Huyện Bác Ái urak ni daok hu labaih 100 ha tabau oh ka tak , mbuan si pambak khuah kayua dok jiak glai song apuh, labik bhap bini bhian randap am glai dalam bilan thu. Sang saai Nguyễn Văn Long daok di palei Suối Rớ, xã Phước Chính hu 6 ha tabau dok cang tak, nan ye duik pasang saai kuac ngak jalan pacang pui gam salih gauk khik iek. Saai Nguyễn Văn Long brei thau:
Drei caga nao ngak ka nyu hacih dua gah jalan piah pui khuah oh mbak tapa. Meyah pui mbak tapa kan si pacang nan ye drei nao ramik pacang dahlau. Mik va nao ngak puh am pui klak labik ni labik deih, dalam nan hu dom uranaih glang limo.
Xã Quảng Sơn, huyện Ninh Sơn lac bhum pala tabau praong di Công ty cổ phần tabau saradang Biên Hòa - Phan Rang, ngan saong taneh pala prong labaih 2.300 ha. Tal tuk vak ni, Công ty bahrau blei hu labaih 20%, tabau dok veik biak rilo. Kayua Yau nan ye, urang nong daok ngak jalan pacang pui, pataom mek dom janih mbuan khuah, paatah meng 5-7 m piah pacang caga khuah .Ong Nguyễn Hồng, urang pala tabau di xã Quảng Sơn, huyện Ninh Sơn, tỉnh Ninh Thuận lac:
(Sang halei tak bloh brei cào tabiak, po oh ka tak haong pô tak bloh pambuak gauk piah cào atah tabiak 5-7 m. 2 gah pambuak gauk piah am dom mblang tak dahlau bo piah pacang caga dom mblang tak hadei, piah khik siam ka dom mblang oh tak tal
Dalam bilan tabau thun 2017-2018, Công ty cổ phần tabau saradang Biên Hòa - Phan Rang padang bhum pala tabau praong labaih 3.500 ha dok di 2 huyện Ninh Sơn song Bác Ái. Tal tuk vak ni Công ty bahrau tak hu labaih 30% taneh. Dalam tuk langik pandiak thu yau urak ni, tabau biak mbuan si khuah, bhum pala tabau di labik ni biak praong, yau nan ye meyah khuah meda pambak biak samar song khat lihik praong. Kayua yau nan ye dom urang di Cty bhian tabiak hamu pasang iek saong bhap bini jeng sangka khik caga mblang tabau anak bruk mbuan
si khuah. Ong Lê Văn Thìn, Trưởng trạm nông vụ 2, Công ty cổ phần tabau saradang Biên Hòa - Phan Rang brei thau;
Công ty hu dong ka yaok boh sang meng 3-5 triệu pah urang puh ramik taom dar bờ ranh piah pacang caga khuah. Langiu di nan meng di akaok vụ adei saai nông vụ brei thau dom bhum halei mbuan si khuah ye brei tak dahlau. Adei saai nông vụ jeng bhian tabiak hamu piah kakei mik va pacang caga khuah..)
Rilo mbang khuah tabau kayua oh caik hatai sangka di menuac urang, yau nan ye bhap bini njauk paglong hatai sahaneng, ngak catang tui dom quy định dalam tuk vak am cuh rami ramik hamu taba. Mik va tok am, ramik hamu tabau tuk beir harei melam, tuk langik halui la-an song caga ginup pandap piah pacang padam dom bruk meda rah tabiak piah trun takik di abih dom khat lihik kayua khuah tabau./.
Viết bình luận