Dom janih njam patam boh karaoh pala di sang drei njauk pala dalam bilan  xuân ni, piah mbuan iek glang song hu năng suất glong.

Bilan  xuân lac tuk langik ấm áp song pasah jang meng dom mbang hajan xuân sit sit. Kayua Yau nan ye, dom janih njam patam boh karaoh lagaih song langik pandiak njauk pala dalam tuk vak ni, piah tal akaok bilan hè, nyu tamuh khang song paik mek hu.

Hadei di ni lac 3 janih njam patam boh karaoh pala di sang biak lagaih, nyu hu rilo dinh dưỡng saong năng suất biak glong.

Njam harum

Ndom tal bruk pala njam patam boh karaoh di sang, khol drei njauk hadar tal njam harum, sa dalam dom janih njam biak mbuan iek glang song hu rilo siam lagaih ka pren yava anek menuac.   Bilan xuân, dalam tuk langik ấm áp song oh ka hu hajan rilo, drei njauk pala 2 – 3 luống njam harum atau pandar  thùng xốp piah pala di sang.

Meda pala njam harum meng asar  atau meng phun anek pajaih. Taneh piah pala brei ngak ka nyu pasoh, buh haloh hasit khak hữu cơ. Dalam dom harei pala camereip, brei pruh ia gam. Hadei di tuk njam tamuh khang, njauk cakak njam ngak jeng labik lahơi ka phun tamuh praong jang. Meng  3-4 adit, drei meda paik njam harum mbang piah pabak dinh dưỡng. Janih njam ni mbang gam bingi, liar gqam mbuan iek glang song takik hu halak palai kaik. Meyah bahrau pala iek njam patam boh karaoh di sang, njam  harum lac janih njam jhui var pala dalam bilan  xuân ni.

Bí ngồi

Bí ngồi oh lac njam di Việt, nyu hu ba tame Việt Nam dalam dom thun jiak di ni. Janih njam ni hu biak rilo chất siam ka rup pabhap yau  kẽm, vitamin K, protein, chất xơ,… Bí ngồi tamuh siam tuk langik ấm áp, nan ye dalam bilan  xuân,  ni lac janih njam lagaih piah pala di sang. 

Meda pala  bí ngồi dalam bilan xuân dmeng bilan 2-3 song cang  2 bilan piah  paik dom boh  bí ngồi camereip. Labik pala bí ngồi brei hu rilo ia harei nan ye drei meda palih ban công piah caik dom  thùng xốp pala bí atau palih labik halei lahoi di mblang bein, dom labik hu phun hajao pacang pandiak. Yaom lac pala di labik halei, bruk tathuak ia ka phun bí ngồi lac bruk praong kayua taneh biak pasah phun oh oraong hu. Dalam tuk vak iek glang bí ngồi, tuk phun hu meng 4 hala , njauk buh khak sa mbang piah phun tamuh siam. Hadei di nan, yaok  4 tal 5 adit sa mbang, drei buh khak  đạm atau kaki, khak limo ka phun. Meyah mboh hala hu halak, brei cakak klak chip piah plaih njom mbak.

Đậu đũa

Đậu đũa lac sa dalam dom janih njam pala di sang biak mbuan song ba mai kein laba glong. Janih  phun ni lagaih song langik nhiệt đới yau nan ye pala dalam bilan xuân, bilan pandiak lac lagaih di abih. Bilan xuân piah pala  đậu đũa lagaih lac dalam tuk meng kreh bilan 2 tal bilan 3 tui saka ia harei 

Drei meda pala đậu đũa di gah likuh bein sang atau anak bein sang, di taneh pasoh song mbuan tathuak ia. Janih phun pala ni biak mbuan iek glang, oh buh khak rilo bo nyu brei boh siam

Tuk pala  đậu đũa di sang, njauk sangka ngak mejam piah phun praong samar song brei boh rilo. Piah mek hu năng suất glong song khik ka phun pala tamuh siam, tani tanat, brei ngak kataneh pasoh, pabak haluk di gha dahlau di tuk ngak mejam.

Njauk pala iek dom janih njam nan di bein sang, di ban công sang di drei piah hu njam hacih mbang yaok harei song hu bui sambai dalam bruk iek glang phun pala di sang./.