# Pathau mik  va song tong abih gauk! Urang nong di bhum ceik meng dahlau mai mbiah tal harei ini bhain randap haong jalan ngak mbang pala drak sit sot, prai rai, oh sangka rilo tal bruk hacih saat pandap mbang. Bruk ni ba tal kaya nong mik va ngak tabiak hu parang pablei di drak pasa bo oh thau asar di nyu, ngak jhak oh sit tal pren yava di urang mbang. Ngak yau habar piah salih jalan ngak nan, Meng dom sarak pachreih ba di karja, dalam dom bhum palei di tỉnh bhum ceik Sơn La hu dom mô hình sản xuất hacih, kayua pren yava di urang mbang. Mô hình pala  njam hacih di HTX nông nghiệp Chiềng Phú, xã Chiềng Pằn, huyện Yên Châu, tỉnh Sơn La lac sa labik brei mboh bruk salih bahrau dalam sản xuất, pala drak di urang nong bhum ceik . Kadha vak di Đức Anh, urang vak di rayo sap ndom Việt Nam daok di bhum Tây Bắc:

          Chiềng Pằn lac xã bhum sa  di huyện Yên Châu, tỉnh Sơn La hu rilo bhap bini Thái daok. Kinh tế di mik va labik ni  lac bruk ngak  nông, mblang taneh ngak nong prong,  min jeng dok pagam pambak tame langik tasik, ngak sit sot, prai rai, kein laba oh glong. Sahneng duah  jalan nao dalam bruk patagok  kinh tế, puac thun 2015, jaik pluh boh sang, gam song  24 urang ngak di Bản Chiềng Phú, xã Chiềng Pằn, huyện Yên Châu, tỉnh Sơn La halan hatain rik pataom labaih 3 hecta taneh,  song phun jien  pataom veik tuk camereip hu 108 triệu đồng piah padang  HTX nông nghiệp Chiềng Phú pala njam hacih tui tanut  Việt Gáp . Hu karja, jabat chức năng huyện Yên Châu daong brei nao rivang iek bac megru dom mô hình HTX pala njam hacih hu angan je di cao nguyên Mộc Châu - Sơn La; duah thau darak pasa pablei salih di Hà Nội, dom Siêu thị prong… Urang jakar, xã viên HTX nông nghiệp  sahanang hatai ba tangin tame pala njam hacih tui jalan hacih saat pandap mbang. Amuk  Đào Thị Hợp, sa xã viên HTX nông nghiệp Chiềng Phú chreih chrai khan lac:

Băng: “  Xã viên khol hulin biak bui sambai. Ka sa lac hu yaom. Ka 2 drei ngak drei hu angan, khol hulin hu  quy trình yau jru khik caga phun pala njauk tuk vak, njauk tanut chuẩn ye khik siam pren yava ka abih bhap bini. Urak ni menuac sia biak caong hu hacih saat pandap mbang. Thau hu bruk ni, khol hulin pataogk, oh lac khik ka bhap bini bo dalam nan hu anek kamuan khol hulin. Ni lac trách nhiệm di yaok urang ngan song bhap bini.

Dom phun pala khang di HTX Chiềng Phú lac dom janih njam patam baoh kraoh that yau: Cà pháo, Bắp cải, Su hào, Cải Đông Dư, Cải Mèo, Cải ngọt, Cà chua, Mướp đắng. Min phun pala rilo di abih lac cà pháo, kayua ini lac janih cà đặc sản di Yên Châu, mbang bingi, racam,  yaok harei pablei ka darak pasa jaik pluh  tấn. Tong abih dom sản phẩm jeng hu bao bì, tem nhãn, tut angan tui tanut Việt Gáp  hu Cục chất lượng Nông lâm thủy sản, Pasak chất lượng Nông lâm thủy sản  bhum 1 chứng nhận. Nan lac tanut ka bruk ngak njauk tiêu chuẩn; tiêu chí pandap mbang hacih saat, oh hu jru hóa chất tuk paik mek; tanut ka labik ngak bruk lagaih song pren ngak di urang nong, tanut ka asar di pandap meng tuk ngak tal tuk pablei . Langiu di nan, HTX dok peih prong 2 hecta pala phun mbang boh yau paaok, Thanh Long piah hu rilo janih, patagok jien tame ka  HTX. Dalam tuk ngak bruk , HTX hu Viện ngak nong Việt Nam tacei jalan, pabak brei asar  bắp cải; dom asar pajaih phun pala karei karei hu blei meng dom  Đại lý prong hu angan je dalam song langiu tỉnh Sơn La. Langiu di nan, balai khik ramik  chất lượng nông lâm thuỷ sản huyện Yên Châu tacei pato tapak ilamu kỹ thuật pala drak, iek glang, pandar khak, jru khik caga phun pala tui njauk tanut . Dom thành viên jeng cih vak khung  thời vụ, tui iek tuk vak padeih pandar jru khik caga phun pala dahlau di tuk pablei pandap tabiak darak pasa. Ong Hà Văn Dự, Giám đốc HTX nông nghiệp Chiềng Phú brei thau:

Băng: “HTX khol hulin , yaok boh sang jeng hu sa bingun karei dahlau di tuk  xử lý pruh jru khik caga phun pala, hu lubang caik dom kanduh  bao bì piah khik ka siam. Mblang njam ye ngak hacih, limo kubao oh brei mai jiak . Yau nan ye njam HTX khol hulin pala tabiak khik hu saat di abih.

Hadei di jiak 2 thun peih tabiak ngak, HTX hu pabak ka drak pasa jiak  200 tấn njam patam baoh kraoh yaok thun,  jien mek tame abih tih hu jiak 1 tỷ đồng yaok thun, tui nan, jien duah hu di yaok xã viên labaih 3 triệu đồng sa bilan. Yaom jien ni oh ka glong, min hu dong ka urang nong duah hu jien tani tanat , sahanang hatai pala drak di angaok mblang taneh di drei, kak kajap suai lavik song HTX.

Meng dom rik dong dalam bruk khik caga chất lượng hacih saat pandap mbang, HTX Chiềng Phú taduan hu rilo harak meyaom di dom pakat. Jeng dok hu rilo bruk  bo HTX Chiềng Phú njauk ngak piah  HTX patagok, min dom jak jeng tuk camereip di HTX nông nghiệp Chiềng Phú brei mboh lac: tuk urang nong ba gauk tame ka bruk hacih saat pandap mbang ye meda rik dong paglong chất lượng rai duik ka rup drei song abih menuac sia./.