Daok tui iek 2 drei lamo sind menek, bahrau hu karja daong di bilan dahlau dalam danak dak parilo jalan ngak mbang duah jien, cakrok bruk patrun kathaot di Danak dak bruk ngak negar patrun kathaot khang kajap, tukvak 2021 – 2025, ong Trần Ngọc Phương daok di xã Thuận Hòa, huyện Châu Thành oh padauk hu bui sambai, kayua lac meng bruk daong ini, sang ong hu jalan piah tani tanat raidiuk. Urak ini, ong Phương hu pala hareik ngak pandap mbang ka lamo, saong pah 3 công taneh bein piah pala phun medar haong hatai caong lac sang hu jien tame tani tanat, samar yam tagok tabiak truh kan kathaot. Ong Trần Ngọc Phương, khan lac:

"Hu karja daong, drei kham merat habar ka nyu hu kein laba glaong abih. Dahlak hu pala hareik blaoh paje, var ro jeng hu ngak blaoh, haong ilamu raong glang daok bac megru".

Meng phun jien hu parabha brei labaih 103 tỷ đồng meng Danak dak bruk ngak negar cakrok kinh te - xa hoi bhum bhap bini bangsa takik saong danak dak bruk ngak negar patrun kathaot khang kajap, tukvak 2021 – 2025, huyện Trần Đề, tỉnh Sóc Trăng hu daong sang daok ka 344 sang, daong taneh daok ka 37 sang, salih bruk ngak ka labaih 360 sang, daong ngak nding raok ba ia pandar ka labaih 190 sang, padang ngak 28 danak dak tatua, jalan nao mai di palei, xã biak kan kandah. Langiu di nan, padang ngak saong pasiam darak bhum bangsa takik, daong patagok bruk ngak pandap, parilo jalan ngak mbang duah jien, pato bruk ngak… Ong Trịnh Văn Bé, Phaok akaok UBND huyện Trần Đề brei thau, huyện tuk halei jeng thau bruk bangsa saong sarak bangsa lac bruk praong, nan ye anak tal, huyện brei pataom tame ngak rilo jalan piah ngak hu siam di abih:

 "Pataom tame ngak dahlau ka dom xã, ấp biak kan kandah yau ye: langyah bruk taneh daok, sang daok, taneh pala drak, ia pandar, daong cakrok bruk ngak mbang duah jien; buh jien tame ngak hạ tầng thiết yếu, duh ka bruk ngak mbang, pala drak, raidiuk bhum bangsa takik. Pakhang hệ thống chính trị puk palei, sangka pato pasram, paglaong ilamu urang jakar, abih di nyu lac urang jakar bangsa takik. Brei cakrok dahlau dom menuac ngak, paglaong ilamu pambuak haong pato pakai bruk ngak, ba bruk ngak ka bhap bini bangsa takik".

Tui panuac di Bí thư Tỉnh uỷ Sóc Trăng Lâm Văn Mẫn, meng phun jien di 3 danak dak bruk ngak negar hu pablak tame, peih ngak hu siam piah buh jien tame ngak pasiam, ngak bahrau hạ tầng kinh tế - xã hội bhum bangsa takik, meng nan, tal urak ini, taong abih dom xã dalam tỉnh Sóc Trăng jeng hu jalan radaih ô tô nao tal pasak, labaih 99% sang bhum bangsa takik hu pandar điện negar, dom sang pandar ia hacih hu labaih 99,6%. Abih di nyu lac, bruk patrun kathaot di bhum bangsa takik hu salih bahrau biak siam, dalam tỉnh hu daong salih bruk ngak ka 4.600 sang haong 67 bruk carok ngak mbang, parilo jalan ngak mbang duah jien saong patrun kathaot khang kajap. Kuhria tal puac thun 2023, dalam tỉnh daok hu labaih 4.000 sang kan kathaot lac urang bangsa taik, trun labaih 6.500 sang duk haong thun 2021. Bí thư Tỉnh uỷ Sóc Trăng Lâm Văn Mẫn brei thau:

" Dom sang kan kathaot trun hu 2% sa thun, dalam nan trun baoh sang Khmer kathaot 3% sa thun. Dom sarak an sinh xã hội hu ngak samar drah, njauk menuac, njauk urang. Dalam tukvak 2019 - 2024, tỉnh hu daong padang ngak 14.826 baoh sang ka sang kathaot, dalam nan, hu 6.184 baoh sang brei ka sang kathaot lac urang bangsa takik..."

Dom jak jeng mek hu lac mai meng hatai khang chính trị saong bruk tacei pato, ba jalan khang kadang di pakat ủy Đảng, karja dom pakat dalam tỉnh Sóc Trăng, gam haong bruk kham merat yam tapa kan kandah di bhap bini dom bangsa dalam tỉnh, tapa nan, hu ngak brei salih bahrau mbaok mata bhum bangsa takik./.