Piah peih tabiak jalan ka bruk padang bhum pala sa janih padai chất lượng glaong, HTX ngak nong 4.0 tỉnh Long An brei salih 100 ha padai meng kan tapa pala padai kong nghe glaong pablei tapa châu Âu. Sang urang ngak nong di tỉnh jeng salih 120 ha tra. Dom mblang padai pala pabak bruk pablei tapa EU hu blei veik abih haong yaom glaong jang darak pasar 200 đồng sa kg brah, saong glaong jang 400 đồng sa kg padai ndiuk.

Ong Nguyễn Văn Lành, urang dang akaok HTX ngak nong 4.0 brei thau: Urak ini 17 xã viên daok ba gauk caga ngak taong abih bruk pala padai pablei tapa negar langiu. Tapa nan, hu jalan hu mbaok tame bhum pala 125.000 ha sa janih padai chất lượng glaong saong tathuak nerak biar, pambuak haong ramik veik bruk pala ngak piah patagok yaom di nyu, cakrok khang kajap. Hatai sahneng di bhap bini hu salih bahrau cambaih laih, bruk buh jien tame ngak, jalan pala ngak jeng hu sangka siam lagaih jang tuk yaom pandap hữu cơ hu gah blei njauk hatai, khik tani tanat jien mek tame ka urang ngak nong: 

"Pala ngak hữu cơ ye khang kajap, taneh takik thu lagu, pandar khak vô cơ ngak ka taneh thu lagu, buh khak vô cơ rilo nan ye phun jien glaong, bo phun jien glaong ye takik laba. Dalam tuk nan, ngak padai chất lượng glaong haong khak hữu cơ nyu khang kajap jang, daong pasiam taneh."

Tui Sở Ngak nong saong Patagok palei pala tỉnh Long An, piah peih ngak Danak dak “Cakrok khang kajap 1 triệu héc-ta pala sa janih padai chất lượng glaong saong tathuak nerak biar pambuak haong patagok hijao bhum taneran kraong Cửu Long”, tal thun 2025, tỉnh brei ngak 60.000 ha di bhum padai pandar kong nghe glaong saong tui danak dak VnSAT.

Ong Nguyễn Thanh Truyền, Yam ndok Sở Ngak nong saong Patagok palei pala tỉnh Long An brei thau: Urak ini urang ngak nong pandar tiêu chuẩn 1P5G, pandar kong nghe glaong, pandar pajaih nguyên chủng saong xác nhận, pandar jamriak mac moc dalam dom bruk pala, ngak… pabak hu dom tiêu chí, peih tabiak jalan piah ngak Danak dak, lac kein lagaih ka tỉnh patui jalan peih ngak. Langiu di pambuak bruk blaoh haong dom doanh nghiệp piah pablei tabiak, Long An daok pambuak bruk haong Cục pala drak Mintri Ngak nong saong Patagok palei pala piah peih ngak. Ong Truyền daok brei thau lac:

"Tinh hu da-a dom Yam ndok HTX hu mbaok tame dalam bhum danak dak piah pasram khik ramik tathuak nerak sang kreih camin, tín chỉ carbon... Kol dahlak daok kuhria da-a Cục pala drak mai daong tinh peih ngak tal yaok xã, huyện tame danak dak piah thau cambaih jalan ngak piah hu mbaok tame."

Ong Lê Thanh Tùng, Phaok akaok Cục Pala drak, Mintri Ngak nong saong Patagok palei pala mboh lac, sa dalam dom kan kandah lac jak ba mikva hu mbaok tame. Min bruk ini meda ngak hu, meyah hu rilo tukvak jang. Sa kan kandah karei lac dom taneh hu mbaok tame brei daok dalam dom HTX ngak nong, dom kalup kapul pala drak piah pala ngak praong.

"Piah hu mbaok tame danak dak ini, dom taneh brei daok dalam HTX. Yau nan, bruk HTX brei ngak samar jang. Kol drei brei ngak pakhang dom HTX. Urak ini, bhum taneran kraong Cửu Long hu labaih 2.000 HTX bo taneh di dom HTX ini oh ka samu haong bruk ba tabiak di danak dak 1 triệu ha".

Long An lac sa dalam dom tỉnh ngak padai dang akaok di bhum taneran kraong Cửu Long. Thun 2023, abih tih taneh pala padai di Long An hu labaih 516.000ha, sản lượng hu labaih 3 triệu tấn. Ini lac thun camereip padai ngak hu di Long An yam tapa 3 triệu tấn. Tỉnh daok daong dom HTX hu mbaok tame danak dak, pamaong tal cakrok dom yaom glaong di bruk ngak padai khang kajap./.