Pathau mik va song tong abih gauk ! Hu pren khang meng không gian xanh sinh thái di bhum  Đồng Tháp Mười, du lịch Long An dak harei dak hu thau tal ngan song labik khik ramik  phun jru, Khu Ramsa Láng Sen, Làng nổi Tân Lập. Tuai damuai mai tal ni lingiu di padeih padei daok piah iek ruak meng phun jru. Song patagok du lịch sinh thái pambuak haong iek ruak lac sa jalan ngak bahrau di gah  du lịch Long An. Kadha vak di Vinh Quang, urang vak di rayo sap ndom VN dok di ban raya HCM brei thau ka bruk ni:

Dom thun mai ni, bhum khik ramik phun jru di huyện Mộc Hóa jeng sa labik hu rilo  tuai damuai duah tal . Di labik ni, hadei di rilo thun hu sangka buh jien tanme ngak, labaih 2 ribau ha taneh likhun, klaak saoh jeng labik khik ramik phun jru ngan saong labaih  900 ha tràm gió piah ngak  tinh dầu song khik ramik 83 janih gen phun jru quý hiếm pabak ka bruk iek ruak. Tuai mai tal labik ni hu rivang main meng juak radeih, vah ghe vil val; hu chưng cất song  ngak menyek meng tinh dầu thiên nhiên; hu mbang menyum dom janih pandap ngak meng dom janih phun jru meda pacang saong pasiam ruak kik kayua dom  đầu bếp lac dom dược sĩ ngak... Abih di nyu nan lac pandap du lịch hu angan lac  “Menei glai” hu patagok jeng sa janih biak karei, tok hu di Long An. Dược sỹ Bùi Đắc Thắng, Tổng giám đốc Công ty Cổ phần roh duah khik ramik song  patagok phun jru Đồng Tháp Mười - đơn vị chủ quản khu du lịch khan lac

Tuai hu ba nao takai dalam glai  tràm meng 30 tal  40 minite ye rup pabhap hu  hấp thu hơi nước song  hoạt chất pahe  meng phun tràm tathuak tabiak. Meng hợp chất pahe nan nyu ngak brei thư giãn, hệ thần kinh giao cảm, phó giao cảm hu padeih padei, ngak patrun huyết áp, langiu di nan dok ngak ka urang mboh chreih chrai dalam rup.

Jeng angaok hệ sinh thái taneh dauk ia  di bhum  Đồng Tháp Mười, Khu du lịch Ramsa Láng Sen di huyện Tân Hưng, Làng nổi Tân Lập di ban sit Kiến Tường tỉnh Long An…jeng dok dui pachreih dak harei dak rilo tuai damuai duah tal meng du lịch sinh thái dã ngoại. Tal  khu làng nổi Tân Lập, tuai hu nao angaok jalan haluk tapa glai  tràm atah  5 km, hu maong iek dom glai tràm glaong, hijao; hu vah ghe nao dalam tame bhum đầm lầy, hu ba drei tame mblang hamu bingu cariah, bingu njam blek hadah mekre atau nao ghe cáp kéo, tapa dom ribaong sit liar bingi, tal dom labik thuần dưỡng cim prong abih di Việt Nam. Abih di nyu nan lac, tuai meda padeih veik labik ni piah maong iek lingik tasik gheih mekre di yaok tuk vak dalam harei, raok ia harei tagok saong mong iek  ia harei trun angaok tháp glong 38m di kreih glai tràm. Ong Nguyễn Thành Nhân, Quản lý Khu du lịch Làng nổi Tân Lập brei thau :

 Tuai njauk caik tabiak meng 2 tal  3 tuk meng nao hu abih jalan tapa glai ni song tui pren yava di tuai tra. Angaok jalan ni khol hulin hu bảng tacei meng sap Việt song sap Anh piah ka tuai eng drei nao duah thau, tui nan khol hulin hu pagam bảng chỉ dẫn brei thau ka tour du lịch)

Meng dom pren khang di bhum Đồng Tháp Mười, meng bruk padang ngak dak harei dak siam nan ye tuai mai rivang khu Làng nổi Tân Lập jeng tong yaom glong. Saai Trần Văn Toàn, sa urang tuai meng  ban raya HCM mai padeih  2 harei di labik labik lac:

Meyah hu palih ruah, ye drei palih ruah dom labik jiak  haong thiên nhiên hu sinh thái gheih mekre piah nao tal. Tuk mai rivang labik ni drei mboh nyu biak lagaih kayua nyu kandang joa song bruk duh tuai damuai di labik ini biak gheih.

Meng akaok thun tal ni , dom labik  du lịch sinh thái- padei padeih – iek ruak di  Long Andui pchreih hu labaih 600 ribau tuai , dalam nan hu labaih 9 ribau tuai dunya, jien mek tame hu abih tih labaih 290 tỷ đồng. Yaom lac daok takik dut song pren khang  du lịch di  tỉnh min lac sa bruk đột phá dut song dom thun dahlau. Oh padeih di labik ni, Long An dok duah jalan, dui pachreih rilo urang buh jien tame ngak mbang gah bruk ini, piah patagok pren khang song ngak tabiak rilo pandap du lịch biak gheih, dui pachreih tuai damuai . Ong Trần Thành Thanh, Phó Giám đốc Sở Văn Hóa Thể Thao song Du lịch tỉnh Long An brei thau:

Tui kuhria dalam thun ni, meda taduan labaih 1,1 triệu mbang tuai damuai, dalam nan takik di abih 15 ribau tuai dunya. Anak tal Cảng Tân Tập Cần Giuộc hu  cầu cảng ka 3, tapa nan nyu dui pachreih rilo tuai damuai song thủy thủ. Urang jeng hu rilo labik  du lịch main sambai, bruk ni jeng palagaih ka  du lịch Long An tagok jang.).

Meng dom jalan ngak cambaih laih dalam bruk peih ngak song patagok dom bhum  du lịch, abih di nyu lac sangka tal  du lịch sinh thái pambuak song bhum Đồng Tháp Mười, Vàm Cỏ Đông, Vàm Cỏ Tây, tỉnh Long An jeng dok pataom tame paglaong ilamu chuyên nghiệp di kapul nyaom urang ngak  du lịch piah padang sa labik mai rivang main biak siam, dui pachreih tuai damuai dok dalam song langiu negar dalam tuk vak anak tal ./.