Pathau mik va song tong abih gauk!

Tapa bruk mesruh metak meblah mek độc lập, saya taneh ia, labaih  1,2 triệu liệt sỹ anh dũng ndih trun , mbiah tal harei ni bahrau pataom mek hu jiak 1 triệu talang song dok labaih  200 ribau talang liệt sỹ dok duah. Bruk duah, pataom mek  talang liệt sĩ lac sa bruk di Đảng, di bhap bini saong di tong abih bol bala, brei mboh bruk meng kan , “Menyum ia hadar halau ia”,“Thau dar thau phol” di bangsa ngan song dom anh hùng liệt sĩ. Mạnh Phương, urang vak di rayo sap ndom VN hu kadha vak ndom ka bruk ni :

Hadei di tuk yasa taneh ia, Đảng song karja biak sangka tal bruk duah mek talang  liệt sỹ. Harei 15/5/2013 Mintri  Chính trị (khóa XI) hu patabiak Chỉ thị 24-CT/TW ka bruk  “ Jhul pakhang bruk duah, pataom mek talang liệt sĩ meng ni tal thun  2020 song dom Thun patui di nan”. Thủ tướng rajaei hu tabiak Quyet định  1237/QĐ-TTg, harei 27/7/2013, ka bruk phê duyệt “Danak dak duah pataom mek talang liệt sĩ meng ni tal thun 2020 song dom thun patui di nan”.

Tuk vak tapa, dom kapul nyaom , menuac urang dok dalam song langiu taneh ia, urang dahlau deih ngak bol lin samar brei thau ka  liệt sĩ, kubo liệt sĩ meng trách nhiệm di drei. Rilo palei  sami samar dalam bruk duah kubo liệt sĩ, pataom menuac, pandap panda, duah hu dom labik hu rilo talang  liệt sĩ. Cong khin duah hu  talang liệt sỹ oh lac bruk di boh sang, đồng đội bo dok lac bruk di tong abih xã hội. Ong Dương Đức Hoàng, urang dahlau deih ngak bol lin Trung đoàn 149, Sư đoàn 356, mặt trận Vị Xuyên lac

 Cong khin praong abih di adei saai đồng đội lac duah hu talang di dom là liệt sỹ piah ba mai ka gauk gar

Meng thun 2013 mbiah tal ni, dalam negar duah song pataom mek hu 11.500 talang  liệt sĩ, dalam nan hu labaih  6.400 talang di negar langiu. Bruk taduan mek, jao brei, an táng talang liệt sĩ hu peih ngak tani tanat , praong prang, brei mboh bruk iek prong iek glong, dar phol dom liệt sĩ, dong patagok bruk pathau khan, pato pakai dom rai bhap bini, abih di nyu nan lac rai ranaih umo. Bruk duah song pataom mek talang liệt sĩ mek hu rilo siam mekre, min jeng dok gaok rilo kan kandah. Thiếu tướng Trần Quốc Dũng, Cục trưởng Cục chính sách Mintri Quốc phòng lac:

Kayua mesruh metak dui atah, mesruh metak khang, hồ sơ harak gar tuk camereip nyu lahik nao, dom urang dahlau deih ngak bol lin umo taha song patrun akaok sahneng, kayua hồ sơ khik piah lahik ye, bruk langik tasik lac dom kan kandah.

Tuk vak tapa, Mintri Quốc phòng hu jhul khang bruk pasang iek, ngak salah dom hồ sơ dom angan liệt sĩ, ngak bản đồ duah mek talang liệt sĩ, padang  cơ sở dữ liệu ka  liệt sĩ, kubo liệt sĩ. Abih di nyu lac, bruk pambuak gauk di dunya hu peih prong, piah khan brei gauk thau, klah rabha ilamu duah urang lin metai, lahik dalam mesruh metak. Piah thau cambaih angan talang liệt sĩ dok kurang  angan, Mintri  Quốc phòng hu ngak salah bloh danak dak patagok labik giám định gen ADN mbang ka  2 piah  giám định talang liệt sĩ. Dalam 6 bilan akaok thun ni , Mintri Quốc phòng pambuak bruk song dom gah dom palei  duah patom hu 1.278 talang  liệt sỹ. Thiếu tướng Trần Quốc Dũng, Cục trưởng Cục chính sách Mintri Quốc phòng brei thau:

Piah ngak hu siam bruk duah  talang  liệt sỹ dok dalam song langiu negar,  dahlau di abih njauk peih bruk jak ba urang khan brei thau. Hu thau meng ba menuac, ba pandap nao duah.

Patagok bruk ngak di dom kapul nyaom, menuac urang, bhap bini daok dalam song langiu negar, abih di nyu nan lac urang dahlau deih ngak bol lin, mban liên lạc truyền thống piah pabak khau tin meda rik dong paglaong siam lagaih bruk duah, pataom mek talang liệt sĩ.

Bruk duah pataom mek talang dom  anh hùng liệt sỹ oh lac hu ngak dalam drah samar, meng hatai thau dar phol song trách nhiệm di tong abih bangsa, dom saai meda samar hu mai veik dalam hatai cang, maong akaok di gauk gar song đồng đội./.