Pathau mik va song tong abih gauk! Carah tagei 2 mbang sa harei, pandar pandap ngak saat tagei, kalung pabah meng ia flo… piah pacang caga ruak tagei, cambuai. Kadha “ Urang iek ruak” adit ni, giáo sư Trịnh Đình Hải, Akaok sang iek ruak  Răng – Hàm – Mặt Trung ương (Hà Nội), hu kadha vak tacei pato khol drei jalan khik tagei khang kajap .

90% urang Việt njauk dom ruak gah tagei cambuai yau halak mbang tagei, brah lin, brah taom dar tagei… Abih di nyu nan lac, hu biak rilo urang prong lihik tagei. Min rilo urang oh ka sahaneng tal bruk pacang dom ruak di tagei, tuk hu ruak meng nao iek ruak. Livik livik tagei ruak (halak mbang tagei, brah lin tagei) ba tal lihik tagei atau tagei yếu, oh siam ka tagei, cambuai, jhak tal pren yava di urang ruak  .

Tui giáo sư Trịnh Đình Hải, akaok sang iek ruak Răng – Hàm – Mặt  Trung ương (Hà Nội), jalan pacang caga ruak tagei cambuai biak mbuan lagaih min rilo urang dok kurang thau. Kayua yau nan ye, nha khoa dự phòng dok lac sa dalam dom jalan nao di gah Việt Nam piah rai ranaih umo hu tagei khang kajap. Giáo sư Hải brei thau, nha khoa dự phòng hu  3 kadha nan lac : pato pakai pathau khan piah bhap bini eng drei thau iek glang tagei cambuai, palih ruah pandap mbang, menyum siam ka tagei, khám tagei tui thun bilan, thau ruak avar, iek ruak jip meng tuk camereip. 

kayua Yau nan ye ngak brei hacih dom mảng bám lac bruk praong piah palahik bruk brah lin saong nha chu. Carah tagei njauk song gam gam meda samar pasiam hu tagei, pasiam veik sambo màu di tagei…

Bác sĩ kakei brei carah tagei 2 mbang sa harei, pandar dom pandap ngak saat tagei yau merai nha khoa… lac jalan ngak siam piah pacang caga dom ruak di tagei cambuai. Langiu di nan, yaok adit sa mbang njauk pandar ia flo piah kalung pabah, dong patrun bruk halak mbang tagei. Taphia di nan, njauk bhian randap nao khám tagei 6 bilan sa mbang, tuk hu ruak tagei cambuai ye iek ruak  avar  lac bruk biak prong./.