Huyện Củ Chi lac sa bhum hajao peih bruk pablei salih ka bhap bini 

14 hiệp hội doanh nghiệp bahrau pok panuac likau Thủ tướng Rajaei patabiak Tacei pato "Pacang caga jit tui labik”, salih meng pacang veik tui quận, huyện tapa puk palei, labik daok, labik ngak pandap sit di abih. Tui panuac caong nan, taneh ia lac sa bhum, khik iek jit tui labik (labik daok, labik ngak mbang, ngak pandap saong dom labik hu F0). Doanh nghiệp, menuac urang eng drei dut iek, khai báo y tế angaok phần mềm khik iek di taneh ia saong taduan bruk khai báo di drei njauk haong adat hukum. Ba panuac khan di Mintri Công thương, 14 hiệp hội brei thau, bruk ngak kong di rilo labik, abih di nyu lac di TP.HCM bilan 8 trun labaih 49%, abih tih pandap pablei lẻ, dịch vụ trun labaih 59%. Bruk njauk biai nan lac, hu 18% doanh nghiệp EU ba bruk ngak tabiak truh Việt Nam. Kayua yau nan  ye, bruk peih veik nền kinh tế lac bruk njauk ngak chip, njauk ngak samar drah.

Taong abih dom học viện, đại học, sang bac đại học, cao đẳng sư phạm dalam taneh ia hu ngak salah blaoh bruk brei thau điểm trúng tuyển tui jalan pilih ruah. Mboh lac điểm chuẩn thun ini glaong di abih tuk hu gah tagok tal 9 điểm duk haong thun 2020, hu gah 30 điểm jeng oh tame hu. Mintri Pato Megru brei thau, meng ini tal harei 26/9, anek saih hu pilih ruah brei thau bruk tame bac. Dom anek saih oh hu pilih ruah ye hu pilih ruah dalam dom mbang hadei, meng harei 3/10 di dom sang bac daok pilih ruah.

Meng harei 23/8 tal ini, Pasak daong bruk xã hội TP.HCM haong dom labik xã hội hu taduan raok labaih 1.000 menuac nao ban glai ban klo, likau mbang, 330 urang njil jru phiel oh hu labik daok tani tanat. UBND TP Thủ Đức haong 21 quận, huyện daok ngak harak gar ba dom urang ini tame pasak daong bruk xã hội. Min kayua bruk padeih nao mai di TP.HCM haong dom tỉnh, thành nan ye oh ka ba dom  menuac ini nao hu dom pasak daong xã hội, labik cai nghiện jru phiel di TP.HCM daok di Bình Phước, Bình Dương, Đồng Nai, Lâm Đồng, Đắk Nông.

Meng harei 17/9, UBND quận Thốt Nốt, TP. Cần Thơ brei thau lac hu  kiểm điểm, langyah dom urang pambuak tal bruk klauk vaccine caga COVID-19 brei ka 57 uranaih umo mala 18 thun. Urak ini prein yava di dom adei oh mboh hagait karei. Tui urang dang akaok UBND quận Thốt Nốt, dom urang jakar y tế eng drei klauk vaccine ka urang umo mala 18 thun, oh likau adat di quận atau di Sở Y tế. Tal urak ini, Việt Nam bahrau brei klauk vaccine ka urang umo meng 18 thun tagok.

Công an huyện Ninh Sơn, tỉnh Ninh Thuận bahrau brei ba tabiak khởi tố tui hukum hình sự bruk "Ngak brei njom mbak jit ruak kan kandah ka menuac urang" rah tabiak di hãng radaih Đăng Nhân daok di xã Quảng Sơn. Tapa duah thau, dalam 10 harei akaok bilan 9, 2 urang peih radaih di hãng radaih ini pajeng pandap jalan Ninh Thuận - TP.HCM. Tal biar harei 10/9, 2 urang ini dut iek mboh dương tính haong SARS-CoV-2. Công an huyện Ninh Sơn mboh lac, bruk mek radaih pajeng tuai piah pajeng pandap lac suan adat, ba tal jit ruak njaom mbak tabiak menuac sia.

Mintri Y tế Prang brei thau lac brei padeih ngak di anak meta 3.000 urang y tế oh klauk vaccine COVID-19. Meng hu 2 triệu 700 rabau urang y tế, bruk iek glang prein yava di Prang jeng daok hu siam mekre. Gah y tế Prng kuhria mboh lac jaik 12% urang ngak dalam sang iek ruak saong jaik 6% bác sĩ tư di taneh ia ini oh ka klauk vaccine COVID-19. Prang urak ini hu klauk ginup ka jaik 47 triệu menuac umo meng 12 thun tagok, samu 81% dom menuac sia dalam taneh ia. Taneh ia ini daok pandar thẻ xanh COVID-19 di dom labik hu rilo menuac sia.

Dom uranaih njom nCoV daok tagok rilo di dunya kayua biến chủng Delta, ngak brei dom taneh ia peih praong bruk klauk vaccine. Học viện Nhi khoa Mỹ brei thau, dom uraniah njom ruak di Mỹ daok tagok biak samar saong samu 29% dom menuac njaom ruak meng harei 3 tal harei 9/9. Di Trung Quốc, sruh jit bahrau di tỉnh Phúc Kiến hu mboh di harei 9/9, hu rio anek saih dương tính tapa dut iek định kỳ. Yaom lac yau nan, COVID-19 jeng daok lac ruak hanjun di rilo uranaih.

Gah Khí tượng negar Japon harei ini tabiak panuac kakei di tanut 3 dalam abih tih 5 tanut,  tui nan, rahra oh brei mai jaik labik ceik pui Otake angaok pulao Suwanose, tỉnh Kagoshima hadei di mbang pruh di harei 16/9. Dom patau praong prah tabiak meng pabah ceik pui glaong 799 mét meda laik trun dalam labik vil val 2km. Negar Japon hu biak rilo ceik pui daok pruh, daok di angaok "Vành đai lửa" Thái Bình Dương, hu rilo dom mbang megei baoh taneh haong ceik pui pruh di angaok dunya./.

Urang lang: Mousaphuong -17/9