Kapul Metri Pato Megru bahrau ngak bruk haong tỉnh Kien Giang brei ka bruk pasang iek Danak dak paglaong yaom bac magru sap bangsa takik tui Sarak taka 142 harei 27/01/2022 di Thu tuong Pedana mintri Rajaei. Tapa bruk taong yaom brei mboh: Bruk pato, bac magru sap bangsa takik hu pakat tinh maong iek tani tanat, cakrok patagok dom Sang bac Bangsa gam bac gam daok dalam tinh. Min tapi jang daok mboh ralo kan kandah yau ye: kurang gru pato sap ndom mayai, gru pato akhar huruh di bangsa takik; kurang tapuk harak piah pato bac tui hukum Danak dak pato di sang bac 2018… Meng di nan, janih pato magru di tỉnh Kien Giang kham marat prein, peih brei ngak siam gheih dom bruk pato bac sap bangsa takik, dahlau di abih njauk pato, patagok ilimo ka gru pato sap bangsa takik.

Tinh Ben Tre bahrau jao harak brei harak adat, harak pok mayaom ka 11 pandap panda di 8 gah ngak po hu pandap mek hu angan OCOP 4 patuk, 5 patuk. Dalam nan njauk caik hatai tal janih ndap nda mek hu angan OCOP dalam bhum taneran kraong Cuu Long. Njauk caik hatai hu sa pandap panda mek hu angan OCOP pakat Negar (pandap panda OCOP 5 patuk) hu baoh Durian khang la-an di Kongti TNHH Pablei tabiak blei tame baoh kayau Chanh Thu. Tukvak tapa, tinh Ben Tre hu peih ngak rilo danak dak brei ngak samar drah bruk pablei salih dom pandap panda OCOP ba tal tangin urang pandar hu kein lagaih jang.

Tinh Bac Lieu bahrau piah harei Ginum pato caga saong pakaro nagar brei ka anek saih THPT abih di dalam tinh mbang di VIII. Jaik 300 urang di 20 labik sang bac THPT mai pakacah gauk di 7 kadha hu: Thau krein harung di ilimo caga saong pakaro nagar; Pacei ba kapul; Parah baoh daliem luu dan njauk tanut; taoh paoh phao karaong phao tieu lien Ak, dien rup pabhap, daong iek ruak; nduac samar 400m ka kamei, 800m ka likei saong cuh biak phao tieu lien AK kadha 1… INi lac sa dalam bruk biak gheih siam di tinh Bac Lieu pasang tal harei auen raok 80 thun Harei padang ngak Bol lin rahra Viet Nam (22/12).

UB Bhap bini tinh Ca Mau brei thau, hu harak ba tagok HĐ Bhap bini tinh brei tapa danak dak buh jien padang tatua pambuak haong Sang iek ruak đa khoa tinh Ca Mau (tatua Nguyen Dinh Chieu) hu phun jien jaik 500 ty dong. Tui di nan, danak dak hu labik meng akaok jalan Quoc lo 1 (jalan Nguyễn Tất Thành, Ban Ca Mau), labik puac lac jalan di Cà Mau - Đầm Dơi (jalan 3 bilan 2 dui atah), kuhria abih tih jalan atah labaih 2,48km. Danak dak tatua Nguyễn Đình Chiểu pabak samu hatai caong nao mai, pasang iek ruak taong ruah di rahra hu kein lagaih.

Meng akaok thun mai tal ni, Ban Raya HCM taduan labaih 1.000 ka ruak ndik baoh soi di anek naih, dalam nan 3 ka matai. Taka ruak ndik baoh di anek naih ala umo 9 bilan. Mentri Y te hu mbaoh harak peih ngak bruk klauk vaccine ka anek naih umo meng 6 tal 9 bilan di Ban Raya HCM marat prein khang kajap jalan pacang caga jit dalam guan tukvak glaong urakni. Gah Y te khan saong ame amaik saong gauk gar nan ba anek naih nao dom labik piah klauk vaccine caga ruak ndik baoh ka uranaih.

Dom negar pandar sa janih jien chau Au Eurozone bahrau hu mboh jien Euro trun biak biar abih di dalam 2 thun tapa dut saong jien do la. Dalam tuk nan, bruk trun kurang dalam gah ngak mbang ba tabiak hu pambak tapa tal dom gah meyao meyit. Hadei di tuk thau khau tin, jien Euro trun tal 1% dut saong jien do la, dom darak pasar jien padai daok brei mboh lac Gilang pariak pakat glaong Trung uong chau Au (ECB) brei kaoh klak khang tangin jang ka jien laba piah mbuan daok dalam bruk ini. Chỉ số lek taka di dom sàn chứng khoán jeng salih tapa bruk jhak mbang akaok meti kuhria meng akaok thun ini.

Talei ngak tabiak baoh kanduh baong ahaok par rahra praong akaok mati di Trung Quoc bahrau ngak blaoh saong ba tame pandar pak Quế Lâm, tinh Quảng Tây. Talei ngak tabiak padang tui tani tanat gah ngak kong 4.0 saong hu prein ngak 100.000 baoh baong kanduh dalam sa thun. Trung Quoc khan lac, urakni hu labaih 10 thaik ahaok par pajieng karei di gauk saong labik 30 taka ky thuat di kanduh baoh baong ahaok par rahra hu ba tame angui.

Ruak jit kum menuk ada daok patui njom pambak praong di rilo bhum palei di nagar Japon, blaoh ngak khat lahik biak rilo brei ka kinh te. Harei kabroi, di Saitama – taphia tapen ban ine  Tokyo, karja tinh ini hu padang nyaom biai samar chip piah pathau khan ka bruk duah mboh ruak jit kum menuk ada dalam bhum palei. Tui nan, di sa labik raong ada di ban Gyoda, hu tamuh jit kum menuk ada kayua janih virus H5 hu ia chak kanyah biak huac biak glaong ngak tabiak. Meng page ini, karja palei brei pamatai labaih palahik abih tih 25.000 drei ada di labik raong ini.