Labaih 40 thun tapa, Pasak  Điều dưỡng thương bệnh binh song urang buh pren  ka CM  di Long Đất  tỉnh Bà Rịa - Vũng Tàu hu jeng sa boh sang di rilo rai thương bệnh binh di dom  tỉnh, ban gah merong. Luac tuk vak nan, dom thương, bệnh binh song urang buh pren ka CM di labik ni jeng mboh hu meng dom nhân viên y tế bruk anit ranam,  abih hatai yau hu dok dalam sang song gauk gar. Pahadar harei  Thương binh liệt sỹ 27/7, Lưu Sơn, urang vak di rayo sap ndom VN dok di ban raya HCM hu kadha vak ka boh sang bak  hatai menuac urang ni:

Pasak  Điều dưỡng thương binh Long Đấtdi ban sit  Long hải, huyện Long Điền, Bà Rịa - Vũng Tàu dok rong , iek glang 58 thương bệnh binh, dalam nan hu  18 thương bệnh binh tâm thần , dok veik rilo meng lac  thương binh trak, jaoh jo meng 81% tagok. Rilo thương bệnh binh njauk dom ruak yau  patuh lao mãn tính, xơ gan cổ trướng, vôi hóa cột sống, thần kinh, pandik talang trak... Langiu di nan,  yaok thun Pasak hu jao bruk điều dưỡng ka labaih 3.000 urang buh pren yava  ka CM di dom tỉnh gah merong mai  padeih padei, an dưỡng.

Thương binh ¼ Thạch Thị Lam palei  Nghệ An klah rabha khan lac, saai jaoh takai hamuat, liệt tangin ieu song rilo vết đạn dalam rup, yau nan ye bhian pandik harao tuk langik tasik oh lagai. Min, meng harei  saai Lam tame pasak di bilan  7/1986 mbaih tal harei ni  hu urang jakar, y, bác sỹ sangka iek glang  , labik pandik dalam rup saai trun rilo. Meng thương tật 84% saai  Thạch Thị Lam biak sahanang hatai hu iek ruak di pasak song khang hatai dok veik di labik ni tal luac rai.  

 “Jeng sangka tal thương binh lo, sangka iek glang yau menuac dalam sang, dreih yau dok di sang drei. Hatai ranam di yaok uarng brei  ka thương bệnh binh ngak ka drei patrun pandik harao, labik njauk rambuac jeng  patrun pandik pandua. Bruk sangka iek glang pren yava ka  thương binh yau sa pren khang ka khol hulin duik rai bui sambai jang, khang kadang jang song hu makna jang”.

Wa  Vũ Tiến Trọng, palei daok di  Nam Định dok iek ruak di  Khoa Tâm thần klah rabha khan lac thun 1979 dok lac  bộ đội Biên phòng di Cửa khẩu Mộc Bài, Tây Ninh. Dalam sa mbang nao pasang iek njauk  khol  buôn lậu tấn công njauk rambuac di akaok ba tal  chấn thương sọ não, oh daok hadar kanal hagait bloh ruak hoang tưởng rilo thun gam song  tỷ lệ njauk rambuac  94%. Hadei di  14 thun iek ruak di Pasak  Long Đất pren yava di  ong hu pasiam veik. Thương binh Vũ Tiến Trọng brei thau  : piah yam tapa pandik harao ni, langiu di bruk kham merat di rup drei, pren prong lac bruk iek glang halan hatain di nhân viên y tế di labik ni:            

 “ Dahlau deih nao gah ni gah deih sahaneng bruk ni bruk deih, tuk halei  hoang tưởng ye menyum jru , urak ni abih ye, thau jalan nao jalan mai, urak ni eng drei ngak bruk hu. Urang jakar di labik ni biak siam hatai song adei saai thương binh.”

