Pathau mikva saoang taong abih gauk!

Peihngak bruk pakat negar ka padang ngak palei pala bahrau, tỉnh Nghệ An hu ba tabiak bruk lac, padang ngak palei pala bahrau njauk pambuak haong paglaong giá trị gia tăng, patagok bruk ngak mbang pala drak piah cakrok patagok khang kajap saong grap tanat. Labaih 5 thun tapa, tỉnh Nghệ An hu mboh yaok rituh baoh sang urang nong kaya meda. Kadha vak hadei ini di urang vak Quốc Khánh ndom tal bruk ini:

Dom thun dahlau diah, ong Nguyễn Trọng Hùng, palei Phú Tân, xã Tây Hiếu, thị xã Thái Hòa, hu ralo mbang nao ngak bruk duah blei kaya nong) having akaok dalam bruk pablei kaya nong. Thun ini hu mùa pala njauk ye laik yaom kayua urang blei oh nao tame bein blei hu yau urak INI. Min urak ini, meng tuk hu  jalan tuh menyek saong bê tông tal yaok puk palei, ong Hùng hu raong palimek pabe tano raong dalam van, yaok thun ong pablei hu 4 mbang, jien mek tame hu labaih 300 triệu đồng, radaih mai blei tal sang. Taphia di nan ong daok raong 30 sruh dangko, yaok vụ mek hu 200 triệu đồng. Dalam palei Phú Tân di ong hu 80 baoh sang raong pabe tui jalan palimek, 40 baoh sang raong dangko hu jien mek tame glaong.

Nguyen Trong Hung Pak ini bhap bani ngak tabiak pandap panda ralo, hu cao su cà phê, baoh ổi, kruac bhung saong dom janih pandap yau kruac aik Hu jalan mbak nao mai dalam palei mbuan laghaih piah cakrok patagok kinh tế.)

Ban sit Thái Hòa lac sa dalam 2 jabat pakat huyện di tỉnh Nghệ An mek hu chuẩn palei pala bahrau. Hadei di labaih 5 thun, hu mboh 206 mô hình patagok kinh tế gia trại, 27 trang trại hu brei harak chứng nhận mek hu quy chuẩn di Mentri ngak nong saong patagok palei pala. Dalam tỉnh Nghệ An hu padang ralo jalan ngak mbang pablei salih ba mai ralo kein laba, yau: bruk raong menuk rilo an toàn sinh học pak dom huyện yau: Kỳ Sơn, Tương Dương, Quỳ Châu, Quế Phong; bruk raong limo menek pambuak haong pala hareik pak di dom huyện: Thanh Chương, Nam Đàn, Quỳnh Lưu, Diễn Châu, Nghi Lộc, Nghĩa Đàn, Thái Hòa... Baoh sang kathaot dalam tỉnh urak ini trun daok 9,5%; jien mek tame kuhria tui akaok menuac di palei pala labaih 22,5 triệu đồng/sa urang/ sa thun. Dom jalan mbak, jalan điện, sang bac, sang ilamo patagok samu gauk. Nghệ An hu yaok rituh urang nong kaya meda dalam ralo gah ngak mbang palei salih karei di gauk. Ong Phạm Văn Thạch, Phaok akaok UBND Thị xã Thái Hòa brei thau:

Pak Thái Hòa hadei di tuk padang ngak blaoh ye sre takik saong dom cơ sở kinh tế cakrok patagok, abih di nyu nan lac dom trang trại gah raong glang, dom trang trại pala drak blaoh dom angan je pandap panda saong bhap bani thei jeng chreih chai kayua lac jien mek tame dak harei dak ralo, nan ye hu jien piah bayar dom nguồn rik daong.)

Danak dak padang ngak palei pala bahrau di Nghệ An hu bruk hu mbaok abih hatai di  bhap bani, abih di nyu lac dalam gah alin brei taneh ka dom bruk ngak ini lac labaih 5 triệu mét vuông.

 Kadha njauk pok meyaom nan lac danak dak palei pala bahrau pak Nghệ An hu ngak brei salih bahrau jalan saneng di anek manuac dalam bruk hu mbaok tame dak padang puk palei khang kajap./.