Pathau mik va song tong abih gauk! Tui jalan patagok, salih bahrau di taneh ia, dom puk palei bangsa takik di Tây Nguyên jeng mbeik drei tame dak harei dak khang. Rilo urang anek di puk palei hu jeng trí thức, brei mboh pren khang dalam dom bruk prong, rik dong ka bruk patagok tong abih gah di puk palei. Dalam kadha “ Kreik camin palei negar “ adit ni, khol hulin hu kadha vak di H Xíu, Urang vak di rayo sap ndom i Việt Nam dok di Tây Nguyên hu khan tal dom rik dong di dom  tiến sĩ prong tagok dalam dom palei pala di  tỉnh Đăk Lăk, Daa mik va song tong abih gauk tui pang

          Lac urang dang akaok Bộ môn Ngữ Văn, khoa Sư phạm, gam lac Phó Giám đốc Pasak ilamu xã hội saong nhân văn, sang bac ĐH Tây Nguyên, Tiến sĩ Buôn Krông Tuyết Nhung, bangsa Ê-đê, tuk halei jeng ba drei tame dom đề tài ka ilamu bangsa. Hu biak rilo danak dak roh duah ka ilamu Ê Đê, biên soạn tapuk sap Ê Đê song sap Stiêng ka anek saih tiểu học, min TS. Buôn Krông Tuyết nhung oh ka mboh njauk hatai. Hadei di tuk pato pakai ka sinh viên, muk dok jar var nao tal puk palei, atau gam song pasang likei lac Tiến sĩ Văn Ngọc Sáng, roh duah đề tài Số hóa điện tử dom ine lang sap bangsa takik. Tiến sĩ Buôn Krông Tuyết Nhung lac:

Hulin sahaneng lac ngak yau habar piah rai rah ranaih song rai rah harei hadei thau lac, yaok sa bangsa, yaok anek menuac lac prong di abih, ilamu lac prong di abih. Kayua yau nan ye,, hulin kham duah thau dom hagait yaom lac sit di abih, yaom lac adat cambat  sit di abih minnyu  hu yaom glaong, lagaih song saman ini di khol drei.

Lac sa dalam takik Tiến sĩ rai camereip dalam gah ngak nong di Tây Nguyên, Tiến sĩ Y Ghi Niê, urang dang akaok Liên hiệp dom Hội Khoa học  song kỹ thuật tỉnh Đắk Lắk tuk halei cong khin hu ba ilamu bo drei hu piah dong ka bhap bini. Tapa rilo bruk ngak yau: Akaok jabat ngak nong tal ngak Giám đốc Sở Khoa học song Công nghệ, Akaok  Liên hiệp dom  Hội Khoa học song kỹ thuật Đắk Lắk, ong hu rilo rik dong ka bruk khoa học di tỉnh, yau padang angan cà phê Buôn Ma Thuột hu Cục Sở hữu trí tuệ cấp đăng bạ dalam negar, ba tame pala rilo pajaih phun pala hu yaom  kinh tế glong, hu mbaok tame soạn phần mềm Taynguyenkey, phần mềm taong haroh bangsa takik Tây Nguyên  angaok máy vi tính. Meng hu phần mềm ni, bruk pathau khan tal mik va bangsa takik hu mbuan sahnang song siam lagaih jang. Tapa labaih 40 thun ngak bruk, dalam umo 60 thun, yaom lac jiak padeih hưu, min ong dok kham merat roh duah song buh pren yava ka bruk ngak di drei. Tiến sĩ Y Ghi Niê khan lac: 

Hulin cong khin, oh lac tok  hu  cơ quan khoa học công nghệ  bo dom cơ quan , mban ngành pambuak bruk song khol hulinpiah peih ngak bruk ni, song tong abih dom gah khol drei pataom veik jeng sa kapul jum pataom piah padang ngak ka tỉnh  khol drei dong ka mik va bangsa takik khol drei patagok  kinh tế xã hội.

Jeng hu bac megru gah ngak nong, Tiến sĩ Y Ka Nin H Đơk, phó giám đốc Sở Tài nguyên song Môi trường tỉnh Đắk Lắk kham merat ba dom ilamu hu bac bloh tame rai duik puk palei. Lac urang dalam Kapul khik caga Tài nguyên thiên nhiên song Môi trường, ong kham merat nao tal dom puk palei, pasang iek, pathau khan, patagok ilamu ka bhap bini dalam bruk khik caga môi trường, abih di nyu nan lac khik caga glai song halau ia. Ong dang akaok song hu mbaok tame rilo kadha roh duah, pok tagok dom urang pan akaok  tỉnh dom danak dak khik ramik đa dạng sinh học, tong yaom bruk ô nhiễm kim loại trak di angaok krong Sêrêpôk, rik dong tame bruk khik ramik, pasang iek môi trường di palei pala. Tiến sĩ Y Ka Nin H Đơk lac:

Langiu bruk ngak  di Sở Tài Nguyên song Môi trường, hulin ngak gah Hội, dong pathau khan, pato tacei bhap bini dalam palei njauk khik caga glai, khik caga athur glai song đa dạng sinh học hu kein lagaih.

Tui Liên hiệp dom Hội Khoa học song Kỹ thuật Đắk Lắk, dalam tỉnh urak ni hu 13 tiến sĩ prong tagok meng dom puk palei urang bangsa takik. Jiak 60 thạc sĩ prong tagok meng bruk ngak hamu apuh, dok halan hatain tui takai dom saai nao dahlau. Dalam dom bruk ngak di drei, dom urang nan tuk halei jeng kham merat ba abih pren yava di drei tame bruk patagok di tỉnh song di bhum Tây Nguyên. Ni lac dom kreik camin ngak jeng pren khang piah ka dom rai hadei dok di puk palei bac megru ngak tui, yam tagok dalam bac daa hu siam mekre jang, piah tuk bac tamt bloh, mai veik puk palei, rik pren yava dak padang puk palei drei dak harei dak siam mekre jang./.