Harei ini, Mbang nyaom biai ka 7 Quốc hội mbang 15 yam tapa  mbang ka dua, hadei di 1 adit padeih kreih 2 mbang. Dah page, Quốc hội ginum biai ka jalan buh jien tame danak dak padang ngak jalan nduac samar Bắc - Nam gah pai labik Gia Nghĩa (Đắk Nông) - Chơn Thành (Bình Phước). Jeng dalam dah page ini, Quốc hội daok ginum biai ka bruk ramik jalan buh jien tame Danak dak bruk ngak negar ka cak rok patagok kinh tế - xã hội bhum mikva bangsa takik saong bhum ceik tukvak 2021 – 2030. Bier harei, Quốc hội ginum biai pak labik ka Danak dak hukum Công chứng (pasiam veik) saong Danak dak hukum jien je patagok (pasiam veik).

Tui Cục an ninh mạng saong Pacang caga kol tội phạm pandar kong nghe glaong, taong abih yaom jien rahra njauk lah pachot tapa mạng dalam thun 2023 lac meng 8.000 - 10.000 tỷ đồng, rilo jang jaik sa mbang meteh duk haong thun 2022. Hu 91% bruk pachot pambuak tal gah jien padai saong hu tal 73% menuac pandar phone tangin, mạng xã hội… bhian taduan hu tin nhắn, mbang ieu di kol pachot. 

Gah pato magru TP.HCM daok likau ba tabiak Sarak ka dom janih jien mek saong yaom mek, jalan khik ramik ngan haong dom dich vu pabak, daong ka bruk pato magru di labik pato magru công lập meng thun bac anak tal. Tui du thao, ramik ngak pasiam yaom jien mbang daok kreih pandiak meng 35.000 đồng sa var sa harei tagok 40.000 đồng sa var sa harei. Makna ba tabiak rami ramik lac kayua yaom kaom di darak pasa, tani tanat ka chat luong var mbang. Phun jien pabak ka bruk pato magru sap negar langiu, tin hoc tui tanut chuan tabiak dom chung chi dunya likau mek yaok anek saih ngan haong bac ngoại ngữ 400.000 đồng sa bilan, tin học lac 180.000 đồng sa bilan.

Tỉnh Bến Tre bahrau brei thau tacei pato địa lý saong peih bruk mbat tem tacei pato địa lý ka 7 pandap gac, lac: durian, sak mao, pa-ok tứ quý, ring tasik, ring ginraong hijao, nghêu saong brah. Yau nan, tal harei ini, Bến Tre hu brei harak tacei pato địa lý ka 9 pandap. Urak ini, Bến Tre jeng daok padang tacei pato địa lý ka 4 pandap gac. Tapa bảo hộ tacei pato địa lý dom pandap ini hu paglaong angan dalam bruk pilih ruah di urang blei pandar, bruk yaih khan saong ba pablei jeng hu mbuan lagaih jang.

Dalam tuk labik glut jaleih praong rahtabiak tapen kraong Mỹ Thiện di puk Mỹ Hưng A, xã Mỹ Đức Đông, huyện Cái Bè, tỉnh Tiền Giang ka oh hu ngak pasiam ye di pak ini daok rahtabiak labik glut jaleih di mbaok jalan atah labaih 70 mét, ngak kan kandah saong ngak jhak tal urang nduac radaih. Yaom lac dahlau deih, tuk ngak pasiam, peih praong labik jalan ini, huyện Cái Bè hu buh jien tame padang ngak ar khik pacang ar takai kraong min jeng rahtabiak glut jaleih taneh. Makna ngak tabiak glut jaleih, bhum palei ka oh thau cambaih.

Urang Islam di duya bahrau mbang Raya Eidil Adha, daok ieu lac raya Qurban. Dalam samen roya, urang Islam hu pok panuac likau ta-a salamat saong brei mboh hatai jum pataom tal urang Palestine daok di Gaza. Tổng thống Syria Bashar al-Assad hu mbaok samen roya di masjit Rawda  dalam ban ine Damascus. Urang likau ta-a ka sron mbon, ginup meda, oh var urang Palestine di Gaza daok njauk matai lahik, eik lapa, rambah rambup.

Meng harei 1/7 anak tal, abih tih dom tin nhan di jabat rajaei Singapore meda pandar ID duy nhất "gov.sg" piah pacang pllaih ngak ja. Dom tin nhan meda mblo tagok "gov.sg" ngak ID urang payua meng nan lac dom jabat rajaei taeng. Dalam dom thun jaik di ini, dom kreih camin hu ba tabiak piah pacang cakak dom mbang pachot pagat tapa SMS. Thun 2023, Jabat cak rok Truyền thông Infocomm hu ieu kakei abih tih dom kapul payua SMS hu ID meng akhar saong laik so njauk tut angan haong jabat tut angan ID urang payua SMS di Singapore.

Bilan 6 ni, Japon yam tame bilan hajan, jeng lac bilan di bingu cẩm tú cầu. Di paha Hakusan, quận Bunkyo, ban ine Tokyo, lac labik daok peih harei pataom bingu cẩm tú cầu dui pachreih hu labaih 60.000 menuac hu mbaok. Meng labaih 3.000 phun cẩm tú cầu, ini lac bruk hu maong akaok di abih dalam bilan hè. Tui mBan tổ chức, harei pataom cẩm tú cầu hu peih ngak meng 40 thun dahlau. Langiu di bruk palagaih ka menuac sia hu maong iek dom gheih meke di bingu cẩm tú cầu, mban tổ chức caong lac hu tukvak piah taom gaok, ndom biai nao mai haong menuac sia dalam bhum jeng yau dom bhum palei jaik taphia nan./.