1 drei/m2 mbaok ia. Ikan chép 0,2 drei/m2, trắm đen 15 m2/drei. Rong  ghép danao ia nduac labaih  3 – 5 drei/m2…

Hadei di nan, peih sa akaok kadung, brei ia nduac sit sit tame, piah ikan caluai tabiak, tuk ikan tabiak langiu kadung hu meng 1/2-2/3 dom drei ikan dalam kadung meng tuh kadung ka ikan tabiak abih  .

Meyah hu điều kiện, brei pacang halam meta sit tame sa labik  halei nan dalam danao ia, palao ikan pajaih tame nan, iek glang tani tanat labaih  20-30  harei, pabak pandap ka ikan pajaih khang pren yava, ngak krein song  labik dok bahrau, ye ikan pajaih duik hu rilo jang./ .