Taneh rija takik, oh hu jalan patagok dom janih phun pala praong di tỉnh yau cà phê, amriak kalu, saai Vũ Việt Dũng daok di palei 7, xã Ea Kpam, huyện Cư M’gar, tỉnh Đak Lak palih bruk pala bimao.
Meng 1000m2, saai Dũng pala ginup dom janih bimao min rilo di abih jeng lac bimao linh chi, bào ngư song nấm mèo. Dũng brei thau, thun 2016 saai peih bruk ngak mbang meng pala bimao bào ngư, kayua phun jien takik nan ye saai pala iek tuk camereip 1.000 bầu nấm, tapa 4 bilan, sa-ai mek hu labaih 200kg, song yaom pablei 50.000/kg, hadei di tuk kaoh bloh phun jien buh tame ngak, saai daok liba hu 6 triệu đồng.
Yaom lac jien liba oh glong min nyu ngak ka saai Dũng hu pren piah peih prong bruk pala bimao. Thun 2017, hu mesraiy 100 triệu đồng meng phun jien padang mbang ngui di kapul dam dara, saai padang ngak lò hấp, sang trại song buh phun jien blei thiết bị kỹ thuật patagok bruk ngak mbang. Urak ni, trại bimao di saai tagok hu labaih 10.000 bầu song dom janih bimao, ba bruk ngak ka 6 urang ngak palei pala song yaom jien bilan meng 7 - 9 triệu đồng/sa bilan.
“Phun jien 100 triệu đồng, hulin mesraiy di kapul dam dara mai padang ngak sang trại, lò hấp piah peih prong bruk ngak mbang urak ni hu 10.000 bầu yaok vụ bimao dalam 4-5 bilan hulin duah hu 60 tal 70 triệu đồng ”.
Jeng palih bruk ngak nong piah patagok kinh tế, saai Y’Linh Niê, ndih tapui thun 1988, bangsa Êđê dok di palei 4, ban sit Ea Pôk, huyện Cư M’gar, tỉnh Đak Lak hu padang mbang ngui jak jeng meng bruk pala bingu cúc, ba jien tame labaih 100 triệu đồng/sa thun. Saai Y’Linh brei thau, thun 2014, tuk dok (zar var?) having akaok duah phun jien piah patagok bruk pala bingu cúc ye saai mesraiy hu 20 triệu đồng meng phun jien padang mbang ngui di kapul dam dara, hu phun jien, Y’Linh nao tal tỉnh Lâm Đồng bAac ilamu kỹ thuật pala bingu cúc song ngak hu jak jeng bruk pala bingu cúc di palei. Mô hình kinh tế di saai urak ni oh lac ba jien tame tani tanat bo dok hu rilo ayuh ranaih umo mai bac megru.
“ Meng di tuk hu phun jien dong di dam dara padang mbang ngui kayua Hội liên hiệp dam dara tỉnh Đak Lak dong brei, hulin nao tal dom sang bein di Đà Lạt piah bac ilamu kỹ thuật pala bingu cúc song hadei di nan mai padang mô hình pala bingu cúc hu ilamu kỹ thuật bein bingu takik halak halin, năng suất glong, dong tani tanat kinh tế boh sang”
Saai Dũng, saai Y Linh nan bahrau lac 2 dalam yaok ribau dam dara di tỉnh Đak Lak dok kham merat ngak kaya meda di angaok mblang taneh palei drei .
Saai Y’Nhuân Byă, Bí thư Đoàn Thanh niên Cộng sản Hồ Chí Minh tỉnh Đak Lak brei thau, nao gam song dam dara padang mbang ngui, Tỉnh đoàn Đak Lak hu pambuak song dom doanh nghiệp, đơn vị dong phun jien, peih jien mesraiy brei dom đề án ka urang đoàn dam dara patagok kinh tế. Urak ni, dom pakat bộ Đoàn dok khik iek abih tih yaom jien mesraiy ủy thác meng gilang pariak sarak karja labaih 630 tỷ đồng, parabha phun jien di Kadung jien negar dong duah bruk ngak tui jalan Trung ương Đoàn ka 6 đơn vị abih tih labaih 1,2 tỷ đồng. Meng phun jien ni hu dong ka dam dara padang dom mô hình kinh tế pala drak song rong glang, rilo mô hình hu jak jeng, ba mai kein laba kinh tế glong.
“Urak ni, jalan sahaneng hadah krah padang mbang ngui di dam dara biak siam, tỉnh đoàn tacei jalan song dong phun jien, dam dara sahneng duah saong padang mbang ngui di drei, urak ni hu rilo dam dara padang mbang ngui jak jeng song rik dong ka bruk patagok di xã hội”
Urang đoàn dam dara padang mbang ngui jak jeng oh lac rik dong tame bruk patagok kinh tế di puk palei, bo dok pambak prong, jhul patagok bruk sahneng duah jalan padang mbang ngui dalam tỉnh. Dom dam dara jak jeng dalam bruk patagok kinh tế dok kham merat klah rabha ilamu, dong phun jien ka dom dam dara urang đoàn karei karei ba gauk padang mbang ngui piah dak padang bhum palei Đak Lak dak harei dak kaya meda, siam mekre./.
Viết bình luận