Bác sĩ Cầm Thị Hương ndih tapui thun  1967 dalam sa boh sang urang bangsa Thái hu ilamu ngak jru. Meng sit, saai hu ong ngoại ba tame glai duah dom phun jru quý di palei. Mong mboh ong ngoại pandar phun jru piah pasiam ruak daong ka urang, saai cong khin jeng bác sĩ. Thun 1985, saai pakacah tame sang bac Đại học Y  Bắc Thái (urak ni lac sang bac  Đại học Thái Nguyên). Thun 1993, saai mai palei song ngak bruk di sang iek ruak Y học cổ truyền tỉnh Sơn La. Urak ni saai lac Giám đốc sang iek ruak  Y học cổ truyền tỉnh Sơn La.

 Hatai takre  y học cổ truyền, meng tuk daok lac sinh viên mbiah tal tuk jeng bác sĩ, saai hu duah thau, vak veik song roh duah rilo phương pháp y học cổ truyền di dom bangsa bhum Tây Bắc. Thun 2008,  bác sĩ Hương hu pataom dom ilamu di drei, piah xuất bản 2 baoh tapuk lac: Jru meng kan di bangsa Thái song jru meng kan di bangsa  Mông daok di Sơn La.

Bác sĩ  Cầm Thị Hương dok kham merat roh duah song hu mbaok tame bruk roh duah ilamu khoa học. Rilo danak dak roh duah hu ba tame pandar ralo di dalam song langiu tỉnh song dalam taneh ia yau asar jru đại tràng an, patagok jru y học cổ truyền di  huyện Quỳ Châu (tỉnh Nghệ An) song jru tán sỏi C... 

Bác sĩ Hương jeng lac sa urang abih hatai jai ka bruk ngak. Saai tacei pato tapak ka dom đồng nghiệp dom ilamu chuyên khoa dalam song  jalan hội chẩn dom ruak kan. Meng nan, bruk chẩn đoán song iek ruak di sang iek ruak hu patagok di abih gah. Urang ruak thit ruak, cadu ruak hu labaih  90%. 

Saai Lò Thị Lụa (xã Chiềng Mung, huyện Mai Sơn, tỉnh Sơn La) khan lac, saai njauk viêm cơ talang khớp rilo thun, yaom lac menyum jru song iek ruak tui gah tây y min oh cadu. Tuk mai sang iek ruak Y học cổ truyền tỉnh Sơn La, hu iek ruak tui jalan  y học cổ truyền, saai mboh pren yava hu siam tagok. Saai brei thau, meng hu bruk pachreih ba, dong brei abih hatai jai saong tangin gheih di dom  y, bác sĩ, oh ka tal sa adit iek ruak, tangin takai saai megei veik hu siam. 

Tui panuac pato di  Wa  Hồ lac “Gru jru yau urang amaik slut mbut”, bác sĩ Hương tuk halei jeng duikrai  song ngak bruk abih hatai ka urang ruak. Saai cong khin, dalam tuk vak anak tal, sang iek ruak peih ngak hu rilo kĩ thuật iek ruak  chuyên khoa;  ba pandar song pambuak pagam rilo kĩ thuật y học bahrau piah dak harei dak pglaong siam lagaih bruk iek ruak ka bhap bini. Thun  2018, bác sĩ Hương kuhria  tái bản hu  bổ sung 2 baoh tapuk  ka jru  meng kan di bangsa  Thái song bangsa  Mông di  Sơn La. Kayua sa-ai mboh lac, y học cổ truyền di dom bangsa  bhum Tây Bắc lac biak quý, njauk hu khik ramik song patagok./.