Pathau mik va song tong abih gauk

Dalam 5 thun tapa , dom urang ilamu ranaih umo mai ngak bruk di dom xã, phường, ban sit tui Đề án 01 di tỉnh Cà Mau hu rilo rik dong biak  njauk pok meyaom di tỉnh ini dalam bruk PAtagok kinh tế - xã hội. Rilo urang ilamu ranaih umo oh huac glaih glar ba drei tame ngak siam dom bruk hu jao brei. Lingiu di nan , dom urang nan dok hu mbaok dalam dom bruk an sinh xã hội piah dong ka urang kan kathaot . Min, urak ni yaok pluh urang ilamu ranaih umo mai ngak bruk dalam mbang ka 1  abih tuk vak hợp đồng, min oh ka thau drei yau habar ? Urang vak Trần Hiếu, dok di bhum taneran krong CL hu kadha vak ndom ka bruk ni.

Ngak tui Đề án ka 01 di Ban Thường vụ Tỉnh ủy Cà Mau ka bruk palih ruah, pato pakai urang ranaih umo mai ngak bruk di xã, phường, ban sit, meng di thun 2013, Sở Nội vụ Cà Mau hu peih 3 mbang pakacah palih ruah , pasram megru paglaong ilamu  song hu ba 197 urang ranaih umo bac da-a glaong mai ngak bruk di  puk palei.

Saai Tô Ni lac sa urang anek di palei Cà Mau. Hadei di tuk bac bloh đại học song pakacah tame mbang palih ruah urang ranaih umo bac da-a glaong mbang  ka 1, thun  2013 saai hu brei bruk lac urang jakar ngak nong– môi trường di  xã Tạ An Khương (huyện Đầm Dơi, t.Cà mau). piah jeng Phó Chủ tịch atau  Phó Bí thư xã di harei hadei njauk tui jalan ngak di đề án, nan ye urang dam ranaih umo biak halan hatain ba abih drei tame bruk ngak.

Saai Tô Ni brei thau : rilo thun ye, mik va rong hadang xã Tạ An Khương jeng dok iek bruk kuac raok danao song tuh gluh mbaoh tabiak krong lac  bình thường. Tuk saai barhau mai ngak , hu sarak brei ngak catang bruk ba tal Nerak môi trường, nan ye yaok harei saai nao pasang iek song duah mboh rilo bruk ngak suan min biak kan langyah, kayua mik va  phản ứng  biak khang. Urang likei dam  njauk rilo mbang tagok trun, duah jalan biai ka mikva thau. Meng sami samar ,naih gheih, urang jakar ranaih umo lavik livik harei mek hu hatai jia di bhap bini. Rilo sang dak harei dak salih hatai sahaneng, ngak tui saong ngak siam dom sarak hukum di karja. MENG dom rik dong ka puk palei bo rilo thun gam urang jakar ranaih umo hu pok brei angan chiến sĩ thi đua cơ sở. Saai  Tô Ni khan lac

- Nerak môi trường, urang kuac raok danao jnuk tabiak krong. Drei di xã trun, min ndom nyai song  urang oh lac mbuan , kan lo. Hulin ngak lập biên bản urang oh njauk tai. Dalam bruk ngak di drei, hulin langyah. Hulin ndom bruk ni cei ngak suan ye, hulin nyai  biak  rilo, jeng brei tapa rilo mbang jak ba, hulin ndom rilo, bloh urang lac ngak ye ngak nao  .

Oh lac kham merat dalam bruk ngak hu jao brei , rilo urang ranaih umo bac da-a glaong tuk mai ngak bruk di palei pala dok sami samar dalam dom bruk xã hội. Akaok  thun 2016, dom urang ranaih umo bac da-a glaong ngak bruk di huyện Đầm Dơi hu patom gauk veik  padang kalup kapul urang ilamu ranaih umo . Lingiu di bruk taom gaok, dong bag auk yam tapa kan kandah dalam bruk ngak, dom urang dalam kalup kapul urang ilamu ranaih umo huyện Đầm Dơi  dok ngak dom bruk pahla , dong ka dom boh sang kan kandah.

