PTV 1 : Pathau mik va song tong abih gauk ! Kadha Urang ngak hamu cong thau harei ni , daa mik va song tong abih gauk duah thau bruk palamek limo piah limo samar tagok kilogam, khang kadang , pablei hu yaom. Daa mik va song tong abih gauk tui pang  

PTV 2 :

          Dahlau di abih, mik va njauk palih ruah limo piah palimek, nan lac dom drei limo oh pandar piah li ua, mek ia tasau, ndik tapui, la-oi, limo tamo, oh ruak njom mbak. 

          Tuk palih limo piah palimek njauk caik hatai sangka: Pajaih limo lai praong samar jang dom pajaih limo puk palei. Limo tano praong samar jang limo binai . Limo dak taha dak takik mbang. Limo lavang palimek siam jang limo limek. Daok gah pren yava song thaik thaot gah lingiu, limo oh ruak, meta hadah, hu thaik thaot samu gauk, akaok sit, takai sit, tain sit, klik limin siam,bilau limin, aku tuk halei jeng megei, bilau aku tah. Dom drei limo nan njauk parabha kapul tui umo thun , tui pajaih , tui binai atau tano song thaik thaot . Dom limo ruak njauk iek ruak abih dahlau di tuk palimek.  

          Dahlau di tuk ba tame palimek, mik va njauk ngak brei hacih dom ký sinh trùng gah lingiu yau ve, rận, mòng;  dom ký sinh trùng gah dalam yau : ula pui dalam tung pruac, giun phổi, sán lá gan…

          Pandap mbang piah palimek limo hu: pandap mbang hajao,  phụ phẩm, pandap tapung, khoáng đa - vi lượng saong vitamin.  Njauk pandar dahlau pandap mbang hu dalam palei. Dom janih hareik tamuh eng, hareik pala, pandap mbang ủ mesam, phụ phẩm ngak nong, phụ phẩm ngak cong (rỉ mật, kanduh boh kayau, kat alak, kat ratak, ...), pandap mbang hajao hu meng 55 - 60% pandap thu dalam pandap mbang. Pandap tapung meng 40 - 45% pandap thu  dalam  pandap mbang

          Nhạc cắt

PTV 1 : Tuksrau pandap mbang, brei hu takik di abih meng 3 janih tagok. Dak hu rilo janih dak siam, yau nan ye, njauk pandar ralo dom janih pandap hu dalam palei. Dom janih pandapnan brei khik hu chất lượng siam, thu, oh hu ia hauk,, oh me-ih, oh mbau. Dahlau di tuk srau dom pandap mbang brei chai klik. Hadom pandap ba nao srau brei mbiah, ginup, plaih srau lô bloh labaih, piah veik oh siam. 

Mik va lai srau yauini : tuh samu dom pandap hu chai  klik bloh tabiak nền sang atau sân kiak hu tauk bạt, pandap rilo tuh dahlau, janih takik tuh hadei. Ngan song dom janih pandap pandar takik yau ye sara,  tapung talang, urê …brei srau hong hasit tapung tangei atau kam piah tagok khối lượng, hadei di nan srau tame dom janih pandap karei piah hu samu gauk dalam pandap mbang. Mek jaleing atau tangin srau ka nyu samu mbiah tal tuk pandap mbang hu sambo yau gauk. Buh pandap mbang tame bao kak sre veik piah brei ka limo mbang.

           Pandap mbang srau bloh brei khik di labik thu, lahơi, hu tabung pacang, nyaih tamuh bimao. Piah palimek hu siam di abih, njauk rong dalam val ro, pabak pandap mbang, ia menyum song brei nyu mbang tui hatai. Brei mbang pandap mbang hajao dahlau, hadei di nan brei mbang pandap mbang tapung. Tuk bahrau palimek limo njauk brei limo paham mbang pandap mbang tapung, hadei di nan brei mbang rilo jang. Iek tui teik trak tuk camereip dahlau di tuk ba tame palimek, yaok bilan brei thau limo nan trak hadom piah pabak song brei nyu mbang ka lagaih.

Mikva najuk caik hatai sangka: Bhian pruh jru pametai anek ruak saong puh ramik hacih sa-at var ro, labik raong dahlau, dalam saong hadei di tuk palimek. Samar mboh saong pasiam ruak dalam tuk palimek, abih di nyu nan lac dom ruak jalan tung pruac, mbang menyum.

PTV 2 : Kadha “Urang ngak hamu cong thau” adit ni tal ni likau padeih . Kadha ni kayua Rayo sap ndom VN pambuak bruk song Pasak pachreih nong pakat negar ngak ./.