Kongti TNHH Ngak tabiak ndap nda, Pablei salih, Meyao meyit Bắc Mỹ Thuận (Tien Giang) hu salih tapa brei pataom tame dom bruk pablei pandap dalan dalam negar, sa labik bhum palei hu tuai damuai takre baoh kayau tahana thu Gah Meraong Nagar.

Sa-ai Nguyễn Thị Minh Thy, Yam ndok kongti, brei thau gah ngak mbang pablei salih hu nao duah tuai damuai di 3 bhum saong tani tanat gah pandap tamo meng akaok thun. Bruk roh duah darak pasar dalam negar haong dom urang blei pandar hu ilamo yau drei saong hu hatai caong blei pandar dom pandap hacih sa-at brei ka bruk pablei hu siam lagaih jang, gam haong di nan bruk pajeng ba saong janji angan pandap panda hu kein lagaih jang. Kayua yau nan yaom blei salih oh ka tal tuk tabung glaong raya Tet, min bruk pablei dalam negar di kongti hu tagok labaih 30% dut haong tukvak masa meng thun blaoh. Sa-ai Thy brei thau:

"Drei hu nao tal dom darak pataom, dom labik parang yaih pandap OCOP, baoh karaoh ndap nda kaya tui bhum taneh, labik mbuan sanang pablei salih tal urang blei pandar di abih… Pandap OCOP hu pablei hu rilo jeng hu meng bruk pambuak bruk di sở kong thuong blei salih di bhum palei. Dom mbang yaih khan di tinh ieu lac labik piah parilo tuai damuai urang ieik blei, hadei di nan yaok gah ngak mbang pablei salih jeng hu yaih khan angaok dom lek taka so… pablei hu biak rilo ka tuai damuai mai iek blei.”

Rilo ngak mbang pablei salih mboh pandap nda kaya OCOP gah Meraong nagar, dalam nan hu dom tinh Đông Nam Bộ hu rilo bruk samu gauk, min tapi yaok bhum palei jeng hu dom pandap nda kaya karei di bhum drei.

Tay Ninh hu thau tal angan baoh kandiuk, tapei racam saong dom pandap nda ngak meng meng sara. Dalam 2 thun jaik di ini, pandap nda kaya di Tay Ninh hu mbaok di dom balai padeih takai yau ye di Long An, An Giang saong rilo darak pasar kadai pablei salih sit praong di Ban raya Ho Chi Minh. Gah ngak mbang pablei salih jeng kuhria tal darak pasar bhum Kreh nagar, Bhum Tay Nguyen, ngan haong jalan pambak praong pandap panda tal tuai damuai dalam negar, mbuan duh mbuan si pablei salih. Ong Lành ndom meyai lac:

"Po pandap nda kaya OCOP oh meda likau pakat tinh daong abih bruk ini tapa bruk daih blaoh tui prein ngak, bruk pambuak karei di gah ngak mbang pablei salih piah ba pandap panda kaya di drei hu mbaok angaok rilo kadai blei… Urak ini gah pablei salih pambuak haong dom tinh ka drei paje ye drei brei ta-eng ngak, oh meda likau tinh gam pambuak, gam srap gap labik pablei saong pablai pandap ka po pandap ye mboh cambaic laic drei tram takai di sa labik”.

Ong Phạm Trung Chánh, Yam ndok So Kong Thuong Tay Ninh brei thau, bhum palei ini hu labaih 120 pandap nda kaya OCOP, ralo dalam nan yau ye (tamun ia, kruac bung, kandiuk), tapei racam, ia dalkor saong sara mbang. Tui 3 pabah mbang dunya (yau ye Tay Ninh) soang 1 pabah mbang dunya, 1 pabah mbang negar gam haong dom pabah mbang karei (Long An), di klau tinh brei hu bruk chul samar pablei salih saong buh jien tame haong dom tinh tapen negar Campuchia, brei kein lagaih ka pandap nda kaya di Viet Nam pablei tabiak darak pasar Campuchia jeng ye dalam nagar drei. Anak meta, klau tinh njauk gauk pataom tame roh duah darak pasar dalam negar, hadei di nan peih praong tapa pambuak pablei ndap nda kaya tabiak negar langiu hu jalan tapen negar haong drei. Ong Chánh brei thau:

"Tay Ninh saong dom tinh jeng hu biak rilo kadai kuan Co.opmart mboh huyen halei jeng hu saong biak sangka tal bruk blei pandap nda kaya OCOP di bhum palei. Nyu brei thau lac sa danak dak pambuak bruk di Tay Ninh haong ban raya Ho Chi Minh. Urak ini dom mon pandap OCOP pablei ndap nda kaya tabiak hu kein lagaih. Dalam tukvak anak tal ini jeng lac jalan pablei pandap nda brei kein lagaih ka pandap nda dom tinh patagok siam lagaih dalam tukvak masa meng anak mai tal”.

 Piah ngak jeng bruk salih bahrau, brei hu bruk pambuak gauk dalam bruk ngak pandap nda, paglaong yaom kaom pandap panda rilo bhum tui bruk ngak praong saong njuah jang, gam haong bruk ba tangin paglaong rilo gah saong ngak siam lagaih dom danak dak ngak pasalih bahrau ka bruk pambuak talei pablei salih./.