Urang ilamu ranaih umo angan Nguyễn Văn Miên, urang hu 5 thun gam ngak  siam bruk di drei di  xã Tạ An Khương Đông (huyện Đầm Dơi) song lac urang nao dahlau dalam bruk ngak di kalup kapul urang ilamu ranaih umo  pak ni khan lac:

- Akaok yaok quý, dom adei saai taom gauk ginum gauk, ba tabiak dom bruk kan kandah bloh nao jak ba. Pagap yau , dom urang taha dok taeng atau dom urang biak kan kan kandah ye dom adei saai buh hasit jien bilan di drei, yaok bilan 50.000 đồng. yaok bilan tangi sua 3 urang , ngan song yaok pok pandap labaih 1,5 triệu đồng. Langiu di nan, dom urang kan kandah jang ye dom adei saai nao jak ba dom urang dong brei. Urak ni, jeng dok JAK ba padang ngak hu 2 boh sang, yaok boh sang yaom 40 triệu đồng.

Tal urak ni, dom bruk tangi sua, alin brei pandap di kalup kapul urang ilamu ranaih umo huyện Đầm Dơi hu nao tal yaok pluh boh sang kan  dalam huyện. Hu 2 boh sang anit ranam hu dom auyt ranaih umo jak ba jao tal tangin dom boh sang biak kan kandah. Meng dom bruk ngak siam, brei mboh trách nhiệm hoang  xã hội song dom kham merat dalam bruk hu jao brei, yaok thun tapa, 40 urang ilamu ranaih umo huyện Đầm Dơi tuk halei jeng ngak hu, ngak siam bruk di drei. Ong Nguyễn Chí Thuần, Chủ tịch UBbhap bini  huyện Đầm Dơi tong yaom lac:

Ba urang ilamu ranaih umo mai dom xã, ban sit ye dom adei ngak bruk siam. Gam song bruk  ngak ,  dom adei dok padang dom kalup kapul urang ilamu ranaih umo nao jak ba song rik pataom dong ka dom boh sang kan kandah, sang dalam sarak karja. Bruk  an sinh xã hội di dom adei hu rik dong ka puk palei  .

Tui jalan ngak di Đề án 01 di Tỉnh ủy Cà Mau bruk ba urang ilamu ranaih umo mai ngak bruk di dom xã, phường, ban sit, dalam tuk ngak bruk, dom urang ilamu ranaih umo tok ngak siam bruk di drei, ye hu pato pakai, quy hoạch, brei ngak dom bruk dang akaok di pakat  xã. Langiu di nan, hadei di 5 thun, meyah urang ilamu ranaih umo oh hu ngak dom chức danh urang jakar pan akaok di xã ye brei pdeih hợp đồng song hu dong sa bilan jien bilan ka yaok thun ngak bruk. Tal abih bilan 4 thun ni lac tuk abih hợp đồng di  44 urang ilamu ranaih umo mbang ka 1 min tal urak ni urang oh ka taduan hu panuac khan halei meng jabat, dom mban, dom gah  di tỉnh Cà Mau. Dalam tuk nan, dom urang ilamu ranaih umo jeng brei mboh hatai cong khin rik dong ka puk palei .Saai  Tô Ni ndom lac

Hatai sahaneng khang kajap, ngak tui tacei pato di pakat angaok, min sarak bahrau ngan song Đề án oh ka hu. Hatai jeng khin hu buh pren yava rilo jang ka puk paga, palei negar. Tal tuk vak ni oh ka hu khau tin halei,  thei jeng hu non trak  ka boh sang, ngak duah jien piah kuhria ka boh sang anek bhik.

Dom thun tapa, dom urang ilamu ranaih umo hu rilo rik dong ka puk palei di drei. Urak ni mbang ka  1 di  Đề án 01 di Tỉnh ủy Cà Mau ka bruk ba dom urang ilamu ranaih umo mai ngak bruk di dom xã, phường, ban sit  hu tamat bloh Labaih  2 bilan min  44 urang dalam sarak nan abih tuk vak  hợp đồng oh ka thau harei hadei DI drei yau habar ? Bruk ni dok cang jabat chức năng tỉnh Cà Mau hu panuac javap jalei ka tantu, cambaih laih ./.