Pathau mik va song tong abih gauk

Dalam rilo thun tapa, dom bruk pathau khan patak patom điện di  Đắk Lắk  hu ngak brei bruk pandar điện di bhap bini hu siam jang. Dong ka bhap bini pandar điện patak patom, abih takik jien điện jang, song gam hong gah điện pandar điện hu siam lagaih. H Xíu, urang vak di rayo sap ndom VN  dok di  Tây Nguyên hu kadha vak khan tal bruk ni

Dom bilan jiak di ni , jien pandar điện di sang  ong Y Bin Êya, palei Ê Rang, phường Khánh Xuân, ban sit  Buôn Ma thuột, tỉnh Đắk Lắk trun hu labaih 1/3 dut song dahlau deih . Ong Y Bin brei thau, sang  ong hu 3 sang pandar sa jalan talei  điện song sa  đồng hồ điện. Dahlau deih , kayua  jalan talei  klaak , dom pandap điện dalam sang  jeng pandar lavik thun nan ye abih rilo điện. 3 bilan dahlau, kapul pasiam điện di  Công ty Điện lực Đắk Lắk pambuak song  Kapul dam dara  phường mai pasiam veik  điện ka mik va dalam palei , sang  ong hu salih talei điện bahrau, pandar gom led salih ka gom sợi  đốt. Gam song nan , Kapul dam dara dok tagok bruk pathau khan pandar điện siam mekre song patak patom  .

Urak ni sang hulin pandar  điện hu tuk vak song  pandar điện  ka dom bruk hit dalam sang , iek  tivi tuk melam. Hulin sangka patak patom  điện song khik iek siam  dom  thiết bị điện dalam sang. Hulin mboh bruk ngak ni ba mai kein laba ka  sang, dong patrun jien điện, njauk tui bruk pathau khan di Đảng saong Karja lac pandar điện patak patom,  hulin mboh bruk ni lac njauk    .

Pathau khan patak patom  điện lac bruk hu Công ty Điện lực Đắk Lắk song  dom Điện lực trực thuộc peih ngak dalam tuk vak tapa piah paglaong kein laba bruk pandar điện dalam tỉnh  . Tui urang pal akaok Công ty Điện lực Đắk Lắk, meng akaok thun tal ni công ty hu padang jalan ngak song tagok dom bruk pathau khan patak patom  điện tal rilo sang pandar  điện, tapa dom danak dak, bruk ngak  yau: Pathau khan patak patom  điện di  Jabat, công sở; Danak dak patak patom  điện dalam bhap bini; Danak dak patak patom  điện dalam dom sang bac; Danak dak tuk vak boh taneh.

Gam song nan, bruk pato pakai hatai sahaneng patak patom  điện ka anek saih  hu công ty Điện lực Đắk Lắk sangka peih ngak . Abih di nyu lac Nyaom pakacah  “Anek saih  song ilamu patak patom điện” hu peih ngak di dom sang bac  THCS dalam  tỉnh.Ni lac bruk piah pathau khan, pato pakai, paglaong hatai sahneng patak patom  điện ka anek saih, dong ka dom adei thau pandar điện patak patom, siam mkere song kein laba. Adei  Lê Quang Cảnh, anek saih sang bac  THCS Ea Yông, xã Ea Yông, huyện Krông Pắk hu mbaok tame pakacah  brei thau

Tapa pakacah nyu dong ka adei thau cambaih jang ka bruk patak patom  điện song pandar điện siam mekre, tuk mai sang ngak tui dalam sang song sang bac ye patak patom hu  biak rilo jien ndua song patrun takik di abih jien điện di sang song di sang bac .

Di dom labik peih pakacah , Công ty Điện lực Đắk Lắk hu peih rilo bruk ngoại khóa ka anek saih yau : phát tờ rơi pathau khan patak patom điện; yaih khan tapak ka bruk pandar  điện; đố vui hu quà. Ong Vũ Duy Đồng, Hiệu trưởng sang bac THCS Ea Yông, xã Ea Yông, huyện Krông Păk tong yaom , bruk pakacah  hu daong ka dom anek saih thau  patak pataom điện meng dom bruk sit sot di abih. Meng dom ilamu jaik haong bruk di anak meta, dom mbang ngoại khóa hu pabak ka dom adei rilo ilamu ka bruk patak patom điện piah ba tame  pandar dalam sang bac, dalam boh sang song dalam rai duik

Hulin sahaneng lac tuk dom adei nao bac mai sang jeng thau  padam dom bóng gom song thiết bị điện. Bloh dom adei jeng thau pathau khan ka amaik ame adei saai song mik va dalam palei ka bruk pandar điện yau habar  piah patak patom hu siam lagaih di abih

Dom bruk pathau khan patak patom điện di gah điện hu ba mai siam lagaih. Tui  kurhia  mboh di  Công ty Điện lực Đắk Lắk, dalam bilan  7 thun ni,  sản lượng điện patak patom hu  labaih  3,6 triệu kWh điện thương phẩm dut song tuk vak ni  thun dahlau, lũy kế dalam  7 bilan tapa lac  labaih  24 triệu kWh. Samu song yaom jien patak patom hu lac labaih 37 tỷ đồng. Tapa nan brei mboh hatai thau sahneng ka bruk pandar  điện patak patom song ba mai kein laba dalam bhap bini./.