# Pasiam hệ tiêu hóa

Pabak Tangei prang (Đậu bắp) tame var mbang yaok harei daong parilo chất xơ tame rup pabhap, pasumu bruk mbang huak. Bruk mbang huak hu ginup chất xơ daong plaih hu táo bón, sadah ngin. Praong jang nan lac, chất xơ daong ngak brei suai bruk njom saradang tame rup saong trun takik cholesterol dalam darah.

Hadah meta

Tangei prang hu rilo vitamin A, ralo chất pacang oxi hóa yau beta carotenes saong lutein daong ngak brei hadah meta, takik njauk dom ruak yau bhang meta, thoái hóa điểm vàng, lagah meta.

# Siam ka thận

Gam saong ratak cove, mbang tangei prang ngak brei mbuan me-ik, daong tathuak  tabiak dom janih jhak dalam thận. Kayua hu chất xơ glaong, tangei prang siam ka urang ruak sỏi thận kayua nyu ngak brei ralai dom asar sỏi.

# Patagok bruk pacang caga ruak

Chất xơ dalam baoh tangei prang nyu raong vi khuân hu khang kadang, biak  siam ka jalan tung pruac , meng nan nyu patagok bruk miễn dịch di rup pabhap pacang veik virut saong nhiem trung biak siam

# Ngak siam kalik

Vitamin C hu ralo dalam baoh tangei prang nyu daong cak rok tế bào klik saong collagen. Urang mbang tangei prang takik hu mun saong kalik kanyan (kajuh).

# Daong ka talang khang kajap

Meng hu vitamin K saong folate, baoh tangei prang jeng hu maong lac biak siam dalam bruk pacang caga lahik talang saong ruak lamin talang.

# Daong khik tani tanat saradang dalam darah

Chất xơ dalam baoh tangei prang jeng ngak brei suai bruk njom saradang dalam tung pruac. Kayua yau nan ye, tangei prang biak siam ka urang ruak me-ik saradang./.