Ndom nyai song wa  Ngô Văn Trao, hu thau wa Trao palei daok di Tây Ninh tame Pasak  Long Đất meng thun  1978, Wa njauk rambuac dalam tuk ngak bruk di biên giới  Tây Nam. Hu 4 vết thương dalam rup, njauk rambuac labaih  94%  dom

harei bahrau tame iek ruak biak pandik harao, rilo tuk wa sahaneng duah tal metai. Min hu bruk pachreih ba, iek glang abih hatai di dom nhân viên y tế, labik njauk rambuac hu pasiam veik. Urak ni wa tok khin dok veik pasak piah hu iek ruak, 40 thun gam mbang gam dok song song adei saai wa mong iek labik ni lac boh sang di tong abih thương, bệnh binh:         

 “Tuk mereip tame ni mboh duh hatai lô, pandik harao kayua vét thương yau nan ye oh daok khin hagait, mbang ndik oh hu,  pren yava dak harei dak trun. Tame ni hu duh biak siam, harei atau melam tuk halei ieu jeng hu  y bác sỹ, pren yava urak ni siam tagok  ye , meng harei nan tal urak ni oh tame sang iek ruak mbang halei. Di labik ni yau boh sang di drei, urak ni daok di labik nit al luac rai ye  ”.

Duh  thương binh tui jalan ngak lac  “trách nhiệm, nghĩa vụ, vinh dự” an lac bruk di tong abih urang jakar, , nhân viên y tế di Pasak  Điều dưỡng thương bệnh binh Long Đất, urang mboh uan tabuan kayua hu duh dom urang klaak sa binah rup pabhap di drei dalam bruk khik caga palei negar. Bác sỹ Nguyễn Văn Tương, Trưởng khoa iek glang  thương, bệnh binh tâm thần klah rabha brei thau:

 “Hu duh urang ruak lac siam ye  ,min ngan song  thương binh tâm thần ye  nan lac hatai ranam song bruk njauk ngak  . Khol hulin ngak bruk ni lac karja jao brei njauk duh thương binh, abih menuac dalam taneh ia, Rajaei Đảng hu sangka tal thương binh ye drei mboh biak hadah mbaok meta”

Bác sỹ Tống Đức Bình, Akaok pasak  Điều dưỡng thương binh song urang hu buh pren yava ka CM di Long Đất brei thau, meng kapul  60 urang jakar , dalam nan hu  5 bác sĩ, 11 y sĩ điều dưỡng song  kỹ thuật viên, cơ sở pandap panda di pasak biak siam piah  chẩn đoán, iek ruak , phục hồi chức năng ka dom thương bệnh binh. Anak tal Pasak hu peih prong  labik sang dok ka urang hu buh pren yava ka CM piah raok rilo menuac urang di dom   tỉnh, ban  gah merong mai ni padeih padei  , điều dưỡng. Piah khik ramik iek glang pren yava siam ka  thương bệnh binh,  urang hu buh pren yava ka CM, pasak brei urang jakar, nhân viên y tế nao pasram megru  nghiệp vụ, blei pandap panda y tế piah iek dom mbang  ruak  phát sinh, oh cang ba tagok gah angaok iek ruak:       

 “Ngan song gah  y meyah oh pabak ilamu  ye nyu lạc hậu, ckayua yau nan ye bo urang jakar di labik ni njauk brei nao bac megru pabak ilamu. Anak tal jeng pok panuac likau Bộ - Cục Người có công dong ngak phòng cấp cứu, brei hu mac moc , jamriak  dong suah yava, gaghe ndik đa năng ka urang ndih iek ruak tui njauk janih ruak, hu dom pandap panda nan piah dong ka bruk cấp cứu”.

Meda ndom lac dom bruk hagait bo dom anai dom wa thương bệnh binh  var klak rup drei biak njauk taduan hu veik bruk sangka, iek glang di tong abih  xã hội, dong ka urang sahanang hatai yam tapa dom pandik harao rup pabhap piah duik rai siam tal luac rai. Pasak Điều dưỡng thương bệnh binh Long Đất hu jeng sa boh sang piah ka dom anai, dom wa daok veik yau gauk gar dalam sang./.