Bruk palih pajaih :

Glong di phun kuhira meng mbaok bầu tagok tal meta ghép lac 40- 60cm gilac mai rup gul thân  meng 6 – 10mm, kayua yau nan umo di phun dhar pablah hu 20 – 24 bila, gha cọc dok sit tuk drei pala trun  gha cọc hu tamuh atah gam dalam tame haluh piah phun dang kajap pacang cakak song pandiak bhang, ia sua. Abih di nyu phun oh plieng, jaleih kayua hajan ribuk. Meta ghép beir ye hadei di ni phun suai  glong , dhar  hala tabiak rilo  mbuan lagaih ka hadei di ni paik, cakak.

Jalan pala :

Kích thước lubang  60 x 60 x 50cm. Srau khak limo atau khak hữu cơ, khak lân, chu song haluh. Cakak klaak kudung nilông, cakak binah gha cọc di mbat  bầu meng katarei atau to haluk, cakak vát piah gha oh jaram, samar tamuh gha bahrau, patui di nan ba phun trun lubang pacang haluh hu srau trun taom dar got, mbaok bầu gah ala mbaok haluh 30cm, proi jru asar  Basudin atau  Phuradang 1kg / 20 got, cakak klaak dom hala gah ala meta ghép.

Iek glang :

Ngak hareik : Pajaih dom janih phun pala karei karei song phun cà phê. Bilan  8 kuac lubang kreik 4 gha Macca, kuah hala trun, yaok lubang buh 2kg khak lân, 500g chu song pacang haluh veik  (piah hala phân hủy jeng khak mùn hữu cơ ), saat hala, paih boh samar oh khat lihik.

Buh khak : Tuk dok sit, urang buh rilo mbang 20 -25 harei sa mbang pandar  URÊ 70% + KLY 30% labaih 300g/phun/sa mbang, phun dak patagok, ye tagok khak, tuk phun tame umo paik boh buh khak  URÊ 30 % ,KLY 70 % . Khak Lân song chu, urang buh jeng sa mbang tame akaok bilan hajan, yaom khak  lân 400kg/ha/thun  chu 250kg/ha/thun , buh samu ka dom thun.

Pruh ia : Meyah urang pala meng bilan 4 tal bilan 5, tuk ni dok tuk hajan bhum Tây Nguyên, tal akaok bilan thu, gha phun patagok siam, urang meda pruh ia song phun cà phê lac ginup pasak piah tagok siam, yaom ia pruh dreih yau phun cà phê .

Pacang caga halak

Yaok thun, urang buh 2 mbang jru gốc Basidin atau  Phuradang . Pruh pacang ruak dom janih jru pacang bimao srau song jru pacang halak dok di darak pasa song salih tui yaok thun, pruh 3 mbang dalam sa thun. Thun ka 2 dalam akaok bilan hajan urang raok bồn prong tui got di phun dalam 30cm gar 30cm dar dom janih khak hữu cơ , khak limo , khak menuh , gam tui NPK song pacang sre haluh veik.

Thun ka 3 meda raok bồn mek haluh tuh tagok gha jeng ụ glong ka phun dang tapak song pacang cakak song hangin ribuk siam  jang. Hadei di nan, klaak khak  Hữu Cơ atau khak limo trun lubang bloh pacang haluh veik.

Yaok thun buh khak vô cơ ka cà phê, hadei di nan urang buh ka Macca tagok jang 2 mbang dut song phun cà phê song tagok tui yaok thun ka yaok umo thun di phun Macca .Tal tuk phun Macca rilo boh, urang buh rilo  khak Kali tagok jang 2 mbang dut song khak đạm, lân .

Paik boh : Macca taha song paik boh di puac bilan 8 tapa akaok bilan 9; tuk ni urang mboh boh Macca saolih meng sambo hajao, tapa sambo ngu song ngu jham, thu kanduh, talah kanduh jeng 2 binah meng dak trun rốn ( đít), hadei di nan, boh medaa jaruh. Tuk ni tui iek mboh tong abih boh di angaok phun tapa sambo ngu song ngu jham, urang meda paik song duan abih. Tuk paik boh mai, urang rabha jeng 2 janih: 1 lac hu laok abih kanduh ( caik karei) song 1 dok kanduh ba nao cambu tuk vak nhất định (meng1 – 2 harei ), kanduh talah song klaak kanduh mek asar . Asar Macca (mắc ca) oh cambu , caik di labik liar nhiệt độ trung bình. Hu pablei hadei di tuk paik, piah boh dok that, oh sre menyek, biến chất, trọng lượng hu trak jang.

Khik ramik : Asar Macca hu tal 78% lac tinh dầu, yau nan ye bruk khik ramik lac biak prong, min oh abih rilo pren yava. Tuk asar hu laok abih kanduh hu khik ramik di nhiệt độ 25oc lac siam di abih song pablei ka song sang mac ngak avar di abih piah klah bruk sre menyek  chế biến hu takik chất lượng./.