Pathau mik va song tong abih gauk! Danak dak panduan ba song tani tanat bhap bini pala drak dalam taneh glai di bein pakat negar  Bù Gia Mập tui Quyết định  ka 3070  harei  30/10/2009 di Ủy ban bhap bini  tỉnh Bình Phước  daok ngak jaik bloh tuk bhap bini njauk hatai bayar veik taneh ka Bein piah pala glai. Bruk njauk menyai naa lac dom urang ni oh sahaneng hagait ka rai duik tuk ngak tui sarak ni kayua urang hu tỉnh Bình Phước jao brei taneh karei piah pala drak hu kein lagaih . Kadha vak di urang pambuak bruk  Lệ Quyên-Viết Bằng:

  “Taneh glai di karja ye karja mek veik song bayar taneh karei ka bhap bini ye hu hagait bo dut hatai”

“Drei njauk ngak tui, oh hu hagait piah duh hatai. Taneh riya ye karja bayar brei, puh gah daih hu bayar bloh paje”

Nan lac panuac di ong  Điểu Quýt song ong Điểu M Rá daok di palei  Bù Dốt, xã Bù Gia Mập, huyện Bù Gia Mập, tỉnh Bình Phước tuk hu sua tangi ka bruk bayar veik taneh glai ka Bein pakat negar Bù Gia Mập.

Tui bruk bayar veik taneh glai ka karja piah pala glai, rilo sang bhap bini di labik ni oh mboh duh hatai hagait ka bruk ngak mbnag, kayua dahlau di nan, bhap bini hu karja jao brei dom mblang taneh karei piah pala paaok blait, jeng hu boh meng rilo thun ni mai  .

Peih ngak “Danak dak panduan ba song tani tanat bhap bini pala drak dalam taneh Bein pakat negar  Bù Gia Mập”, dom thun tapa, Mban khik ramik Bein pakat negar hu jao brei ka  130 boh sang ngan song taneh prong labaih 160 ha taneh pala drak dalam bhum taneh di Bein tabiak bhum dự án. Tong abih taneh bahrau jao nan jeng hu brei harak chứng nhận quyền pandar taneh piah tani tanat suai lavik. Lingiu di nan,  Mban khik ramik Bein jeng hu tani tanat pak di labik ka 89 boh sang ngan song mblang taneh prong labaih 120 ha hu taneh ngak glai song sang dok dalam bhum  dự án. Ong Vương Đức Hòa,  Phó Giám đốc Mban khik ramik Bein pakat negar Bù Gia Mập brei thau:

 “Danak dak panduan ba ni hu bruk pachreih tui di bhap bini. Kayua langyah hu kein laba di bhap bini song kein laba di karja, bein pakat negar dalam bruk pala glai, Mblang taneh 1 ha salih 1 ha  bhap bini hu jao  quyền pandar taneh hadei di tuk salih, dok karja  khik hu kein laba ka bhap bini song khik ka danak dak hu ngak biak samar drah”

Dom mblang taneh paaok blait dok samar hu thanh lý piah hu labik ka dom jainh phun glai hu yaom glong hu trun pajaih dalam takik harei tal. Tui nan, hu 80 ribau  700 phun glai yau: gõ đỏ, giáng hương, cẩm lai, Trôm, ươi…hu pala trun pacing hajao ka labaih  145 ha taneh glai hu jao bayar . Dalam tuk dom boh sang bhap bini thanh lý bein phun, Bein pakat negar  Bù Gia Mập jeng paglaong hatai sangka dalam bruk khik iek glai piah nyaik bruk khol kayah jhak pagam pambak tame piah tak mek kayau suan adat hukun.  Ong Lê Vũ  Phương Nam, akaok Bilai  Kiểm lâm ka  1, Bein pakat negar  Bù Gia Mập lac:

 “Bilai jeng hu brei menuac khik iek ka mik va kaoh dom phun paaok blait  dalam bein klaak. Dok dom phun dok dalam taneh glai ye caik  tamo song tui iek oh caik ka khol kanyah jhak tame kaoh phun dalam bein pakat negar  ”

daok dom harei tra, dom phun glai hu pala trun labik dahlau deih lac puh di bhap bini lih mek taneh pala drak. Tuk mblang taneh bein phun di bhap bini oh dok pablah song mblang taneh glai, bruk tui iek saong khik caga glai di Ban khik ramik bein pakat negar Bù Gia Mập jeng hu mbuan lagaih jang

Meng bruk njauk hatai  bayar veik taneh ka bein pakat negar Bù Gia Mập di bhap bini YE anak tal, labaih 145 ha glai ngan song dom janih phun hu yaom glong jeng hu pala piah pabak ka bruk khik ramik song patagok kinh tế  ka bhap bini di bhum taneh glai. Meng danak dak siam lagaih ni, daok brei mboh sa bruk: Tuk bruk ngak di  Đảng njauk hatai bhap bini  ye dom kan kandah hagait  jeng hu langyah ./.