Kapul Sai Gon hijao – angan mboh bhian haong dom bhap bini di tapen kraong ribaong Ban raya HCM jeng ye dom urang anit ranam langik. Mada hajan atau pandiak, 2 harei dalam sa adit, Kapul Sai Gon hijao mai haong rabaong ia nduac nerak tachauk, bak ro rah harek harom blaoh ramik, pahacih brei ribaong kraong kenh, rach.

Mada ieu lac kalup dang ngak taeng, min praong sit atau cara bruk ngak di Kapul Sai Gon hijao mboh biak tani tanat. Saai Nguyễn Lương Ngọc, akaok Kapul Sai Gon hijao khan lac, hadei dua thun padang ngak, kapul hu labaih 2.000 tame bruk, dang ngak labaih 300 mbang tabiak bruk, pataom labaih 3.000 tan ro rah di ribong di ban raya HCM.

Sa page harei adit akaok bilan 1, hadei di cuk ao pacang caga, oh thei pandar thei, yaok urang dalam Kapul Sai Gon hijao tame ngak bruk, pambuak gauk. Urang ye jah hareik, urang rawak hareik harom, urang ye pruh jru ruai, jeng hu urang tram rup dalam ia juk ia nerak piah kua piah pataom hareih harom ba tagok ar,… di ribaong jalan 42, phuong Linh Đông, Ban. Thủ Đức, Ban raya.HCM.

Thei jeng that ciak caong khin ka pahijau ribong kraong. Saai Trần Minh Khang (anek saih sang bac Ndai hoc Gia Định) brei thau lac, saai oh saneng lac Banraya HCM hu ralo ribong kênh rạch njom ia nerak yau ini.

“Dalau si tame Kapul Sai Gon hijao, adei oh saneng lac di baigon hu ralo ribang njom ia nerak yau ini. Tame blaoh meng mboh ribaong njom ia nerak biak trak, ia juk lik, nao tapa njauk padeih suak yawa. Jeng hu rbong ramik pahacih meng sup page tal baharei, tal malam”

Luac 2 thun tapa, Kapul Sai Gon hijao oh dar bih drei ramik hu dom baoh ribaong blaoh di ban raya HCM, kayua lac rahrom ramik blaoh harei ini page nyu mblo gac gilac. Saai Hạ Băng (sa urang ngak bruk di bilik baoh jabat - sa urang Kapul Sai Gon hijao) khan lac, Rạch Lăng di mala halau ia di dom baoh kraong ribaong karei yau nan ye rah rom tuh mai jeng ye nerak tachauk ralo abih.

Ka oh khan tal mala mada hu ralo darum, yaok mbang pataom mayah brei teik mada trak meng 2 - 3kg. 90% urang ba rup tame hadei di tui pataom hrom rah di Rạch Lăng jeng katal jeng ye njauk ruak gah kulik. Min dom bruk nan oh pataba hatai di adei saai dam dara:

“Rạch Lăng ribong khol adei bhian gilac mai yaok bilan piah ramik rom rah. Mada jeng hu tuk khon adei mboh biak susah hatai kayua barau ramik blaoh nyu giac palak tachrauk yau meng akaok. Duh hatai jeng hu duh min tapi khol dalak hulin jeng kham marat tame ramik ka hacih saat. Khol adei caong tal hu harei Rạch Lăng oh daok rah rom plak tachauk tra, takik jang jeng ye oh daok hareik harom. Nyu ieu lac janih kadha caong khin di adei, jeng ye dom sahabat ayut di dalam Kapul Sai Gon hijao”

Dang mboh dom adei saai Kapul Sai Gon hijao thun halei jeng rambah haong bruk ramik di kraong ribaong bak dom rah rom, muk Phan Thị Lan, urang ban palei puk Linh Đông oh kanda tame Kapul Sài Gòn hijao, mboh gam uan tabuan gam malau kayua glo kuhria ramik hareik harom dalam ribaong kraong di bhap bini rahra ka oh hu glaong:

 “Uan jeng hu uan, min tapi mboh anit dom anek kamuan, rambak hong kraong ribaong ini, thun halei jeng mai ramik. Mboh biak anit, dom anek kamuan caluai ia nerak tachauk tasah bih rup. Drei caong abih gauk thau saneng glaong hasit, juai tabik klak rah rom tame ribaong ia tra. Mayah thei jeng thau saneng ye oh daok dom adei gauk tram ia nerak ramik rah rom” 

Meng dom rah rom ba pataom caik di dom phao pacang, wakil lambaok Kapul Sai Gon hijao brei thau lac rahrom mada hu trun di kraong ribaong barat di banraya HCM meng 20-30% dut pachoh tui masa dahlau. Bruk nan brei thau mboh lac bhap bini urak ini mada hu saneng jeng ye thau sang ka tal hacih saat brei ka ribong kraong, saneng iek glaong jang di dalam bruk ramik caga rah rom di baoh sang, di yaok urang.

Dom urang “bol lin hijao” harei harei jeng kham marat ngak dom baoh kadha gheih siam brei ka bhum palei. Sa baoh banraya hacih saat harei adei, nyu pataok akaok meng dom bruk ngak harei ini /.