Dom urang ruak hu mai iek ruak di sang iek ruak Lao song  Phổi tỉnh Ninh Thuận jeng hadar mait  bác sĩ Đàng Thế Vy, Trưởng Khoa phổi. Bác sĩ Vy lac sa urang gru jru abih hatung dalam bruk iek glang prem yava ka bhap bini labik ni. Dom thun tapa,  bác sỹ Vy hu daong pakalah metai ka rilo menuac njauk ruak lao phổi trak, dalam nan njauk ndom tal urang ruak angan  Thị Mơ, umo 85 thun daok di palei Văn Lâm, xã Phước Nam, huyện Thuận Nam, tỉnh Ninh Thuận tame iek ruak tuk pandiak glong, var drei, kan suak yava. Biak mbuan si metai. Hadei di tuk iek ruak song ngak dom xét nghiệm, bác sĩ Vy mboh lac urang ni ruak viêm phổi, hen xuyển.  Hadei di 2 adit, ruak di amuk Thị Mơ biak cadu mboh di anak meta    Saai  Thiên Thị Măng lac anek di amuk Thị Mơ brei thau , amaik hulin mai iek ruak di  khoa ni labaih 3 thun ye

Bác sĩ Vy iek ruak ba abih hatai , kakei urang biak tani tanat ….

Thun  1998, bahrau bac tamat  sang bac  đại học y khoa Huế, bác sĩ  Vy mai ngak bruk di sang iek ruak huyện Ninh Phước. Meng thun 2000 tal  thun 2003, bác sĩ Vy ngak di Pasak Y tế dự phòng song  Pasak pacang caga ruak  xã hội tỉnh Ninh Thuận. Urak ni bác sĩ Vy lac Trưởng Khoa phổi, Sang iek ruak Lao song Phổi tỉnh Ninh Thuận. Piah ngak ka bhap bini thau cambai ka ruak lao lac ruak meda iek thit hu, menuac ruak lao oh njauk urang plaih njaik, saai song dom đồng nghiệp kham merat pathau khan ka bruk pacang caga lao. Tui iek pren yava di urang ruak song langyah piah urang ruak pambuak bruk siam dalam tuk iek ruak, tuk halei njauk plaih njaik, tuk halei taom gaok hu menuac sia. Saai sangka tangi sua urang ruak, ltacei jalan mbang huak , klauk jru … Tui nan, urang njom ruak lao hu thau song  iek thit ruak di  tỉnh Ninh Thuận  tuk halei jeng hu labaih  90%. Labaih 15 thun kak kajap saong urang ruak lao phổi, bác sĩ Đàng Thế Vy khan lac

Yaok urang ruak hu iek ruak abih lac bruk haniem phol prong dalam bruk ngak di drei

Meng dom rik dong di drei dalam bruk iek glang pren yava ka bhap bini, rilo thun gam  bác sĩ Đàng Thế Vy hu pok brei rilo harak meyaom ka bruk iek ruak ka bhap bini. Oh padeih di dom bruk ngak hu yau nan, saai tuk halei jeng kham merat piah ngak siam jang bruk ngak di drei. Bác sĩ Thiên Anh Khánh, Phó Giám đốc sang iek ruak  Lao song  Phổi tỉnh Ninh Thuận ndom ka  bác sĩ Đàng Thế Vy yau ini:

Rilo y, bác sĩ mong iek yau dalam sang tuk halei jeng iek glang taom gaok

Bác sĩ Đàng Thế Vy lac sa dalam dom y, bác sĩ di sang iek ruak  Lao song Phổi tỉnh Ninh Thuận harei melam kak kajap haong bruk ngak di  khoa mbuan njom mbak di abih meng hatai anit ka urang ruak, ranam ka bruk ngak…song hatai cong khin ba mai haniem phol ka urang ruak./.