Hadei di tuk gah thông tin đại chúng gam gam brei thau bruk bhap bini klak hareik ngak jhak tal  môi trường di dom xã tapen tasik  Ninh Thuận, bahrau ni UBbhap bini  tỉnh Ninh Thuận hu nao pasang iek song tacei pato jalan ngak pasiam veik  môi rường sinh thái di labik ni. Tui nan meng harei  6/10, dom puk palei hu pambuak bruk song dom doanh nghiệp pataom mek hareik nerak, pathau khan jak ba bhap bini dom xã tapen tasik pataom mek hareik nerak. Min bruk pataom mek jeng lac bruk di anak meta, dok suai lavik lac bruk paglong hatai sahaneng di bhap  bini, nan ye bruk pataom mek hareik nerak di dom  xã tapen tasik dok lac sa bruk kan kandah . Kadha vak di di urang pambuak bruk Hoài Hương-Văn Cảnh:

Anak cổng tame xã Cà Ná meng lavik mai lac labik tuh hareik di bhap bini 2 xã Cà Ná song  Phước Diêm. Di labik ni, yaok harei hu tal yaok pluh khối hareik nerak tuh mai , gam song nan lac bhap bini bhian randap klaak hareik tabiak jalan, trun tasik, nan ye bruk pataom mek biak kan kandah, hareik tram dalam ia lavik harei kandaong veik, ngak ka môi trường di labik ni dak harei dak jhak jang.

          Saai  Trương Văn Tuấn urang ngak gah  vệ sinh môi trường xã Cà Ná song  Phước Diêm brei thau, kayua bhap bini klaak hareik oh njauk labik, abih di nyu nan lac bhian randap klaak hareik tabiak tasik, tabiak takai ar nan ye bruk pataom mek hareik biak kan kandah:

 “ Bhian pataom mek hareik di labik ni, hu panuac ieu mik va klaak njauk tuk vak, piah urang ngak pataom mek. Kayua bhap bini klaak hareik oh njauk labik, nan ye bruk pataom mek kan kandah, hareik daok veik mbau bruk ngak jhak tal môi trường. yaok harei patom mek 20 radeih”

Piah langyah song pasiam veik bruk hareik kandaong veik lavik harei di cổng chào xã Cà Ná song rah tui tapen takai ar xã Phước Diêm, Công ty pataom mek hareik Nam Thành hu pataom jiak 50 urang ngak di  drei gam song bhap bini di labik ni pataom mek labaih 100 m3 hareik nerak. Ong Đoàn Đức Hồng, Phó Giám đốc Công ty Trách nhiệm hữu hạn Nam Thành tỉnh Ninh Thuận brei thau:

 “Pataom mek hareik nerak di dom palei tapen tasik, urak ni dok gaok rilo kan kandah. Kan kandah camereip lac bruk klaak hareik tabiak jalan, tabiak tasik, kan kandah ka 2 lac klak hareik oh njauk labik, oh njauk tukvak piah urang ngak pataom mek pajeng mai sang mac xử lý”.

Hu thau hadei di tuk tabiak bruk pataom mek hareik nerak mbang ni, UBbhap bini  xã Cà Ná song  Phước Diêm hu dom jalan ngak piah khik caga môi trường, taphia di nan, pakhang pakajap dom kapul pataom mek hareik nerak, caik dom thung hareik rah tui jalan ar tasik, tapen tasik song khang hatai taong phạt urang klaak hareik oh njauk labik. Ong Bạch Văn Phú, Phó Chủ tịch UBbhap bini xã Phước Diêm, huyện Thuận Nam, tỉnh Ninh Thuận lac:

“Xã Phước Diêm hu pathau khan ka mik va paglong akaok sahaneng jang ka bruk hacih saat môi trường bhum tasik. Khik caga môi trườn lac khik caga rup drei. Anak meta lac pathau khan jak ba, meyah mik va oh ngak tui, daok klaak harei oh njauk labik, ye xã tong phạt”

Piah pasiam veik bruk nerak tathuak alam môi trường, khik caga môi trường, bruk ba tabiak lac dom xã tapen tasik di tỉnh Ninh Thuận brei samar peih ngak siam dom labik pataom mek hareik nerak di dom khu dân cư. Taphia di nan, jhul pakhang bruk pathau khan piah ka bhap bini mboh cambaih kein laba dalam bruk khik caga môi trường, saong brei ngak catang bruk xử phạt./.