Pathau mikva saong grauk ayut!

Pa-ok lac janih baoh kayau pahe bingi,siam ka prein yawa, pacang hu ruak ung thư trak bo rilo menuac oh ka thau. Kadha:“Urang iek ruak ruak” harei ini, khol dahlak hu kadha vak khan ka dom siam lagiah di baoh pa-ok brei ka pren yava di drei .

Pa-ok lac janih baoh kayau hu pala di rilo bhum palei di Viet Nam, dalam baoh pa-ok hu rilo asar pacang oxy hóa yau astragalin, fisetin, axit gallic jeng yau methylgallat. Dom asar nan hu daong khik caga rup pabhap pacang veik ung thư đại tràng, ung thư tasau saong tuyến tiền liệt jeng yau ruak bach cầu.

# Duk iek cholesterol

Dalam Pa-ok hu  vitamin C, protein saong chất xơ rilo ngak brei trun cholesterol dalm darah. Pa-ok metah hu rilo kali , lac janih njauk brei hu ka tế bào saong ia dalam rup. Nyu daong iek nhịp tim jeng yau huyết áp.

# Ngak hacih kalik

Pa-ok ngak brei lahei gilaong bilau saong ngak hadah kalik mbaok. Ciak sa candaik lapih tauk tagok kalik dalam 10 tal 15 minit  nyu ngak brei hacih gilaong  bilau gar, lac jalan ba tal tagok mun.

# Trun kilo

Pa-ok hu rilo vitamin saong khoáng chất ngak brei trei tian suai lavik jang. Langiu di nan, janih baoh hu rilo chất xơ ini jeng ngak lahik rilo calo saong daong patrun kilo.

# Hadah meta: Pa-ok hu rilo vitamin A saong mbang sa candiah paok lapih sumu 25% vitamin yaok harei. Pa-ok ngak brei hadah meta, caga thu meta saong caga sup bhang meta.

# Pacang mebuh pandiak: Menyum ia pa-ok  njiak daong ngak ka rup pabhap la-ar chip jeng yau pacang mebuh pandiak.

          # Pabak he mien dich: Kayua hu rilo vitamin C, Vitamin A jeng yau 25 janih carotenoid karei di gauk, pa-ok daong khik caga mien dich khang kajap.

          # Pasiam glo akaok: Janih baoh ini hu biak rilo axit glutamine, nan lac janih protein siam ka glo akaok.

# Pabak pasei ka urang kumei: Pa-ok hu rilo sắt biak siam ka urang kurang darah. Urang kumei jaik abih harei bilan saong urang kumei metian mbang pa-ok piah pabak pasei.