Meng 2 plak tangin gheih di urang họa sĩ gam saong bruk hu thau, hu ilamu gah giải phẫu học, dalam jiak  20 thun tapa,  họa sĩ Võ Tấn Thành (daok di  phường Bửu Hòa, ban  Biên Hòa, tỉnh Đồng Nai) ngak sa bruk biak  đặc biệt: cih  chân dung tapa panuac khan. Pambuak bruk song gah công an, họa sĩ Võ Tấn Thành song urang anek likei (jeng lac sa urang công an) hu dong biak rilo dalam bruk duah mboh song cap mek tội phạm tapa panuac khan di  nhân chứng. Kadha vak di  Xuân Lượng hu khan tal  họa sỹ naih gheih ni

Họa sĩ Võ Tấn Thành dok hadar cambaih mbang akaok meti ong ngak bruk cih chân dung tội phạm tapa panuac khan. Nan lac thun  1999, bhap bini di sa labik praong rah tui jalan roya  51 meng Đồng Nai tapa tal  Bà Rịa – Vũng Tàu tuk halei jeng mboh huac, mboh duh hatai kayua  dom vụ án  hiếp dâm, meblah mek drap ar rah tabiak gam gam.  Kol tội phạm nyu bhian tabiak mbaok di tuk kreik melam  tal dah page, dok chứng cứ song  panuac khan di dom  nhân chứng ye biak takik song oh cambaih laih.

Hadei  di rilo mbang pagui mek kol tội phạm nguy hiểm oh jeng , Công an tỉnh Đồng Nai nyim tal bruk naih gheih di họa sĩ Võ Tấn Thành, yaom lac dahlau di nan, oh ka hu urang halei ngak bruk cih  chân dung tội phạm tapa panuac khan.

Tui bruk  cấp bách di  chuyên án ĐB99, dalam jaik sa bilan, họa sĩ Võ Tấn Thành song dom  trinh sát nao duah taom dom nhân chứng, dom urang hu mboh  tội phạm. Hadei di rilo blah cih karei di gauk, chân dung tên tội phạm hu angaok ba-ar saong hu dom  nhân chứng ndom lac biak dreih gauk.

Meng blah chân dung cih ni , bilan  9/1999, đối tượng Phó Văn Chính (ndih  tapui  thun 1963,  daok di  huyện Tân Thành, tỉnh Bà Rịa - Vũng Tàu) njauk chap mek tuk bahrau co klaik  di  xã Tam Phước. Nyu jeng lac urang cưỡng bức 9 urang kamei, blah drap ar 58 mbang.Tuk mboh  blah rup cih chân dung drei , nyu tatuak drei preo tagok : “Habar urang jakar hu thaot di adei!” ”.

Họa sĩ võ Tấn Thành ndom ka bruk ngak di drei :

Jeng hu pasram . Eng drei pasram min, oh ka tapa tal bac halei, bo bruk ini jeng oh hu labik halei pato . Drei ngak livik harei drei pataom hu ilamu gam saong khả năng di drei

 Hadei meng jak jeng di chuyên án ĐB99, họa sĩ VõTấn Thành daok pambuak bruk song gah  công an, daong tong tayah hu yaok pluh  vụ án trak, chap hu dom kol tội phạm biak nguy hiểm. Meda ndom tal vụ án Dũng “chim xanh” thun  2001 atau vụ tội phạm urang  Campuchia meblah  tiệm meh di  Kiên Giang thun  2009.

Thun 2006, mboh kein laba di bruk ni  song hatai khin dak harei dak  glong  di gah công an, họa sĩ Võ Tấn Thành hu pato tacei ka urang anek likei tui bruk di drei.  Tuk hu công an daa pambuak bruk, ong jeng ba anek likei angan Võ Tấn Phát nao tui , ilamu pataom hu rilo thunn di bruk ngak ni jeng hu urang ame họa sĩ pato veik ka anek likei.

Lavik livik harei, Võ Tấn Phát jeng sa urang daong bruk biak gheih, pataom hu dom ilamu hu ame pato tacei, song kayua dok ranaih nan ye  Phát daok hu pabak công nghệ thông tin, hu langyang  bruk chip  angaok komputer… dong veik ka ame, dong bruk  phác thảo chân dung tội phạm di  2 ame anek hu drah samar jang, cambaih laih jang.

Takre bruk ngak đặc biệt di urang ame song jeng hu “gen” họa sĩ, hadei di tuk bac tamat phổ thông, Võ Tấn Phát khang hatai  tui bruk di ame. Min oh lac sa họa sỹ pambuak bruk song gah  công an yau ame, Phát pakacah tame hu sang bac  Đại học Cảnh sát nhân dân, gah  ilamu  kỹ thuật hình sự. Urak ni, saai bac tamat saong tabiak ngak bruk di  Phòng Kỹ thuật hình sự, Công an ban  Biên Hòa, tỉnh Đồng Nai, bak quân hàm trung úy. Ndom tal bruk tui jalan di ame, trung úy Võ Tấn Phát khan lac:

Meng di tuk dok sit hu mboh bruk di ame bhian ngak, meng nan biak takre thoat binguk urang lin công an var klak rup drei. Meng nan nyu pachreih drei, yam tame ngak  công an bhap bini, drei ba bruk cih meng kan njauk jalan chuyên môn nghiệp vụ, khik siam tui bruk ngak , dong ka bruk  phá án samar jang, njauk jang.

Họa sĩ Võ Tấn Thành mboh lac, bruk cih chân dung tội phạm biak kan ngak, langiu di năng khiếu, họa sĩ ngak bruk ni  njauk pambuak haong rilo  khả năng yau  thủ pháp tâm lý tuk tom gaok nạn nhân atau ilamu ka bruk  giải phẫu học. Bruk ni njauk nao mai rilo, pang rilo vụ án pandik harao nan ye urang  họa sĩ, chiến sĩ brei hu pren yava siam song hatung hatian khang kadang. Kayua yau nan ye , yaom lac ngak bruk hagait, pambuak bruk atau urang lin công an ye bruk cih chân dung tội phạm oh kurang hu  hatai takre, bruk var klak rup drei ./.

Xuân Lượng/VOV TP.HCM