Mada sang ong Nguyễn Văn Bảy (ieu lac ong Bảy Đờn) daok mbiah di dalam puk Hòa Lợi, xa Lương Hòa, huyen Giồng Trôm, min thei jeng thau angan siam glaong di gait. Ong Bảy oh sa janih lac sa urang jien tik blaoh ong daok dang la-i la-an kambuan khanat siam makre anit ranam dalam palei pala.

Tame umo 62 min ong Nguyễn Văn Bảy daok takre chreih tame bruk ngak bein pala sap janih baoh karaoh yau ye: la u, kruac bum, kruac kalik hijau, kruac lamen, kruac aik, paneng... Tui labaih dom thun ngak bein, urang ngak nong ini pala phun kayau tui huu co, Viet Gap, tanut hijau, pala pajeng. Urak ini bein di sang ong hu labaih 1.000 phun la-u, 2.500 phun kruac lamen, kruac quyt, 500 phun kruac bum kalik hijao pablak haong dom kayau karei karei.

Di dalam taneh bein hu rok ribong brei ka jammariak njuk ia otomatik; mala raong ikan tra ikan kan, tangi lamen, dang nerong hijau… Njauk ndom mayai lac bein sang ong Bảy pala taong abih tui jalan hacih sa-at, oh pandar jru hoa hoc. Hu yau nan ye bein di “kayau hijau” ong Nguyễn Văn Bảy patakik hu ruak ka phun kayau jeng ye bih takik hu jien buh tame. Brei ka gah kruac bum mek hu angan OCOP 4 patuk, hu yaom brei ka pablei tabiak. Ong Nguyễn Văn Bảy brei thau lac: “ Dalam thun hulin dalak duan pataom hareik harom meng kayau li-u ngak jeng khak, pandar bimao hijau, bimao tico.. mbuan sip alai ngak jeng khak hijau. Yang ka 2 drei hu raong ikan mek gluh, 2 thun njuk tagok sa mbang ngak brei taneh tuk halei jeng hu siam ginap. Drei daok raong anek dam kanyik hitam caga jru hoa hoc, oh brei cang brei langik tasik alam. Taneh bein di ong oh njom kim loai trak, phun kayau brei baoh dalam thun”.

Ong Nguyễn Văn Bảy daok lac sa urang nao dahlau jeng ye sa urang ngak jeng di dalam bruk pacang caga ia mbak njom tame tanek ngak dalam thun. Bhum taneh xa Lương Hòa, huyen Giồng Trôm dalam thun mada hu ia tasik njom tame biak dalam min taneh bein di sang ong mboh karo kayua hu binek ar vang vil taom dar, ribaong dalam bein khik caga hu yaok pluh ribau mét khối ia taba. Ong daok kham marat di dalam bruk jakba urang palei sang ka ieik glang: “ Bilan njom ia mbak drei beik ar pacang caga ia, bein di drei oh brei ia mbak tame. Drei ngak binek ngak ar dalam thun, drei buh meng 10-15% beik baneik ar kajap karo vil taom dar ar di nyu. Khik iek sang ka caga ia mbak harei harei, drei brei tagok zalo, Facebook ka mikva gam thau abih”.

Kayua hu ralo thun ngak bein yau nan ye ong Nguyễn Văn Bảy hu angan brei pok jeng Akaok Hoi ndong gam ngak jeng Yam ndok Hop tac xa Kruac bung hijau huyen Giồng Trôm. HTX ngak mbang blei salik baoh kruac bung hijau daok peih pablei dom janih karei daong parilo bruk ngak ka urang. Ong Bùi Thành Hiếu, Akaok UB Bhap bini xa Lương Hòa khan brei thau lac, ong Bảy sa urang ngak nong hu angan brei ka bruk ngak praong siam, hu angan anit ranam, hu ilamu dalam dalam bruk pala ngak tui tanut Viet Gap: “ Ong 7 hu ba ilamu jalan thuan barau ba tame ngak mbang pala drak njauk tui jalan tanut angan hacih sa-at. Di ini takik urang hu taneh praong yau ye sang ong Bảy. Ong Bảy lac urang akaok Akaok HTX Kruac bung kalik hijau di huyen Giồng Trôm- sa urang kaya jien tik”.

 Baoh sang urang kaya jien tik, anek bik bac magru tantu, ong Nguyễn Văn Bảy daok kham marat tame bruk palei pala dalam bruk daong ngak jalan, pacang caga njom ia mbak, caga ia ndik ia mbak tagok, daong jamriak ka urang ngak nong karei ngak mbang jak jeng./.