Pathau mik va song tong abih gauk!

Takik hei sahaneng lac dom urang kamei limin lamuac, meng urang ngak bruk sang, urang pablei salih, urang nong, umo thun karei di gauk min daok ngak bruk haong gauk dalam kapul dân phòng cơ động urang kamei khu phố Chăm, ban sit Lạc Tánh, huyện Tánh Linh, tỉnh Bình Thuận. Ni hu mong lac kapul dân phòng urang kumei akaok mereip lac bangsa Chăm di tỉnh Bình Thuận. Kadha vak di Văn Thiệu, urang pambuak bruk song rayo sap ndom Việt Nam daok di tỉnh Bình Thuận hu ndom tal Kapul dân phòng mbuk atah ni:

Dahlau deih, bruk an ninh trật tự di khu phố Chăm ban sit Lạc Tánh, huyện Tánh Linh, tỉnh Bình Thuận oh siam, abih di nyu nan lac, dam dara bhian pataom gauk mbang menyum, ngak srau kadau puk palei. Di labik ni, jeng hu bruk dam dara klauk gauk, ba tal metai menuac. Bruk ni ngak srau kadau oh sit tal rai duik, jang yau bruk nao mai, daok dang di mik va dalam khu phố. Amuk Đồng Thị Tuyết Hiếu – Kapul dân phòng urang kamei khu phố Chăm, ban sit  Lạc Tánh, huyện Tánh Linh, tỉnh Bình Thuận brei thau.

Hulin hu mbaok dalam kapul dân phòng ni, lin biak hadah mbaok meta tuk drei lac urang kamei ….

Anak bruk nan, hu adat di dom pakat, Kapul  dân phòng urang kamei khu phố Chăm hu padang tagok. Kapul hu brei bruk pambuak song  công an tui iek khik caga an ninh trật tự  dalam palei, pambuak gauk langyah dom bruk ngak suan adat hukum, langyah bruk meriak gauk dalam sang,  ba pasiam dam dara nao suan jalan… Kapul dân phòng urang kamei Chăm urak ni hu 9 urang, umo thun karei di gauk, dom urang nan halan hatain tame kapul dân phòng. Urang sit di abih dalam kapul umo 35 thun, prong di abih labaih 50 thun, hu bruk ngak mbang karei di gauk. Saai Thông Thị Kim Thảo, Akaok kapul dân phòng urang kamei khu phố Chăm, ban sit  Lạc Tánh, huyện Tánh Linh, tỉnh Bình Thuận daok brei thau lac:

Hu bruk pachreih dui, dong  ba di boh sang biak rilo hulin jeng hu mbaok tame kapul….

 Hadei di sa thun padang tagok, bruk an ninh hu siam mekre jang, kapul hu 35 mbang nao khik iek dalam palei, langyah labaih 10 mbang ngak suan hukum, dalam nan rilo meng lac dam dara pataom gauk mbang menyum, mesao gauk, tong paoh dalam sang, saong ngak suan hukum jalan mbak, peih radeih lạng lách. Saai Đồng Long – Akaok khu phố Chăm, ban sit  Lạc Tánh, huyện Tánh Linh, tỉnh Bình Thuận ndom lac:

  Meng panuac ndom nyai bingi  pang min pachreih urang pang tui, dom adei saai dalam kapul … 

Yaok melam, dom saai nao khik iek di grauk dom jalan dalam khu phố Chăm, ban sit  Lạc Tánh, huyện Tánh Linh, tỉnh Bình Thuận . Tal 23 tuk, lac tuk dom boh sang padam gom nao ndiH, dom saai meng mai sang di drei. Ni jeng lac jalan ngak bahrau dalam bruk khik ramik an ninh chính trị song  trật tự an toàn xã hội./.