Tal urak ini, hadei di labaih meteh nhiệm kỳ peih ngak Sarak Nyaom roya Đảng bộ mbang ka XI, huyện bhum tapen negar Lộc Ninh daok cuk tagok rup blah ao bahrau, hạ tầng, jalan mbak hu buh jien tame ngak samu gauk, bruk ngak mbang di palei pala hu tagok siam, raidiuk, bruk ngak mbang, ngak huak di bhap bini dak harei dak hadah hadai... Ini lac dom jak jeng praong piah ka huyện samar ngak hu taong abih 9 dalam 9 tiêu chí dalam bruk padang ngak huyện palei pala bahrau.

Tui jalan ngak lac “mbuan ngak dahlau, kan ngak hadei” saong pilih ruah dom tanut praong piah jhul tagok, piah ba jalan peih ngak dom tanut karei, huyện hu ieu pataom abih hệ thống chính trị tame bruk, sangka patagok prein khang, bruk hu mbaok di bhap bini dalam huyện piah daong ka palei jhul samar bruk padang ngak palei pala bahrau.

Ong Trần Thanh Quang, Bí thư Đảng ủy, akaok UBND xã Lộc Điền chreih chrai khan lac: Dalam 3 thun padang ngak palei pala bahrau paglaong, Lộc Điền ieu pataom hu labaih 57 tỷ đồng piah ngak danak dak, dalam nan bhap bini dom labik daok rik daong 400 triệu đồng saong halan hatian alin taneh, brei phun pala. Tal puac thun 2022, xã ngak hu salah abih 20/20 tiêu chí palei pala bahrau paglaong, mbaok mata palei pala hadah hadai, hijao - hacih - mekre.

Meng bruk pathau khan, jak ba praong dalam tal abih bhap bini, thun 2023 dalam huyện ieu pataom hu labaih 126 tỷ 300 triệu đồng piah peih ngak danak dak. Tal harei ini, huyện hu 15/15 xã mek hu chuẩn palei pala bahrau, 3 xã mek hu chuẩn palei pala bahrau paglaong, 3 ấp hu brei angan lac khu dân cư palei pala kiểu mẫu, huyện ngak hu 3/9 tiêu chí palei pala bahrau.

Thun 2024, Lộc Ninh daok peih ngak danak dak bruk ngak negar padang ngak palei pala bahrau di dalam huyện, kham merat tal bilan 11-2024, xã Lộc Hưng mek hu angan palei pala bahrau paglaong, xã Lộc Thái mek hu palei pala bahrau kiểu mẫu, daok ngak pasiam harak gar likau brei angan huyện ngak hu bruk padang ngak palei pala bahrau. Ngan saong dom xã mek hu chuẩn palei pala bahrau, huyện daok tacei pato kham merat khik ramik, paglaong siam mekre dom tiêu chí tui Bộ tiêu chí padang ngak palei pala bahrau tukvak 2021-2025; peih ngak saong ngak hu bruk padang ngak xã palei pala bahrau paglaong, daong ba  huyện nao tal labik aval abih dalam thun 2024.

Tui panuac di amuk Lê Thị Ánh Tuyết, Phaok akaok UBND huyện Lộc Ninh, thau lac bruk puac abih di danak dak padang ngak palei pala bahrau lac paglaong raidiuk, bruk ngak mbang, ngak huak di bhap bini. Piah ngak hu bruk ini, huyện thau lac 7 bruk praong saong kham merat ngak ka nyu salah piah peih tabiak jalan cakrok bruk ngak nong, urang nong, palei pala.

Dalam nan, huyện daok brei padang sarak, jalan ngak dui pachreih, jak ba bruk buh jien tame meng dom doanh nghiệp dalam saong langiu huyện. Dak harei dak salih bruk ngak kinh tế tui jalan patagok gah ngak kong, pablei salih, dịch vụ, patrun bruk ngak nong. Cakrok, pambak praong dom janih pambuak gauk ngak hu kein lagaih saong jhul khang bruk pandar ilamu - kỹ thuật, ba jamriak tame ngak nong praong. Salih bharau jalan jak ba, pathau khan, patagok bruk pathau khan di dom kapul, nyaom di puk palei, ba tabiak bruk pakacah gauk anit ranam taneh ia dalam padang ngak palei pala bahrau …

Piah ka jalan nao tal labik hu dui katut panak, bruk padang ngak huyện mek hu chuẩn palei pala bahrau brei hu bruk kham merat glaong di abih hệ thống chính trị, urang dang akaok saong bruk rik prein, pachreih tui di bhap bini pak di labik. Ini meda lac prein khang jhul ba Lộc Ninh mek hu angan huyện palei pala bahrau dahlau jang 1 thun duk haong sarak Nyaom roya Đảng bộ huyện nhiệm kỳ 2020-2025 hu ba tabiak blaoh./.