Pathau mik va song tong abih gauk!

Dut song dom janih phun pala karei, lahong lac janih phun mbuan pala, kỹ thuật trồng song iek glang biak mbuan lagaih. Lahong lac janih phun takik harei phun jien buh tabiak oh rilo, nan ye hu urang nong palih ruah, abih di nyu nan lac dalam tuk vak salih janih phun pala tui jalan patak patom ia. Min bruk pala lahong tui jalan thâm canh mboh rilo halak halin, dalam nan rệp sáp lac rilo abih. Kadha : „ Urang ngak hamu cong thau“ harei ni hu tacei ka mik va bruk pacang  caga palai kaik angaok phun lahong. Daa mik va song tong abih gauk tui pang.  

Rệp sáp palai kaik lahong lac janih  palai kaik bhim mboh di angaok phun lahong. Dalam tuk vak langik pandiak yau urak ni, biak lagaih ka janih  rệp sáp palai kaik.

Rệp sáp dok jeng tapaon, dalam nan hu ấu trùng song thành trùng nyu jhuk klauk song palai kaik. Nyu klauk jhuk song palai kaik di rak hala, caduh meda, boh song rup phun. Tuk phun njauk ruak, hala lahong nyu kavon veik, boh njauk klauk jhuk sre katak mong oh siam kayua  chất thải di rệp sre tabiak brei nấm bồ hóng juk patagok, gam angaok mbaok kanduh boh. Ni lac jalan ngak trun  chất lượng song năng suất. Meyah lac khat trak, tong abih hala kavon kaveo gam song tal  bồ hóng juk meon mbaok hala ngak patrun bruk quang hợp; ka ieu caduh; boh sượn, meda jaruh tuk dok meda , rup kavon kaveo song metai.

Piah pacang caga rệp sáp, mik va brei puh ramik bein hacih saa, am hala taha, hala njauk ruak, bhian randap iek glang phun pala, cakak dhar hala lagaih ngak lanieng lanoi dalam bein. Pataom hala jaruh, dhar hu cakak ba nao cambu song am.   Tuk pala lahong, mik va brei pala ginup mbiah piah laneing lanoi dalam bein, patakik pala pablah lahong song dom phun pala karei mbuan njom rệp sáp yau kanduik, phun mbang boh hu sar, paaok, darum, darang... bhain nao rivang tui iek bein, abih di nyu nan lac tuk tabiak bingu song boh meda, piah duah thau  rệp sáp avar, njauk tuk vak.

Meyah lac mboh rệp sáp tamuh glong, rilo bồ hóng, mik va pandar jamriak jhuk ia hu  áp suất  glong piah rao seik  bồ hóng song rệp, gam hacih saat bein, cakak klak dhar hala hu rệp sáp gam rilo, piah ba tanbiak bein am klak , dom janih dam bhin duik cộng sinh song rệp sáp, kayua yau nan ye, sangka puh ramik taom dar gha lahong piah jui brei ka dam hu labik dok.

Dalam bein lahong hu biak rilo janih thiên địch di rệp sáp yau ong ký sinh, dam katam, bọ rùa ăn thịt, ruồi ăn rệp… Yau nan ye, mik va caik hatai sangka pandar dom jalan kỹ thuật lagaih, piah ka dom janih  thiên địch di rệp sáp dalam bein, piah pandar janih thiên địch hu dalam tự nhiên yau: ong ký sinh, ấu trùng song thành trùng bọ rùa ăn thịt, ruồi ăn rệp.

Mik va sangka lac pandar jalan  hóa học tuk biak cần thiết, nan ye ưu tiên pandar dom janih jru hu phổ tác động hẹp, jru hu tác động palih ruah yau: Dầu khoáng Citrole 96.3EC, Applaud 10 WP/25 SC, Mospilan 3EC, Butal 25 WP. Dalam bruk cần thiết meda pandar dom janih jru hu  phổ rộng jang yau Regent 800 WP, Confidor 700 WG... min njauk tui tuk vak pa atah siam mekre .

Jui pandar dom janih jru oh thau asar di nyu atau oh hu dalam danh mục hu brei adat pandar angaok phun  thực phẩm, njam patam kayua Mintri ngak nong song patagok palei pala ba tabiak.

Kadha “Urang ngak hamu cong thau” adit ni tal ni likau padeih. Kadha kayua rayo sap ndom VN pambuak bruk song pasak pachreih nong pakat negar peih ngak./.